EHU birmoldatzeko aukera eskaintzen du krisiak, Uriarteren hitzetan
Baliabide publikoen "gabezia" Euskal Herriko Unibertsitatea (EHU) birmoldatzeko aukera izan daitekeela defendatu du asteazken honetan Cristina Uriarte Hezkuntza, Hizkuntza Politika eta Kultura sailburuak.
Sail horrek 2014an izango duen aurrekontuaren ildo nagusiak azaltzeko, agerraldia egin du Legebiltzarrean. Guztira, 2.761 milioi euro izango dira, 2013rako aurrekontuetan baino 130 milioi gehiago.
Haur eta Lehen Hezkuntzara 905 milioi euro bideratuko dituzte, eta 896 milioi, berriz, Bigarren Hezkuntzara eta Lanbide Heziketara. Sail honetako aurrekontu osoaren % 43 Hezkuntza arloko langileen gastuak ordaintzeko izango da.
Aurkezpenean zehar, bereziki unibertsitate politika izan du Uriartek hizpide, eta arlo horretara 311 milioi bideratuko dituztela azaldu du. Horietatik ia 275 milioi EHUk jasoko ditu.
Osasun arloko inbertsioak, % 15,6 gora
Jon Darpon Osasun sailburuak ere 2014an izango duten aurrekontuen ildo nagusiak aurkeztu ditu Legebiltzarrean. Guztira, 3.351,6 milioi euro izango ditu Osasun Sailak, 2013rako aurrekontuetan baino % 2,7 gehiago.
Osasun arloan Jaurlaritzak egingo dituen inbertsioak 43,7 milioi eurokoak izango dira, 2013an baino % 15,6 gehiago. Lanak egiteko inbertsioaren % 64,4 Bizkaian erabiliko dute, eta, ildo horretan, nabarmentzeko modukoa da Urdulizko ospitale berria (14,6 milioi euro).
Urtean biztanleko batez beste egingo duten gastuaren berri ere eman du Darponek. Hala, sailburuak esan duenez, 1.541 eurokoa izango da 2014an urteko gastua biztanleko, aurten baino 53 euro gehiago.
Promozio berria Ertzaintzan
Bestalde, 2014ko lehen hiruhilekoan Ertzaintzaren 24. promozioko agenteak hautatzeko deialdia egingo dute. Guztira, 120 plaza deituko dituzte, Estefania Beltran de Heredia Segurtasun sailburuak azaldu duenez.
Segurtasun Sailak 609 milioi euroko aurrekontua izango du, 2013an baino % 4,5 gehiago.
Beltran de Herediak Legebiltzarrean azpimarratu duenez, ertzain etxeak beharrezkoak dituzten baliabideekin hornitzea, Ertzaintza Kalean programa sendotzea, proiektu estrategikoak garatzea eta informazio eta ikerketa esparrua teknologia berriekin sendotzea izango dira helburu nagusiak.
Fagorreko krisia arintzeko jarduera berezia Lanbiden
Fagor Etxetresnak enpresaren krisia arintzeko, Lanbiden ''jarduera berezia'' iragarri du Juan Maria Aburto Enplegu eta Gizarte Politiketako sailburuak. Zehazki, eskualdean enplegu politikak eta langileak birkokatzeko formazio ekintzak aipatu ditu. Legebiltzarrean egin duen agerraldian, Aburtok esan du euskal kooperatibismoaren eredua ez dagoela zalantzan.
Enplegu eta Gizarte Politiketako Sailak 2014rako izango duen aurrekontuaren inguruan, sailburuak azaldu du guztira 923 milioi euro izango dituztela, eta aurrekontu horrek "izaera sozial argia" izango duela.
Hala, gizarte-larrialdietarako laguntzetara 20,5 milioi euro bideratuko dituzte, eta 384,5 milioi, berriz, diru-sarrerak bermatzeko errenta eta etxebizitzarako prestazio osagarria ematen jarraitzeko bideratuko dute.
Lanbidek 715,4 milioi euroko aurrekontua izango du.
AHTaren lanetarako, Ingurumen eta Lurralde Politika Sailaren aurrekontuaren erdia
AHT Abiadura Handiko Trenaren lanetara bideratuko dute 2014an Eusko Jaurlaritzako Ingurumen eta Lurralde Politika Sailaren aurrekontuaren erdia, Ana Oregi sailburuak azaldu duenez.
Guztira, 650,8 milioi eurokoa da sail horren aurrekontua, eta, % 80 Euskadiren "etorkizun ekonomikoa bermatu" egingo duten inbertsioei zuzenduta egongo da.
Ingurumenaren arloak 56,5 milioi izango ditu, ingurumenaren kalitatea hobetzeko, besteak beste.
Horren harian, 35 milioi euro izango ditu URA Uraren Euskal Agentziak, eta uholdeak ekiditeko hainbat jarduera aurreikusi dituzte. Gipuzkoan, Urumea ibaiaren arroan, Hernanin, Loiolan, Martutenen, Donostian eta Andoainen; Bizkaian, Getxon eta Basaurin; eta Araban, Gasteiz hegoaldean.
Zure interesekoa izan daiteke
Zubietako erraustegiko langileek osasun bermeak eskatu dituzte bederatzi langile intoxikatu ostean
Langileek garbitzaileen egungo akordioa ordezkatuko duen lan-esparru espezifiko bat eskatzen dute, eta erraustegiko azpiegituren segurtasun-falta salatzen dute
UAGAk Barredo sailburuaren dimisioa eskatu du bazkaren aferaz egindako adierazpenengatik
Nekazarien elkarteak Jaurlaritzaren "immobilismoa" salatu du, eta "sektoretik urrundu izana". Bestalde, ENHE sindikatuak lehorte egoera izendatzea eta "ezohiko laguntzak" eskatu ditu jasandako kaltea konpentsatzeko.
Euriborra % 3tik gora dago 2024ko irailetik lehen aldiz, eta hipotekadunen gaineko presioa handitu du
Adierazleak 2026an izan duen goranzko joera sendotu du, baina adituek gogorarazi dute eguneko datua dela, ez hileko batez bestekoa, hau da, hipoteka gehienak berrikusteko benetan erabiltzen den indizea.
Zubietako erraustegiko langileek salatu dutenez, enpresak "negozioa segurtasunaren aurretik jartzen du"
Abuztuaren 19an sute bat izan zen Ekobalen, eta bederatzi langile intoxikatu ziren beharrezko babes ekipamendurik gabe aritu zirelako sua itzaltzeko lanetan.
Grebarako aukera aztertzen ari dira garraiolariak, gasolioaren prezioaren ondorioz
Hileko gastua 2.000 euro inguru igo zaie otsailetik hona, eta garraiolari batzuek momentuz kamioiak aparkatzea erabaki dute. HIRU sindikatuko kamioilariek, berriz, lanuzteak egiteko aukera eztabaidatuko dute asanbladan, eta erabaki bateratua hartuko dute bertan.
Apartamentu turistikoetako gaualdiak % 23,3 igo dira uztailean EAEn, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete bereko datuekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasieran" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean Barredok esan duenez, Bazka Mahaia oraindik deituta ez badago ere, ez da atzerapenak egongo: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.