Ikerbasqueko ikertzaileek 17 milioiko fondoak lortu zituzten iaz
Ikerbasque Zientziarako euskal Fundazioko ikertzaileek ia 17 milioi euroko balioa duten fondoak lortu zituzten iaz, kanpo finantzaketa duten proiektuetarako.
Gaur iazko balantzea aurkeztu dute Ikerbasqueko arduradunek eta, zehaztu dutenez, guztira 16,9 milioi euro lortu zituzten ikertzaileek 2013. urtean, kanpoko finantzaketaz baliatu ziren 248 proiektuetarako. Horietatik bederatzik European Research Council Ikerkuntza Kontseiluaren bekak lortu zituzten.
2013aren amaieran, Ikerbasquek kontratu mugagabea sinatua zuen 130 ikertzailerekin, eta hauen guztien artean, 670 artikulu kaleratu zituzten indexatutako argitalpenetan, hots, nazioarteko kualifikazio maila handiko hedabideetan.
Ikerbasque 24 herrialdetako 160 ikertzailek osatzen dute, ospe handiko zazpi katedradun eta ikertzaileren koordinaziopean. Horrez gain, Fundazioaren ScienceCareers web atariak zientziarekin zerikusia duten Euskadiko 30 erakunde baino gehiagoren enplegu eskaintzak biltzen ditu.
Iaz, Ikerbasquek 2014-2017ko Plan Estrategikoa onartu zuen. Azken bost urteotako joerei erreparatuz eta ikerketa zientifikoaren aldeko egungo apustuari eutsiz, Euskadi “egoera onean” dagoela adierazi dute gaur, “bere posizioa kuantitatiboki nahiz kualitatiboki hobetzeko”
Ikerbasquek 300 ikertzaile bildu eta guztien arten 1.000 artikulu baino gehiago argitaratzea du xede 2017rako. Horrela, 2014-2017 epealdian, beste 100 ikertzaile gazte eta 40 ikertzaile irakasle kontratatuko dira. Ikertzaile hauek, Ikerbasquerekin batera, 90 milioi euroko itzulkina lortuko dute 2014-2017epealdian, hau da, Eusko Jaurlaritzak Ikerbasquen inbertitutako euro bakoitzeko, ia funtsen bikoitza itzuliko da zientzia sisteman inbertitzeko, ikertzaileek proiektuak finantzatzeko erakarriko dituzten funtsei esker eta Ikerbasqueko kudeaketa-taldeak programak finantzatzeko lortutako laguntzei esker.
Zure interesekoa izan daiteke
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.