NDFk zergak igotzea eta kaleratzeak merkatzea eskatu dio Espainiari
Nazioarteko Diru Funtsak (NDF) txalotu egin du Espainiako Estatuko herritarrek egin duten esfortzua atzeraldia "atzean uzteko", baina krisiak utzi dituen 5,9 milioi langabeen arazoa konpontzeko neurri gehiago hartu behar direla azpimarratu du.
NDFk Espainiara bidalitako adituek egin duten txostenaren ondorioak argitaratu ditu gaur, eta azpimarratu du ekonomia indartzen ari dela urte hasieratik, 2008tik izan den hazkunde handienarekin, esportazioen eta finantza merkatuaren hobekuntzarengatik batez ere.
Hala eta guztiz ere, susperraldia egonkortzeko esfortzu handiagoa egin beharra dagoela uste du NDFk. Hala, proposamen batzuk egin ditu: enpresa txiki eta ertainei zor pribatuak eta publikoak birfinantzatzeko erraztasunak ematea, soldatak ez igotzea, enplegu politika aktiboak hobetzea eta kontratu mugagabea duten langileen kaleratzea merkatzea, behin-behinekoenaren parekoa izan arte.
Era berean, zor eta defizit publikoaren maila altuaz ohartarazi du, eta horri aurre egiteko zerga erreforma aukera ona dela iritzi dio, zerga bereziak eta ingurumen alorrekoak igota, BEZ murriztua duten zerbitzu eta ondasunen kopurua jaitsita, zerga kenkariak kenduta eta elkarteen gaineko zerga jaitsita diru-sarrerak handi ditzakeelako Administrazioak.
Espainiako ekonomia suspertzen hasteko neurri erabakigarrien artean, NDFk "gastuaren, zergen eta pentsioen" inguruan hartutako erabakiak aipatu ditu, aurrekontu sistema eta Gizarte Segurantza indartu dituelakoan.
Albiste gehiago ekonomia
Zerga-bilketa % 10,8 igo da Euskadin 2025eko lehen seihilekoan
Hiru euskal ogasunek 11.173,7 milioi euro bildu zituzten uztailera arte, hau da, iazko aldi berean baino % 10,8 gehiago eta 1.092,9 milioi gehiago.
Eusko Jaurlaritzak ingurumen baimena ukatu die Balmasedako El Haya 1 eta 2 parke eolikoei
Kolitza inguruan lau aerosorgailu ezarri nahi ditu Side Recovery Systems konpainiak, baina, txostenaren arabera, eremua sai zuriaren babestokia.
KPIa hamarren bat jaitsi da Euskadin uztailean, eta % 0,2 igo Nafarroan
Urte arteko datuei dagokienez, inflazioa % 3koa da Euskadin eta % 2,7koa Nafarroan, Estatuko batez bestekoaren berdina.
Statkraftek aztertuko du Piaspe parke eolikoaren ingurumen baimenari buruzko erabakiari helegitea jarri ala ez
Parke eolikoa Gipuzkoako Azpeitia, Zestoa eta Errezil udalerrietan zegoen planifikatuta eta kontrako ingurumen-ebazpena jaso du. Enpresaren aburuz, parke eolikoa "energiaren sozializazioa bultzatzeko diseinatu zen, enpresen, administrazioen eta tokiko komunitateen inplikazioa bilatuz".
Jaurlaritzak ingurumen baimena ukatu dio Piaspe proiektu eolikoari
Eusko Jaurlaritzako Industria, Transizio Energetiko eta Jasangarritasun sailak atzera bota du Statkraft enpresak Azpeitia, Zestoa eta Errezil artean egitekoa zuen parke eolikoaren proiektua. Mendi inguru horretan eraikitzekoak zituzten errotek eta energia azpiegiturek ingurumenari kalte egingo lioketela ebatzi du txostenak.
BBVAk bere eskaintzari eutsi eta aurrera jarraitzen du Sabadell erosteko ahaleginean
Sabadelleko akziodunek ia aho batez TSB Erresuma Batuko filiala Santander bankuari saltzea onartu eta astebetera hartu du Carlos Torres buru duen konpainiak erosketa eskaintzari eusteko erabakia.
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.