Urkullu: 'Aurrekontuak kohesio soziala eta enplegua bermatzen ditu'
Iñigo Urkullu lehendakariak 2014ko aurrekontuen proiektua izan du hizpide. "Aurrekontuak kohesio soziala eta ekonomiaren indarberritzea eta enplegua ekarriko ditu", esan du lehendakariak. Gobernu Kontseiluak goizean onartu ditu 10.215 milioi euroko aurrekontuak.
Joxe Mari Korta sariak banatzeko ekitaldian egin ditu adierazpen horiek lehendakariak. Lehendakaritzan egindako ekitaldian, lau enpresariren ibilbidea saritu dute.
Ekitaldiari amaiera emateko hitzaldian adierazi duenez, "zorroztasunez jokatu dugu ekonomian eta aurrekontuetan, eta, horri esker, Euskadi basamortuko zeharbidea gainditzen ari da".
"Itxaropentsu begiratu diezaiokegu ekitaldi berriari. Aurrekontu honek inbertsioa eta kontsumoa indarberritzeko beharrezkoa den konfiantza ahalbidetuko du. Konfiantza hori beharrezkoa da hazteko", azpimarratu du Urkulluk. "Gobernuak 2014an baliabide gehiago izango ditu kohesio soziala bermatzeko eta osasunarekin, hezkuntzarekin eta gizarte babesarekin duen konpromisoa mantentzeko", gaineratu du.
Enpresa arloa ere hizpide izan du. "Enpresak eta enpresa erabakiak oinarrizkoak dira aurrera ateratzeko", adierazi du, eta "Jaurlaritzak krisitik ateratzeko behar den konfiantza bermatzeko konpromisoa hartzen du", gaineratu du.
"Konfiantza horrek konpromisoa eskatzen du", esan du. "Gure gobernuaren kasuan, ekonomian eta aurrekontuan ezarri dugun zorroztasunean oinarrituta dago hori, baita oreka soziala bermatuko duen eta ekonomia eta hazkundea bultzatu dituen neurriak bultzatzeko proiektuan ere", azpimarratu du.
Halaber, krisiari aurre egiteko behar diren akordio politikoak eta erakundeen arteko akordioak erraztearen alde agertu da lehendakaria.
Korta sariak 2013
Aurtengo Joxe Mari Korta sariak enpresaburu hauek irabazi dituzte: Juan Manuel Arana, Muruetako Ontziolak enpresako presidentea; Julio Faustino Martinez, Faustino upeltegiko jabea; Jesus Alberdi, Bankoa, SPRI eta Elkargiko zuzendari ohia, eta Vicente Zaragüeta, Donostiako Aquariumeko presidentea.
Zure interesekoa izan daiteke
Talgo % 9,7 igo da burtsan Sidenorrek konpainiaren % 30 erosi ondoren
Talgoren kotizazioa ordubete inguru egon da etenda ostiraleko saioan, konpainiak Balore Merkatuaren Batzorde Nazionalari Sidenorrek akzio-pakete hori erosi duela jakinarazi aurretik.
Sidenorren arabera, Talgok "etorkizuneko proiektu sendo batekin" ekin ahalko dio etapa berriari
Mikel Jauregi Eusko Jaurlaritzako Industria sailburuaren esanetan, euskal partzuergoak Talgoren % 29,76 erosteko sinatutako akordioa "mugarri oso garrantzitsua" da urtea amaitu aurretik operazioa gauzatu ahal izateko. EAJk euskal industriaren aldeko apustuaren erakusgarri gisa ospatu du operazioa; EH Bilduk, berriz, albiste ontzat jo du, nahiz eta izen aldaketa eskatuko duen eta beheranzko joera hartua duen euskal ekonomiarentzat lagungarria izatea espero du.
Talgo eta Sidenor, euskal industriaren bi erraldoi
Lehenengoa erreferentea da tren-sektorean; bigarrena, berriz, liderra da siderurgian.
Sidenor buru duen partzuergoak Talgoren % 29,76ren erosketa itxi du 156 milioiren truke
Balore Merkatuaren Batzorde Nazionalak (CNMV) behin-behinean eten du Talgoren kotizazioa, Sidenorrek gidatutako partzuergoak Pegasorekin sinatutako akzioen salerosketa-kontratua sinatu ondoren. Eragiketak otsailean lortutako aurreakordioa berretsi du, eta erosketaren azken faseari ekin dio.
Bizkaiko hegoaldeko trenbide-saihesbidearen obrak urtea amaitu baino lehen hasiko dira
Eusko Jaurlaritzako Mugikortasun Jasangarriaren sailburu Susana Garcia Chuecak azaldu duenez, obrak amaitutakoan merkantzia-trenek ez dute Santurtzi, Portugalete, Sestao eta Barakaldo zeharkatu beharko. "Aldiriko trenek bakarrik zirkulatuko dute, iberiar zabalera baitute trenbide horiek", gaineratu du.
Angula-arrantza denboraldia hastear, Bizkaiko eta Gipuzkoako arrantzaleak lehorrean
Eusko Jaurlaritzak bertan behera utzi du aurtengo angularen arrantza-kanpaina, espeziea galtzear dagoela argudiatuta. Hala, urtebetean, gutxienez, ezingo da angularik harrapatu Bizkaiko eta Gipuzkoako ibaietan. Euskadiko Anguleroen Elkarteak salatu du Europa osoan arrantzatuko dutela angula, Euskal Autonomia Erkidegoan izan ezik.
“Ipar Euskal Herrian, Asturiasen, Kantabrian… Europa osoan ari dira angula arrantzatzen, EAEn izan ezik”
Angula denboraldia hastear den honetan, Gipuzkoako eta Bizkaiko arrantzaleek ezin izango dute angula arrantzatu, Jaurlaritzaren debekua dela eta. Unai Eizagirre Anguleroen Elkartearen lehendakariak onartu du angularen egoera ez dela ona, baina kritikatu du debekua Euskal Autonomia Erkidegoan soilik ezarri dela, eta, bien bitartean, Asturiasen, Galizian... angula arrantzatzen ari direla. Eurak soluzioaren parte direla nabarmendu dute, eta, Frantziako eredua jarri dute mahai gainean.
Gobernantza Sailak 167,5 milioi bideratuko ditu 2026an Administrazioa arinagoa izan dadin
Gainera, Ubarretxena sailburuak iragarri duenez, Eusko Jaurlaritzak 2023, 2024 eta 2025eko Lan Eskaintza Publikoak batuko ditu, eta guztira 1.700 plaza aterako ditu Administrazio Orokorrean, baina ez da deialdi bakarra egingo, eskalen arabera deituko dira.
Eusko Jaurlaritzak 8 ikuskatzaile gehiago kontratatuko ditu etxebizitza turistikoen gaineko kontrola areagotzeko
Javier Hurtado Turismo, Merkataritza eta Kontsumoko sailburuak bere sailari dagokion datorren urteko aurrekontu-proiektua aurkeztu du Eusko Legebiltzarrean. Guztira, 56,5 milioi euroko aurrekontua izango du, aurten baino % 2 gutxiago.
Mikel Jauregi: "Hidrogeno berdeak menpekotasuna galtzea ekarriko digu"
Industria, Trantsizio Energetiko eta Jasangarritasuneko sailburuak "Egun On" saioan adierazi duenez, "garai batean Errusiarekiko genuen menpekotasuna amaitu da, baina, orain, Ipar Amerikarekiko menpekotasuna sortzen ari gara". "Egin dezagun europar energia bat", gaineratu du sailburuak