Amurrioko UGTko ordezkariek erregulazioko espedientearen aurka bozkatuko dute, eta ez du aurrera egingo
UGTk jakinarazi duenez, afiliatuekin izandako bileran, enpresaren azken eskaintzari ezetz esatea erabaki dute "aho batez", "neurriz kanpokoa" dela iritzita.
Tubos Reunidos enpresak Trapagarango eta Amurrioko lantegietan ezarri nahi duen Enplegu Erregulaziorako Espedientea (EEE) negoziatzeko bilera erabakigarria gaur goizean izango da Bilbon, eta UGT sindikatuaren azken orduko mugimendu batek, aurreikuspenak hankaz gora jarri ditu. Akordiorako aukerak bazeudela uste bazen ere, Amurrioko UGTko bi ordezkariek erregulazio espedienteari ezezkoa emango diotela iragarri dute, eta horrenbestez, ez du aurrera egingo zuzendaritzaren proposamenak.
Negoziazio mahaian 13 langilek dute ordezkaritza (ELAko bost, UGTko hiru, CC. OO. eta LABeko bina eta ESK-ko bat); horietatik, bost Trapagarango plantako kideak dira (ELAko bi eta UGT, CC. OO. eta LABeko bana), eta beste zortziak, Amurriokoak (ELAko hiru, UGTko bi, eta ESK, LAB eta CC. OO-ko bana).
Zuzendaritzak mahai gainean jarritako proposamenak 301 langile kaleratzea aurreikusten du, 274 Amurrioko plantan, eta 27, Trapagarangoan.
Zortzi aurka, eta bost alde
Orain arte bildutako datuen arabera, gaurko bozketak utziko lukeen emaitza hau izango litzateke: zortzi boto espedientea ezartzearen aurka, eta bost alde.
Trapagarango lantegiari dagokionez, UGT, ELA eta CC. OO. sindikatuetako kideek alde bozkatuko lukete (lau boto), eta LABekoa izango litzateke kontrako boza emango lukeen bakarra.
Eta Amurrioko delegatuek, berriz, ELA, ESK, LAB eta UGT zentraletakoek ez lukete babestuko akordioa (zazpi boto), eta aldeko boto bakarra CC.OO.-ena izango litzateke.
"Neurriz kanpokoa"
Arratsaldean kaleratutako ohar batean, UGTk jakinarazi du afiliatuekin izandako batzarrean "aho batez" hartu dutela espedientea ez babesteko erabakia. Sindikatu horrek dio zuzendaritzak iragarritako 301 kaleratzeak ez datozela bat enpresaren egoera ekonomikoarekin. "Neurriz kanpoko erabakia" dela uste dute.
Halaber, ez dute ontzat ematen altzairutegia ixteko proposamena, enpresaren jarduera bermatzeko "ezinbestekoa delako”.
Zure interesekoa izan daiteke
Ekialde Hurbileko gatazka "inoiz ez bezalako ziurgabetasun-mailak" sortzen ari da turismoaren sektorean, Aenaren arabera
Espainiako aireportuetako operadoreak ziurtatu duenez, erregaiaren eta kerosenoaren hornidura ziurtatuta dago datozen asteetarako; hala ere, ohartarazi duenez, "gerraren iraupenaren araberakoa izango da guztia".
23 urtetik gorakoek maiatzaren 12tik aurrera eskatu ahal izango dute Emantzipa dirulaguntza
Hala, zabaldu egingo du adin tartea. Orain arte 25 urtetik gorakoek eska zezaketen, baina, aurrerantzean, 23 eta 29 urte arteko gazteek izango dute aukera laguntza hori eskatzeko.
EAEko Auzitegi Nagusiak baliogabetzat jo du Bilboko JM ikastetxeko 59 langile kaleratzeko erabakia
ELA sindikatuak ohar batean adierazi duenez, Auzitegi Gorenak kaleratze kolektiboaren aurkako errekurtsoa onartu izanak agerian uzten du porrot egin zuen Jesuitinas ikastetxearekin bat egitea eta langileak kaleratzea prozesu "iluna eta gaizki kudeatua" izan zela, eta horrek "familien kezka eta ikasleen matrikulazio-desbideratzea" eragin zituela, "ikastetxea behin betiko ixtera kondenatu" arte; "guztia, Eusko Jaurlaritzaren onespenarekin eta konplizitatearekin", sindikatuaren arabera.
Epaitegi batzuk hasi dira langile interinoak finko egiten, Europako Justiziaren epaiaren ondoren
Pasa den apirilaren 14an Europar Batasuneko Justizia Auzitegiak ebatzitakoaren arabera, Espainian administrazioarekin aldi baterako kontratuak kateatu dituzten interinoak mugagabe ez-finko bihurtzea ez da neurri nahikoa abusu horiek konpentsatzeko.
KPIaren urtearteko tasa % 3,2ra jaitsi da apirilean, erregaia igo arren, argindarra jaitsi izanak bultzatuta
Erregaiak dira oraindik ere goranzko presio handiena egiten dutenak, Irango gerrak eragindako shockak irauten duen seinale. Hala ere, eragin hori leundu dute, nolabait, elektrizitatearen prezioaren jaitsierak eta Espainiako Gobernuak onartutako neurri fiskalek.
Iberdrolak 1.711 milioi irabazi ditu lehen hiruhilekoan, eta 2026rako mozkin garbi doituaren aurreikuspenak hobetu ditu
Konpainiak urtarrila eta martxoa artean izandako ustiapeneko emaitza gordina (Ebitda) 4.067,1 milioi eurora iritsi da, duela urtebete baino % 9,7 gutxiago.
Patronala absentismoa nola erabiltzen duen salatu dute sindikatuek laneko osasunaren eguneko mobilizazioetan
Sindikatu guztiak irten dira kalera apirilaren 28 honetan. LAB, ESK, STEILAS, EHNE-Etxalde eta HIRU sindikatuek elkarrekin egin dute manifestazioa, Donostian. ELAk, CCOOk eta UGTk euren mobilizazio propioak egin dituzte, Bilbon.
Euskal Herriko hamaika proiektu nabarmendu dituzte Berlinen If Design sari-banaketan
Mundu mailako diseinu-saririk garrantzitsuenak dira If Design golardoak. Bart banatu zituzten, eta Oiartzungo Niessen enpresak urrezko kategoria irabazi zuen. Bestalde, EAEko eta Nafarroako hogei bat proiektu izendatu zituzten.
Langabezia-tasa % 8,23ra igo da EAEn eta % 9,09ra Nafarroan, lehen hiruhilekoan
Iazko lehen hiruhilekotik aurtengo lehen hiruhilekora, 6.700 langabe gehiago zenbatu dituzte EAEn (% 8,08), eta 5.800 gehiago Nafarroan. Landunen kopuruak ere gora egin du Euskadin (7.700 gehiago) eta behera, berriz, Nafarroan (1.300 gutxiago). Bestalde, Espainiako Estatuan 231.500 langabe gehiago erregistratu dituzte 2026ko lehen hiruhilekoan, 2013tik izandako hiruhilekorik txarrenean.
39 milioiko eskaintza egin du Cristian Layk Papresa erosteko
Enpresaren bi industria-jarduerei eustsiko lieke CLk, paperarena eta enbalajearena, eta plantillaren bi heren mantenduko lituzke. Eusko Jaurlaritzak begi onez ikusi du operazioa eta parte hartzeko borondatea du. Papresa hartzekodunen konkurtsoan dago, eta zabalik da hura erosteko eskaintzak aurkezteko epea.