Fagor Etxetresnak, bere etorkizuna salbatzeko akordio batetik gertu
Fagor Etxetresnak konpainia bankuekin eta "batez ere" Mondragon taldearekin (MCC) aurreakordioa adostetik gertu dago, plan estrategikoa martxan jarri ahal izateko eta bere etorkizuna salbatzeko.
Konpainiatik aitortu dutenez, aste hau "erabakigarria" izango da, eta ukatu egin dute sozietate anonimo bihurtzea aztertzen ari direla.
Fagor Etxetresnakek ez du baieztatu atzerrian lantegiren bat ixteko asmorik ote duen, plan industriala onartzea eta bazkideei komunikatzea falta delako.
Maiatzean, MCCko kooperatiba guztiek 70 milioi euroko funtsa onartu zuten, Fagor Etxetresnaken krisia gainditzeko. Izan ere, 2007. urtetik, salmentak % 37 jaitsi dira.
Hilabete horretan, 78 milioi euro aurrezteko neurriak hartu zituela azaldu zuen enpresak. Dena dela, "krisiaren bortizkeriaren ondorioz", neurri horiek ez zirela nahikoak izan gaineratu zuen.
Kooperatibak 60,4 milioi euro galdu ditu aurtengo lehen hiruhilekoan, iazko epe berean baino hiru aldiz gehiago, Balore Merkatuaren Batzorde Nazionalari (CNMV) igorritako txostenaren arabera. Sendien kontsumoaren jaitsierari eta eraikuntzaren sektorearen "kolapsoa"ri egotzi zizkien taldeak emaitza txarrak.
Orduan, kooperatiba izatea "lehiakortasunaren aldetik positiboa" dela esan zuen, "elkartasun eta kooperazio mekanismoak abiatzea" errazten duelako.
Prentsa ohar batean, "beste esfortzu bat" egin behar dutela esan du orain Fagor Etxetresnakek: "Aztertzen ari garen mekanismoak oso aurreratuta daude, eta, negoziazioak ondo badoaz, marko indartsua izango dugu plan estrategikoa abiatzeko", gaineratu du.
Fagorrek bost lantegi ditu Estatuan (bi Arrasaten eta bana Basaurin, Bergaran eta Eskoriatzan), eta zortzi Frantzian, Polonian, Marokon eta Txinan. 5.642 langile ditu guztira; iaz baino 1.356 gutxiago.
Zure interesekoa izan daiteke
OPEP+ek ekainerako petrolio eskaintza erabakiko du Vienan, mundu mailako energia krisiaren erdian
Zazpi ekoizle handi baino ez dira bilduko (Saudi Arabia, Errusia, Irak, Kuwait, Kazakhstan, Aljeria eta Oman) batzarrean, Arabiar Emirerri Batuek erakundea uztea erabaki ondoren.
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.