39 milioiko eskaintza egin du Cristian Layk Papresa erosteko
Enpresaren bi industria-jarduerei eustsiko lieke CLk, paperarena eta enbalajearena eta plantillaren bi heren mantenduko lituzke. Eusko Jaurlaritzak begi onez ikusi du operazioa eta parte-hartzeko borondatea erakutsi du. Papresa hartzekodunen borondatezko konkurtsoan dago eta zabalik da hura erosteko eskaintzak aurkezteko epea.
Cristian Lay industria taldeak zehaztu du Papresa erosteko eskaintza, Errenteriako paper-fabrika 39 milioi eurotan erosiko luke. E
Eskaintza ofiziala da eta loteslea, eta 400 orrialdeko dokumentu baten bidez jakinarazi du konpainiak bere proposamena. Dokumentu horretan konpainiak azaldu duenez, bere esku geratuz gero, Papresak garatzen dituen bi jarduera industrialei eustea aurreikusten du, eta plantillaren bi heren ere mantenduko lituzke.
Eusko Jaurlaritzako Industria Sailak dagoeneko babestu du eskaintza; bere helburuekin bat datorrela dio eta Euskadiko hazkunde ekonomikoari laguntzen diola.
Gainera, Industria sailak borondatea agertu du sozietatean behin-behinean parte hartzeko, eta jakiniarazi du Cristian layren kaudimen teknikoa eta ekonomikoa baliozkotu direla.
Errenteriako Papresa paper-fabrika hartzekodunen borondatezko konkurtsoan sartu zen joan den apirilaren 23an, eta Cristian Layri lotutako CL Grupo Industrial enpresak hori erosteko eskaintza loteslea egin zuen.
Era berean, hamabost eguneko epea zabaldu zen enpresa eskuratzeko interesa zuten beste eskaintza batzuk aurkeztu ahal izateko; epe horrek irekita jarraitzen du.
Zure interesekoa izan daiteke
Kongresuak, itxuraz, atzera botako du alokairuen dekretua gaurko bozketan
Azken orduko ezustekorik ezean, Kongresuak indargabetu egingo du 2026ko martxoaren 21etik 2027ko abenduaren 31ra bitartean amaitzen diren alokairu kontratuak bi urtez luzatzea ahalbidetzen duen lege dekretua. EAJk abstentziora joko duela iragarri du.
Albiste izango dira: Itzalaldiaren lehen urteurrena, medikuen greba eta San Prudentzio
Gaurkoan Orain-en albiste izango direnen laburpena, bi hitzetan.
Aitor Urresti: “Garraioaren sektoreak industriarena aurreratu du EAEn energia-kontsumoan, eta lehen postuan dago jada”
Azken bi hamarkadetan EAEko energia-kontsumoa % 8,6 jaitsi den arren, Aitor Urresti Energia Termikoan doktore eta EHUko irakasleak azaldu du prozesu industrial energetikoen kanporatzeak eta ekoizpen-ereduaren aldaketak eragin dutela jaitsiera hori. Era berean, garraioaren sektorearen kontsumoaren gorakada azaldu du: ibilgailuen tamaina handitu da eta "errebote-efektua" delakoak petrolioarekiko mendekotasuna sendotu du.
EAEk duela bi hamarkada baino energia gutxiago kontsumitzen du, baina petrolioaren mende dago gero eta gehiago
Arabak, Bizkaiak eta Gipuzkoak duela 20 urte baino energia gutxiago kontsumitzen dute. Industria-kontsumoaren jaitsierak eta garraioaren gorakadak energia-banaketa eraldatu dute, eta erregai fosilen mende jarraitzen du.
Tubos Reunidosek ez du baztertzen hartzekodunen konkurtsoa eskatzea
Konpainiaren egoerak "bideragarritasuna arriskuan jartzen du", eta baliteke "neurri gehigarriak hartzea", izandako "narriaduraren ondorioz", jakinarazi dio astelehen honetan enpresak Espainiako Balore Merkatuaren Batzordeari.
Tubos Reunidosek % 37,5 galdu du burtsan, hartzekodunen konkurtsoaren aukerak indarra hartu ostean
Konpainiaren gertuko iturriek adierazi dutenez, Uria Menendez bulegoarekin ari da lanean, hartzekodunen konkurtsoa aurrera eramateko. Tubos Reunidosek, baina, ez du informazioa baieztatu.
Balioen Merkatuko Batzordeak zehapen-espediente "oso larria" ireki dio Iberdrolari, iazko itzalaldia dela eta
Konpainiak "baimenik gabe" ekoizpena eta hornidura murriztu zuen ikertuko dute, eta baita itzalaldiko egunean "prestasun-betebeharra urratu" ote zuen ere.
Lehendakariak dio ministroaren ardura dela negoziatzea, eta Garciak uste du batzordeak "legez kanpoko" gauzak eskatzen dituela
Osasun-langileen greba dela eta, Imanol Pradales lehendakariak adierazi du Osasun Ministerioari edo ministroari dagokiela negoziazio-mahaian jarraitzea gatazkak iraun bitartean. Bere aldetik, Monica Garcia Osasun ministroak esan du greba batzordea "legez kanpoko kontuak" eskatzen ari dela, eta horregatik, gatazka "bizirik egon dadin” nahi duela.
Greba mugagabea deituko du ELAk Avanzan, aurreakordioa "ez delako bete"
Donostia Bilbokin eta Gasteizekin lotzen duten zerbitzuei; Loiuko aireportua eta Donostia, Gasteiz eta Arrasate artekoei; eta Debagoieneko linea guztiei eragingo lieke grebak.