Espainiaren hazkundearen aurreikuspenak bikoiztu ditu Europak
Europako Batzordeak (EB) 2014ean Espainiako ekonomiak izango duen hazkundearen aurreikuspenak bikoiztu ditu. Horren arabera, Estatuko Barne Produktu Gordina (BPG) % 1 haziko eta langabezia % 25,7ra jaitsiko da.
Europako Exekutiboaren arabera, Espainiaren errekuperazioa "indartu egingo da datozen hiruhilekoetan" konfiantzak gora egin duelako eta finantzazio-baldintzek ere zertxobait hobera egin dutelako. Hala ere, zor eta langabezia tasa handiek hazkundeari "traba" egiten diotela ohartarazi du.
Bestalde, eta bankuen birkapitalizazioa kontuan izan barik, Estatuak ez du 2013rako jarritako defizita beteko (% 6,5), bi hamarrenengatik.
Europako Batzordearen arabera, defizita BPGaren % 7,2 izango da 2013an, baina % 0,5eko gehigarria bankuen erreskateari dagokiola zehaztu dute. Ondorioz, defizita % 6,7koa izango da 2013an.
Rehnek murrizketa gehiago eskatu du
Datuak ikusita, zergak igotzea baino gastu publikoa murrizteko gomendioa eman dio Espainiari Olli Rehn Europako Batzordeko presidenteorde eta Gai Ekonomikoen arduradunak.
"Zergak murriztea eta defizitaren helburua aldi berean betetzea erronka da", onartu du Rehnek, Espainiak Pertsona Fisikoen Errentaren gaineko Zerga jaisteko asmoa 2015ko defizita betetzearekin bat etor daitekeen galdetu diotenean. Are gehiago, Espainiako defizita berriro & 6,5ekoa izatea espero du Bruselak 2015ean (Europar Batasunak adostutako % 4,2aren ordez). Defizit hori zergen jaitsieragatik emango litzateke.
Zure interesekoa izan daiteke
Tubos Reunidos: Trumpen muga-zergek bultzatutako krisiaren gakoak
Konpainiak produkzioaren % 40 galdu du, bere merkatu nagusia (% 45eko kuota) AEB baita. Txerra Molinuevo Amurrioko alkatea zuhur bezain kezkatuta agertu da, "Tubos Reunidos motor ekonomikoa baita eskualde osoan".
Nafarroako Volkswagenek ohartarazi du 93 langile finko egiteak lan-erregulazioko espediente batean amaitu dezakeela
Enpresak "legezkotasuna zorrotz beteko" duela ziurtatu dio batzordeari bilera batean, Lan Ikuskaritzak behin-behineko 93 langile finko egitea agindu ostean. Sindikatuek akordiorako proposamena egin dute.
32 urteko langile bat hil da Zumaiako enpresa batean, pieza handi batek jota
Estaños Matiena enpresan jazo da ezbeharra, LAB sindikatuak jakinarazi duenez. Enpresa horrek hainbat salaketa zituen prebentzio-araudia ez betetzeagatik, sindikatuak salatu duenez.
UGT, CC. OO. eta USO sindikatuek akordioa sinatu dute Arabako garbiketa-hitzarmenerako
ELA eta LAB sindikatuek, aldiz, baztertu egin dute aurreakordioa, "amore ematea" delakoan, eta "atzerakada nabarmena" dakarrela iritzita. Uste dute "langileak erosteko ahalmena galtzeko arriskuan" egongo direla, "azken bost urteetan gertatu den bezala".
Tubos Reunidosek enplegu-erregulazioko espediente bat proposatuko du Amurrio eta Trapagarango lantegietan
Tubos Reunidoseko zuzendaritza bi lantegietako enpresa-batzordeekin bildu da gaur goizean, lan-erregulazioko espedientea iragarri ondoren. Sindikatuetako iturrien arabera, bileran, zuzendaritzak planteatuko dituzten neurriak aurkeztu ditu. Kontsulta aldiak, paraleloak eta bi lantegietarako, otsailaren 9an hasiko dira, eta asmoa da negoziazioa bi enpresa batzordeekin negoziazio mahai bakar batean garatzea.
EAEn batez besteko soldata % 3,6 haziko da 2026an, KPIaren gainetik beste urte batez
LKS Nextek egindako ikerketa baten arabera, profil profesional teknikoak, industrialak, digitalak eta AAri eta datuen analisiari lotutakoak dira gehien behar direnak.
KPIa bost hamarren moteldu da espainiar estatuan urtarrilean, % 2,4raino
Hiru hilabetez jarraian jaitsi da KPIa, 2025eko urrian azken 16 hilabeteetan izandako igoerarik handiena ( % 3,1) jasan ostean.
Lanbide arteko gutxieneko soldata % 3,1 igotzea adostu du Espainiako Gobernuak CCOO eta UGT sindikatuekin
CEOE eta Cepyme patronalek ez dute igoera babestu. Lanbide arteko gutxieneko soldata hilean 1.221 eurokoa izango da (14 paga), 518 euro gehiago urtean, eta neurriak atzerako eragina izango du 2026ko urtarrilaren 1etik aurrera.
Traktoreak kalera atera dira gaur Bilbon, Iruñean eta Gasteizen, EBren eta Mercosurren arteko akordioaren aurka
Bilbon San Mameseko zabalgunean elkartu dira 10:00etan, Gasteizen 10:30ean irten dira Eusko Jaurlaritzaren egoitzatik, eta Iruñean manifestazioa egingo dute, 17:00etan, Baluarteko plazatik abiatuta.
Jose Antonio Jainagak Talgoren presidentetza hartu du Carlos Palacio ordezkatuta
Enpresaria Arabako konpainiako aholkularia zen euskal partzuergoak erosi zuenetik.