Cegasako langileek enpresa bideragarria dela uste dute
Cegasa taldeko (Cegasa Multidistribución eta Cegasa Internacional Vitoria eta Oñati enpresek osatzen dute) enpresa-batzordeak eta langileen ordezkariek lanpostuak mantentzearen alde hainbat kale-agerraldi deitu dituzte hurrengo larunbatetarako. Lehenengoa Gasteizen izango da, martxoaren 22an; bigarrena Oñatin, martxoaren 29an.
Cegasa 1934an sortutako pila fabrikatzailea da. Egoitzak Gasteizen eta Oñatin ditu eta bertan 500 pertsonak egiten dute lan. Horretaz gain, Txinan 300 langile ditu eta Espainian zehar ere merkataritza-ordezkaritzak (100 lanpostu) ditu.
Gasteizen egindako agerraldian, Cegasako enpresa-batzordeak (ELA, LAB, CCOO, UGT eta ESK) enpresaren egoeraren berri eman du; likido faltagatik hartzekodunen konkurtsoan dago. Horrek ezegonkortasuna areagotu duela azpimarratu dute.
Bankuek kapital zirkulatzailea eten izana salatu dute, horrek bideragarri izaten jarraitzen duen eta iaz 124 milioi euro fakturatu zituen enpresa baten "heriotza" eragingo duelako.
Bankuei finantzazioa eskatu diete
Mikel Juanikorena batzordeko kideak azaldu duenez, bankuekin duten zorra 86,5 milioikoa da; enpresaren pasiboa, ordea, 117 milioikoa da, taldeko enpresekin duten zorra ere kontuan hartuta.
Juanikorenak taldearentzat irtenbide bat lortzeko Eusko Jaurlaritzaren eta Arabako Foru Aldundiaren parte-hartzea eskatu du. Bankuak egoera txarrean egon direnean "guztiok erreskatatu ditugu", eta orain Cegasaren jarraitutasuna bermatzeko laguntza eman beharko luketela adierazi du.
Hasieran, bankuek emandako aktibo zirkulatzailea nahikoa zen enpresaren etorkizuna bermatzeko. Arazoa da bankuek ez zutela enpresak aurkeztutako segregazio-planak onartu, Cegasa taldea bost sozietate mugatutan zatitzea proposatzen zuten planak hain zuzen. Horren eraginez, Santander bankuak finantzazioa eten zuen, eta handik gutxira gainerako banku guztiek gauza bera egin zuten.
Kudeaketa "negargarria"
Langileek komunikatu batean adierazi dutenez, zuzendaritzaren kudeaketa "negargarria" dela eta, Aitor Madina buru den zuzendaritzaren erantzukizuna zehazteko bideak ikertzen ari dira.
Juan Celayak (enpresaren sortzailea) sozietatea hondotik ateratzeko 12 milioi euroko ekarpena egin zuen 2010ean, baina zuzendaritzaren kudeaketaren ondorioz, kale egin zuela gogoratu du Juanikorenak.
Enpresa-batzordeak azaldu du 2008tik, pilen fabrikazioa Txinara aldatu zutenetik, lantaldea murriztu, soldatak izoztu, lan-eskubideak mugatu eta otsailean bukatu den aldi baterako enplegu-erregulazioko espedientea jasan dute.
Horretaz gain, enpresak soldatak ordaintzeko akordioa bete ez duela salatu dute. Langileei maiatzeko nominaren zati bat, uztaileko aparteko ordainsaria, otsaileko lan-sari osoa eta martxokoaren zati bat zor die.
Azkenik, zuzendaritzak laster aurkeztuko duen enplegu-erregulazioko espedientearen zain daude.
Zure interesekoa izan daiteke
Trapagarango Tubos Reunidoseko langileek ia aho batez babestu erregulazioko espedientea ontzat ematea
Hala ere, babes hori ez da nahikoa izango enpresaren eskaintzari oniritzia emateko; izan ere, ELAk, LABek, ESK-k eta UGTk Amurrion iragarri dutenez, errefusatu egingo dute, eta, beraz, gehiengoa izango lukete dagoeneko.
