Grebak % 80ko jarraipena izan du eskoletan, ELAren hitzetan
ELA sindikatuak jakitera eman duenez, Euskadiko itunpeko zentro pribatuetan deitutako grebak % 80ko jarraipena izan du. Greba-deialdiak 250 ikastetxe baino gehiagotan eragina izan du. Kristau Eskolak emandako datuen arabera, bestalde, grebak %48ko jarraipena izan du.
Itunpeko ikastetxeetan greba eguna dute gaurkoa, ikastoletan izan ezik. Protestak itunpeko 200 bat zentrori eragingo die Araba, Bizkai eta Gipuzkoan, eta lan-hitzarmen berriaren negoziazioa eskatzen dute irakasleek.
Gaurko greba ELA, LAB, CCOO, UGT eta EILAS sindikatuek deitu dute, eta 12.000 bat langile daude lanuztea egitera deituta.
Sindikatuek salatu dute murrizketak "langileen bizkar" egin dituztela patronalek; eta, lan-hitzarmena bukatuta, uztailaz geroztik Estatuko lan-hitzarmena jarri duela indarrean patronalak. Sindikatuen arabera, neurri hori, Estatuko lan-hitzarmena ezartzearena, legez kanpokoa da.
Goizeko hamarretan Gasteizko Legebiltzarraren atarian deitu dute sindikatuek elkarretaratzea, eta eguerdian manifestazioak egin dituzte Gasteizen, Donostian eta Bilbon.
Itunpeko eskola pribatuetako langileak Bilbon. Argazkia: EFE
Jarraipen zabala
Langileek "babes zabala" eman diote protestari eta "sektoreko zentro ia guztietan eragina izan du", ELAk agiri batean azaldu duenez.
Azken asteetan ikastetxe askok ateak ez zabaltzeko erabakia hartu zuten batzarretan, baina Eusko Jaurlaritzak inposatutako gutxieneko zerbitzuek "irekitzera behar dituzte, nahiz eta langile bakar bat ere lanera ez joan", sindikatuaren ahotan.
"Orokorrean" Gipuzkoan, Bizkaian eta Araban langileen % 80k lanuztean parte hartu dute, ELAren hitzetan.
Protestak EAEko 335.000 ikasleri eragin diezaieke, sindikatuen arabera.
Gaurko grebaz gain, beste bi mobilizazio aste ere deitu dituzte adostasunik lortu ezean: urriaren 21etik 25era bata, eta azaroaren 25etik 29ra bestea.
Kristau Eskola
Itunpeko ikastetxeen patronalak, Kristau Eskolak, emandako datuen arabera, grebak %48ko jarraipena izan du. 137 ikastetxek osatzen dute Kristau Eskola.
Patronalak adierazi duenez, ikastetxe guztiek ireki dituzte gaur ateak, "ikasleen zerbitzura egon dira" eta "kasu bakarrean ere ez da greba %100ean jarraitu".
Erakundeak sindikatuek zabaldutako "informazio intoxikazioa" deitoratu du. "Langileek grebaren jarraipen zabala egitea izan da horren helburu", adierazi du eta gatazka eskoletara eraman izana salatu du. "Konponbidea ez dago eskoletan, eta badakite hori", adierazi du.
Zure interesekoa izan daiteke
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.