BBK-k eta Vitalek fundazio bihurtzea onartuko dute gaur
BBK eta Vital kutxetako batzarrek gaur egingo duten bileran onartuko dute bi erakundeok fundazio bihurtzea. Hala, EAJk eta PSEk adostutakoa aurrera aterako da. PPren eta CCOO sindikatuaren babesa ere jaso du operazio horrek. EH Bilduk eta LAB eta ELA sindikatuek, aldiz, guztiz kontrako jarrera agertu dute, operazio horrek Kuntxabank pribatizatzea ekarriko duela iritzita.
Ekainaren 13ko batzarrean onartu zuten BBK-ko eta Vitaleko kontseiluetako kideek fundazio bihurtzeko urratsa. Gaur, batzar nagusian bozkatu eta berretsiko dute erabakia.
Bizkaiko eta Arabako kutxetako arduradunen hitzetan, "legeak behartuta" erabaki dute BBK-k eta Vitalek kutxa publiko izateari utzi eta fundazio bihurtzea. Egun, BBK Kutxabanken akzioen % 57ren jabe da, Kutxa % 33rena eta Vital % 11rena. Fundazio bihurtuta, bakoitzak ezingo luke akzioen % 50 baino gehiago izan.
Behin fundazio bihurtzen denean, egungo batzordeak bertan behera geratuko dira eta patronatuek kudeatuko dute Kutxabanken etorkizuna. BBK-k 15 kide izango ditu bertan: EAJk proposatutako bederatzi (Xabier Sagredo, Roberto Zarate, Jon Berasategi, Maite de Iturrate, Manuel Ardanza, Ana Urquijo, eta udalek eta Diputazioak izendatutako beste hiru); PSEk izendatutako hiru (Oscar Seco, Mikel Cabieces eta Paco Berjon); Alderdi Popularrak (Paula Garagalza) eta CCOO sindikatuak (Amagoia Lopez de Larrucea), bana; eta independente batek osatuko du taldea. Azken hori autismoa duten pertsonen elkarteko presidentea izango da, Mikel Pulgarin.
Vitalek ere 15 kidek osatutako patronatua izango du: horietatik zortzi PPk izendatuko ditu (Fernando Aranguiz, Gustavo Antepara, Maria Vega, Esteban Ortiz de Urbina, Fernando Raposo, Jorge Sanchez, Maite San Saturnino eta Maria Olarte), EAJk lau (Iñigo Vela, Jose Antonio Abarca, Koldo Eguren eta Monika Arbaiza), PSEk bi (Felipe Garcia eta Pablo Oraa) eta CCOOk bat (Eduardo Martinez Soria).
Patronatuko kide guztiek ekonomian adituak izan behar dutela dio legeak, eta izena proposatu duen alderdiarekiko afinitatea izango duela ere jasotzen da araudian. Gaurtik aurrera, Xabier Sagredok (EAJ) eta Fernando Aranguizek (PP) presidente karguan jarraituko dute sortuko diren fundazioetan; batak BBKn eta besteak Vitalen.
EH Bildu operazio honen kontra agertu da, hasiera-hasieratik, baita ELA eta LAB sindikatuak ere. Fundazio bilakatze honen atzean Kutxabank pribatizatzeko asmoa dagoela salatu dute behin eta berriz horiek. Gauzak horrela, Gipuzkoan EH Bilduk gehiengoa duenez, Kutxan prozesu honek, oraindik, ez du aurrera egin.
Estatuko bigarrenak
2013ko abenduaren 27ko Aurrezki Kutxen eta Banku Fundazioen Legeak eskatzen duen tramitea betetzen duten Estatuko bigarren kutxak izango dira BBK eta Vital. Lehena La Caixa izan zen, urrats hori maiatzaren 22an eman baitzuen.
Gipuzkoako Kutxa fundazio bihurtzeko prozesua atzeratu egingo da; izan ere, EH Bilduk ordezkaritza zabala dauka bertan. Prozesua azarora atzeratuko dela aurreikusi dute.