Amurrioko UGTko ordezkariek erregulazioko espedientearen aurka bozkatuko dute, eta ez du aurrera egingo
UGTk jakinarazi duenez, gaur afiliatuekin izandako bileran, enpresaren azken eskaintzari ezetz esatea erabaki dute "aho batez", "neurriz kanpokoa" dela iritzita.
ELAk onartu du Tubos Reunidosen egoerak ondorioak izan ditzakeela sindikatuan
Pello Igeregi ELAko negoziazio kolektiboko arduradunaren arabera, "ELAk barne arazo bat izan du Trapagarango Tubos Reunidosen. Krisi honek balioak eta printzipioak interes korporatiboen gainetik jartzen dituen sindikatuaren sendotasuna erakusten du".
Arabako Aldundia enpresei laguntzeko neurri fiskalak prestazen ari da, Irango gerraren ondorioei aurre egiteko
Arabako Foru Aldundia hainbat neurri fiskal prestatzen ari da, Irango gerraren aurrean, enpresei laguntzeko. "Gure gaitasun fiskala erabiliko dugu, besteak beste, enpresen finantza-tentsioak arinduko dituzten neurri zehatzak premiaz eta ohiz kanpo aplikatzeko", esan du Ramiro Gonzalez Arabako diputatu nagusiak.
Kutxabankek 641,3 milioiko emaitza errekorra lortu du 2025ean, % 19,7 gehiago
Erakundeak bere merkataritza-jardueraren hazkunde handiari eta hedapen eta dibertsifikazioko ildo estrategiko nagusien errendimendu sendoari egotzi dizkie 2025eko emaitzak. Urtean zehar, hipoteka berrien emakidak % 26,3 egin zuen gora, eta enpresei emandako finantza-laguntzak handizkako negozioa bultzatu zuen.
Tubos Reunidosen aferak barne-krisia eragin du ELAn, eta Trapagarango afiliatuek baztertuta daudela adierazi dute
Trapagarango lantegiko ELAko ordezkariek afiliazio ia osoaren babesa jaso dute; % 94ko aldeko boto eskuratuta. Sindikatuak, bere aldetik, ohar bat argitaratu du esanez, ez duela onartuko bere izenean "langile batzuek erabakitzea beste batzuk direla kaleratuak". Enpresaren "tentazioan erortzea gizatiarra" dela adierazi du, baina "sindikalki onartezina" dela berretsi du.
Espainiako Gobernuak landa eremurako eta garraiorako laguntzak iragarri ditu, Ekialde Hurbileko gerra dela eta
Oraingoz, ez dituzte zehaztu neurriak, ezta noiz onartuko diren ere, baina asmoa "datozen egunetan eta ahalik eta azkarren" onartzea dela ziurtatu dute.
Gizon bat Eusko Legebiltzarreko hesiari katez lotu zaio, martxoaren 17ko greba orokorraren aldeko ekintza batean
Ertzaintzako agenteek askatzeko eskatu diote, eta uko egin dionez, ertzain batek zizaila batekin katea hautsi eta identifikatu egin du. Ekintza horretan, Eusko Legebiltzarraren atartera pilotak bota dituzte, eta LABek deialdiaren arrazoiak gogorarazi ditu, eta gutxieneko soldata propioa izateko pilota Eusko Jaurlaritzaren "teilatuan" dagoela, Bittor Gonzalez LABen ordezkariak azaldu duenez.
Albiste izango dira: Petrolioaren prezioa, Euskadiko ezkutu industrialaren aktibazioa eta greba mugagabea Tubos Reunidosen
Gaurkoan Orain-en albiste izango direnen laburpena, bi hitzetan.
Eusko Jaurlaritzak industria ezkutua aktibatuko du Ekialde Hurbileko gerraren ondorioei aurre egiteko
Industriaren Defentsarako Taldearen bileran, Imanol Pradales lehendakariak iragarri du bere Gobernua "lehen neurri sorta bat" prestatzen ari dela, "egoera luzatu eta zailduko balitz", eta Espainiako Gobernuari eta EBri gauza bera egiteko eskatu die.