Gasteizko tailer txiki batean jaio zen Fagor Etxetresnak orain 57 urte
Luis Usatorre, Jesús Larrañaga, Alfonso Gorroñogoitia, José María Ormaetxea eta Javier Ortubai. Fagor Etxetresnak enpresaren sorreraren atzean bost gazte horiek egon ziren, orain 57 urte.
Mondragon taldearen hasieratik datorren ikur nagusia da Fagor Etxetresnak, hura izan baitzen sortu zuten aurreneko kooperatiba.
Arrasateko Lanbide Eskolako bost ikasle horiek Gasteizko lantoki txiki bat erosi zuten 1956. urtean, etxetresnak ekoizteko helburuarekin. Gerora, enpresa Estatuko liderra bilakatu zen etxetresnen alorrean, eta mundu mailan erreferente izatera iritsi da.
Hasiera batean, Ulgor izena jarri zioten tailerrari (bost ikasleen abizenen lehenengo letrak hartuta). Tailerra Arrasatera eraman zuten gero, eta, han, Jose Maria Arizmendiarreta apaizaren aholkuei jarraituta, kooperatiba sortzea erabaki zuten: Fagor izena jarri zioten.
Abangoardia teknologikoa izan da Fagor Etxetresnaken arrakastaren oinarria. 1978. urtean aurreneko mikrouhin-labea egin zuen, eta etxetresnen 5 urteko garantia eskaintzen aitzindaria izan zen Fagor.
Bidean oztopo asko izan ditu Fagor Etxetresnakek. 1971. urtean, estatutuak aldatu behar izan zituzten, urte horretan ez baitzuten etekinik lortu. 80ko hamarkadan, krisiak gogor jo zuen, baina egoerari eustea lortu zuen.
1994. urtean, Fagorrek nazioartera ireki zituen leihoak: Marokon hozkailuak egiteko lantokia ireki zuen, eta, hiru urte geroago, Estatuko lider bilakatu zuten. Mundu mailan, alorreko seigarren enpresa da Fagor. 1999. urtean, Polonia iritsi zen, eta, ondoren, besteak beste, Txina eta Frantzia etorri ziren.
Egungo krisi ekonomikoarekin, arazoak hasi ziren. 2007. urtean, Fagor Etxetresnaken salmentek % 37 egin zuten behera, eta, 2008tik hona, langileen kopurua erdira jaitsi da. Orduan 10.000 behargin izatetik, gaur egun 5.642 izatera igaro da.
Egun, Fagor Etxetresnakek bost lantoki ditu Euskal Herrian (bi Arrasaten eta bana Basaurin, Bergaran eta Eskoriatzan) eta zortzi, nazioartean (lau Frantzian, bi Txinan eta bana Polonian eta Marokon). Horrez gain, filialak ditu kontinente guztietan.
Guztira, 5.600 langile ditu; horietatik 1.600, Euskal Herriko kooperatibistak.
Albiste gehiago ekonomia
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.