Fagor Etxetresnak: bost lantegi eta 1.600 langile Euskadin
Fagor Etxetresnak, Mondragon Korporazioko (MCC) ikur handienetako bat, kinka larrian dago, krisi ekonomikoaren gordintasunaren ondorioz.
Ez da gutxiagorako: 2007. urtetik, salmentak % 37 jaitsi dira (600 milioi euro), eta, 2008. urtetik, langileen kopurua erdira murriztu da. Orotara, pilatutako zorra 700-800 milioi eurokoa ei da.
Hori dela eta, konpainiak finantziazioa behar du, hartzekodunen konkurtsoa saihesteko. Fagorrek ez du zehaztu zenbat, baina, hainbat iturriren arabera, 50 eta 120 milioi euro artean izango lirateke.
Fagor Etxetresnakek 60,4 milioi euroko galerak izan ditu aurtengo lehen seihilekoan, hau da, iazko epe berean baino hiru aldiz handiagoak izan dira. Orduan, 20,3 milioi euro galdu zituen.
Iaz, kooperatibak 89 milioi euroko galerak izan zituen. Fakturazioa 1.167 milioi eurokoa izan zen, aurreko urtekoa baino % 9 gutxiago. Nazioarteko salmentak negozio osoaren % 76 izan ziren.
Fagorrek mozkinak izan zituen azken urtea 2008a izan zen. Dena dela, eskasak izan ziren: 121.000 euro, aurreko urtean (13,4 milioi euro) baino % 99 gutxiago.
Emaitza horien aurrean, MCCk 70 milioi euroko funtsa sortu zuen maiatzean, Fagor Etxetresnak salbatzeko.
Konpainiak 78 milioi euroko murrizketak egin ditu, baina, hala ere, ez da nahikoa izan, eta, orain, MCC beste erreskate bat onartzea aztertzen ari da.
Langileak eta soldata
Salmentak eta fakturazioa ez ezik, langileen kopurua eta horien soldatak ere jaitsi dira azken urteetan.
Hala, 2008. urtean 10.000 langile inguru zituen, eta, orain, 5.642 (iaz baino 1.356 gutxiago). Euskadin, 1.600 dira.
Maiatzean, soldata % 6,48 jaistea onartu zuten langileek. Aldez aurretik egindako beste jaitsiera batzuen ondorioz, gainera, gaur egun soldataren % 80 baino ez dute kobratzen.
Mundu osoan, Fagor Etxetresnakek 13 lantegi ditu: bost EAEn (bi Arrasaten eta bana Basaurin, Bergaran eta Eskoriatzan) eta zortzi Frantzian, Polonian, Marokon eta Txinan.
Zure interesekoa izan daiteke
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.