Aste erabakigarria Fagor Etxetresna kooperatibarentzat
Aste erabakigarria izan liteke datorren astea Fagor Etxetresna Elektriko kooperatibarentzat, bere etorkizuna ziurtatzeko gutxienez 120 milio euro behar baititu. Finantziazio hori lortu ezean, hartzekodunen lehiaketan sartzeko arriskuan legoke.
Agiri labur batean, Mondragon korporazioko iturriek jakinarazi dutenez, "likidezia eta kaudimena bermatuko dituen finantziazioa lortzeko ahalegin berezia egiten ari da Kooperatiba une honetan. Hori lortzeko aukerak garatzen eta aztertzen ari gara. Negoziazioen emaitzak onak badira, hazkundera bideratutako gure plan estrategikoa ezartzeko esparru egonkor bat lortuko dugu".
Aztertzen ari diren aukeren artean, mailegu baten bidez finantziazio arazoak konpontzea edota etxetresnak egiten dituen Fagor lantegia berriro laguntzea daude.
Iaz 89 milioi euroko galerak izan zituen Fagor kooperatibak, eta maiatzean 70 milioi euroko bi mailegu eman zizkion Mondragon taldeak. Orain, 120 milioi euro beharko lituzke aurrera egiteko.
2008. urteaz geroztik ez du irabazirik izan. Eta diru galerak izateaz gain, langile kopuruak ere behera egin du Fagorren. 10.000 langile izatetik 5.600 izatera pasatu da bost urtean. 1.600 beharginek Euskadin lan egiten dute; gainerakoak 13 bat herrialdetan ari dira.
Fago Etxetresna Elektrikoak kooperatibak ez du behar adina saltzen. Espainiar Estatuan salmentak nabarmen jaitsi dira, eta ekoizpenaren %76 atzerrira esportatzen duen arren, kanpoko merkatuetan ere egoera zaildu egin zaio Arrasateko kooperatibari.
Bihar aztertuko dute egoera Mondragoneko Kontseiluan. Beharrezko finantziazioa lortu ezean, hartzekodunen konkurtsoan sar liteke Fagor kooperatiba.
Albiste gehiago ekonomia
664 pertsona edo enpresak 322,4 milioi euroko zorra dute Nafarroako Ogasunarekin
Zerrendan aurreko urtean baino 11 zordun gehiago agertzen dira. Zor den kantitatea ere hazi egin da eta 2,8 milioi euro gehiagokoa da. Zordun gehienak pertsona juridikoak dira eta ia denek Nafarroan dute egoitza.
LABek ez du osasun ituna babestuko, osasungintza pribatuko kontratuei eutsiko zaielako
LAB sindikatuak iragarri du ez duela osasun ituna babestuko, ezta biharko bilerara joango ere, "sektore pribatuarekiko menpekotasunak" bere horretan jarraituko baitu .
Zaborren tasa berria onartuta eta gainerako zergak izoztuta, Bilbon
Udalak ordenantza berria onartu du oposizioaren ezezkoarekin, neurriak herritarren poltsikoetan izango duen eragina kritikatzen baitute. Tasak gaur egungo zaborren tasa ordezkatuko du eta zerbitzuaren benetako kostuaren araberakoa izango da.
Gatikako azpiestazio elektrikoa 2028an egongo da martxan, eta Europarekin konexio energetikoa indartuko du
Gatikatik abiatu eta lurpeko eta itsaspeko trazadura bidez egingo da. Elektrizitatea trukatzeko ahalmena 5.000 megawattekoa izatea ahalbidetuko du; gaur egungoa bikoiztuko du, alegia. 2.850 milioi inbertitu dira proiektuan, eta Europar Batasunak Interes Komuneko Proiektu izendatu du, Europarekin dagoen lotura "ahula" indartzea baitu helburu.
Greba mugagabea Aguraingo eta Legasako Arcelor lantegietan, uztailaren 1etik aurrera
Enplegu-erregulazioko espedientearen kontsultarako aldia amaituta dago, eta aldeek ez dute lortu elkarrekin ados jartzea. ELA sindikatuak salatu du EEE horren ondorioz zuzendaritzak 33 langile kaleratu eta Legasako lantegia itxi egingo duela.
LEA konpainiak 100 langileri eragingo liokeen aldi baterako lan-erregulazioa planteatu du
Enpresak 120 behargin ditu. Zuzendaritzak langileen ordezkariekin bilera egin du, eta aldi baterako lan-erregulazioaren proposamena helarazi die, suteak ia lantegi osoa suntsitu ondoren. Zuzendaritzaren hitzetan, enpresa-batzordeak "oso jarrera ulerkorra" izan du.
Betetzeko zailak diren Lehen Arretako 173 plaza eskainiko ditu Osakidetzak, aurreikusitakoa baino 30 gehiago
Osasun Sailak jakitera eman duenez, hautaketa-prozesua uztailean ebatziko da, "profesionalak ahalik eta azkarren has daitezen lanean osasun-zentroetan".
BBVA Euskadin duen presentzia indartzeko prest agertu da
Erakundearen arduradunek berretsi egin dute bankuak Euskadiren alde egindako apustua, eta baieztatu dute erakundea prest dagoela inbertsio-aukera berriak aztertzeko.
NATOko herrialde guztiek hartu dute konpromisoa defentsarako gastua % 5era igotzeko
Adierazpen ofizialak ez du adierazten Espainia edo beste estaturen bat salbuetsita dagoenik. Hala ere, NATOren idazkari nagusiak adierazi du bat datozela esatean ez daudela ados.
Gipuzkoako alokairuen erreferentzia-prezioen indizea uztailean egongo da martxan
Gipuzkoa izango da gune tentsionatuetako alokairuaren prezioak arautzeko indizea izango duen lehen lurraldea. Bestalde, Bilbok uztailerako atzeratu du eremu tentsionatu izendatzea, eta Gasteizek irailean hasiko ditu izapideak.