Tejeria: 'Egungo legediaren aurretik daukagun eskubidea da Kontzertua'
Barkatxo Tejeria Eusko Legebiltzarreko presidentearen esanetan, Kontzertu Ekonomikoa "euskal gizartearen eskubidea da, egun indarrean dagoen legediaren aurrekoa, eta, beraz, honetaz harago doa".
'Kontzertu Ekonomikoa: atzo, gaur eta bihar' izeneko mintegia abiatzeko ekitaldian izan da Tejeria, eta bertan egin ditu adierazpenok. Aste osoan mintzagai izango dute Eusko Legebiltzarrean EAEren eta Espainiako Estatuaren artean dauden harreman fiskal eta finantzarioak arautzen dituen sistema hau.
Hasierako ekitaldian, Kontzertu Ekonomikoa sutsu defendatu du Tejeriak. Horren arabera, "autogobernu ekonomiko eta subiranotasun ekonomiko barik ez dago benetako autogobernu politikorik, ezta subiranotasun politikorik ere".
Legebiltzarreko presidentearen hitzetan, Kontzertua euskal autogobernu sistemaren "bizkarrezurra" da, eta, foruei erreferentzia eginez, euskal gizartearen "eskubide historikoetatik eratorritakoa" dela gogorarazi du.
"Menpekotasuna barik, akordioan oinarritutako harremana du ardatz Kontzertuak", esan du Tejeriak.
'Guk biltzen dugu dirua, guk erabakitzen du"
"Euskal herritarrok finantzatzen ditugu gure zerbitzu eta inbertsioak, guk biltzen dugu dirua eta guk erabakitzen dugu zerga-bilketako dirua non inbertitu", nabarmendu du.
Tejeriaren berbetan, autogobernuak "ongizatea" dakar, eta "gero eta subiranotasun gehiago izanda, ongizatea ere handiagoa da".
Azkenik, Legebiltzarreko presidenteak argudiatu duenez, Kontzertuak Europan sartzen du EAE, eta estatu ez izan arren, "Europako parte dira euskal ogasunak, Espainiakoa bezala".
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.