Albiste gehiago ekonomia
Sidenor eta Legazpiko Udala zigortu dituzte langile bati amiantoagatik kalte-ordaina ematera
EAEko Auzitegi Nagusiak atzera bota ditu enpresaren eta Udalaren helegiteak, eta berretsi egin du 376.305 euroko zigorra amiantoaren eraginpean egoteagatik.
BSHko langileek babesa eman diote zuzendaritzak eta gehiengo sindikalak lortutako akordioari, aldeko 475 bozkekin
Langileen % 78k bat egin du aurreko ostegunean UGT, CCOO, ATISS eta Solidari sindikatuetako ordezkariek adostu zuten aurreakordiorekin. Horren arabera, 609 lagun kaleratuko dituzte kalteordainekin eta lantegia itxiko dute.
Euskadiko Parke Teknologikoaren etorkizuneko campusa eraikitzen hasi dira Zorrotzaurren: Idom, Mondragon eta abangoardiako enpresak hartuko ditu
Aurreneko eraikina Tarabusi pabiloi zaharraren kokalekuan egongo da, Galletaginen etorbidean. Bilboko Campusean teknologikoki aurreratuak diren hainbat enpresa ezartzea aurreikusten da.
Parte-hartze zabala BSHn, lan-erregulazioko espedientearen aurreakordioaren inguruko bozketan
Eguerdiko 13:00etarako langileen % 80k eman du bozka. Enpresa batzordearen gehiengoak, ELAk eta LABek izan ezik, joan zen asteazkenean lortu zuen aurreakordioa zuzendaritzarekin, eta, horren arabera, lantegia itxi eta 609 pertsona kaleratuko dituzte, 655 izan beharrean.
Arabako Ogasunak 181 milioi euro itzuli ditu errentaren kanpainan
Guztira, 200.457 aitorpen egin dira, aurreko ekitaldian baino % 3 gehiago. Datu hori "Arabako ekonomiaren martxa onaren sintoma" da Itziar Gonzalo Ogasun diputatuaren arabera.
Euskadiko hotel-ostatuek duela urtebete baino ia % 10 bidaiari gehiago izan dituzte ekainean
Arlo guztietan gora egin dute ekaineko turismo datuek Euskadin; izan ere, hoteletako gelaren bataz besteko prezioa % 8 garestiago izan da, 138 eurokoa, eta gelen okupazioa, % ia 80koa, % 3 pasatxo altuagoa. Lurraldeka, Gipuzkoan izan du bidaiari-sarrera gorakada handiena, % 11,30, baina hiriburuen artean Bilbon hazi da gehien.
Bizkaiko autoeskoletako langileek hirugarren greba egunari ekin diote
Goizeko 08:30ean manifestazioa abiatu dute Bilboko Casilda Iturrizar Parketik Bizkaiko autoeskoletako irakasleek. Zazpi hilabete daramatzate sindikatuek patronalarekin negoziatzen, baina hainbat bilera egin eta gero, ez dute akordiorik lortu. Hirugarren greba eguna dute gaur, lan hitzarmena berritzea eskatzeko.
Hirugarren greba eguna izango dute Bizkaiko autoeskolek astelehen honetan, azken bilerak porrot egin eta gero
ELA eta CC.OO. sindikatuek hiru greba egun deitu zituzten uztailerako eta partehartze handia izan dute aurreko biek. Aurreko astean, uztailaren 15ean, bildu ziren APAVI patronalarekin baina ez zuten akordiorik erdietsi. Gauzak honela, irailaren 2an izango dute hurrengo bilera.
'La Suizako 6ak' erabat aske uzteko eskatu dute, hirugarren gradua lortu ostean
CNT sindikatuak elkarretaratzeak egin ditu Bilbon eta Donostian, 'La Suizako 6ak' ezizenez ezagun egin diren sei sindikalisten alde. Izan ere, bost emakume eta gizon bati kartzela zigorrak ezarri dizkiete Gijongo 'La Suiza' gozotegiaren aurrean, langile baten kaleratzearen aurka, protestak eta mobilizazioak egiteagatik.
Asteburuko greba bertan behera utzi dute Gipuzkoako Avanzako langileek
Langileek greba egiteko eskubiderako "gutxieneko baldintzak" betetzen ez direla deitoratu du enpresa-batzordeak.