Catak 42,5 milioi euro eta 705 enplegu zuzen eskaini ditu
Cata enpresa kataluniarrak 42,5 milioi euro eskaini ditu Fagorren aktibo industrialengatik, eta lehen urtean 705 lanpostu zuzen sortzeko konpromisoa mantendu du, laugarrengoan 840 izango direnak; horrela, hasierako eskaintza bikoiztu du.
Konkurtsoari lotutako iturriek jakinarazi dutenez, CNA taldeko enpresaren eskaintza Aljeriako Cevitalena baino 14 milioi altuagoa da.
Zehazki, Catak 37 milioi eskaini ditu Fagor Etxetresnaken unitate produktibo guztien truke, eta beste 5,5 milioi '2 blokea' deritzon planagatik, kooperatibaren 'aktibo ez kaltetuak' lortzearen truke, alegia. Gainera, Catak azaldu du bere plan industrialak zeharkako 1.249 lanpostu sortuko dituela lehen urtean.
Fagorren aktiboak erosteko interesa zuten enpresek atzora arte zuten epea lehen eskaintzak hobetu eta berriak aurkezteko, eta gaur eguerdian ezagutu dituzte administratzaileek.
Cevital talde aljeriarrak 28 milioi euro eta 500 enplegu zuzen eskaini ditu Fagor Etxetresnak eskuratzeko. Proposamenak Garagartzako, Eskoriatzako eta Bergarako lantokiak hartuko lituzke, Donostian egindako agerraldian Sergio Treviño Brandt-Cevital enpresako presidente exekutiboak azaldu duenez. Hortaz, Cevitalek aurrekoan baino bost milioi euro eta 50 lanpostu gehiago eskaini ditu bere azken eskaintzan.
Treviñok azaldu duenez, 28 milioi horiek eskudiruz ordainduko lituzkete eta, hiru urteko epean, lanpostuak 520ra igotzeko plana adostuko lukete. Plan horri esker, Edesa, Fagor, Aspes eta Splendid marken etorkizuna bermatzea lortzea espero du Cevitalek.
Bestalde, Ecomac talde txiletarrarekin ere hizketan ari dela argitu du Treviñok, Basauriko Edesaren etorkizuna bermatuko lukeen akordio bat lortzeko helburuarekin.
Cata, Cevital eta Ecomac enpresek Fagor Etxetresnak eta Edesa eskuratzeko egin dituzten azken eskaintzak, aurrekoak hobetzen dituzten eskaintzak, gaur eguerdian ireki dituzte, eta aste honetan esango dute konkurtsoko administratzaileek zeini iritzi dioten onena.
Unai Rementeria Bizkaiko Presidentetza diputatuak Edesako jarduera eta lanpostuak mantentzea ahalbideratuko duen eskaintza hobestea eskatu dio epaileari.
Ecomac talde txiletarra Edesa bere gain hartuko lukeen taldea ez izatea "ulertzen zaila" izango zela esan zuen iragan astean Jose Luis Bilbao ahaldun nagusiak. Rementeriaren hitzetan, Foru Aldundiaren "helburu bakarra" Edesaren itxiera saihestea da.
Konkurtso-administratzaileen ustez, orain arteko eskaintzak, bai Aljeriako Cevitalena (23 milioi euro, Fagorren aktiboen ordainetan, eta 450 lanpostu zuzen eta zeharkako 1.000 lanpostu mantentzeko eskaintza egin du) bai Kataluniako Catarena (21 milioi euro eskaini eta 700 lanpostu zuzen eta zeharkako 900 lanpostu mantentzea proposatzen du), ez ziren behar bestekoak.
Ecomacek egindakoa beste maila batekoa da, eta osagarri gerta daiteke. Izan ere, Edesagatik 7 milioi euro eta 100 lanpostutik gora eskaini ditu enpresa txiletarrak.
Pedro Malagon konkurtsoaren ardura duen epaileak Cataren eta Cevitalen eskaintzak paretsu geratu direla ikusiko balu, lehiakideekin elkartu eta beste saio bat egin lezake, erabakia hartu aurretik. Azken ebazpena, hala ere, gaur zortzirako espero da.
Albiste gehiago ekonomia
Serveoko langileak 22 laguni eragiten dien enplegu-erregulazioko espedientearen aurka bildu dira Basaurin
CCOOk deituta, Serveoko langileek "Bridgestoneko kaleratze ikusezinak" salatu dituzte, eta datorren astelehenean hasiko den greba mugagabea deitu dute.
Banco Sabadell erosteko eskaintza publikoa onartzeko Espainiako Gobernuaren baldintzaren aurkako helegitea aurkeztu du BBVAk Auzitegi Gorenean
Bankuak uztailaren 15ean aurkeztu zuen errekurtsoa, Espainiako Gobernuak baldintza iragarri eta hiru astera. Zehazki, hiru urteetan bi erakundeek identitate juridikoa eta ondarea bereizita mantentzera behartzen ditu Sanchezen gobernuak.
Zerga-bilketa % 9,6 igo da Euskadin 2025eko lehen seihilekoan
Hiru euskal ogasunek 11.173,7 milioi euro bildu zituzten uztailera arte, hau da, iazko aldi berean baino % 9,6 gehiago eta 983,9 milioi gehiago.
Eusko Jaurlaritzak ingurumen baimena ukatu die Balmasedako El Haya 1 eta 2 parke eolikoei
Kolitza inguruan lau aerosorgailu ezarri nahi ditu Side Recovery Systems konpainiak, baina, txostenaren arabera, eremua sai zuriaren babestokia.
KPIa hamarren bat jaitsi da Euskadin uztailean, eta % 0,2 igo Nafarroan
Urte arteko datuei dagokienez, inflazioa % 3koa da Euskadin eta % 2,7koa Nafarroan, Estatuko batez bestekoaren berdina.
Statkraftek aztertuko du Piaspe parke eolikoaren ingurumen baimenari buruzko erabakiari helegitea jarri ala ez
Parke eolikoa Gipuzkoako Azpeitia, Zestoa eta Errezil udalerrietan zegoen planifikatuta eta kontrako ingurumen-ebazpena jaso du. Enpresaren aburuz, parke eolikoa "energiaren sozializazioa bultzatzeko diseinatu zen, enpresen, administrazioen eta tokiko komunitateen inplikazioa bilatuz".
Jaurlaritzak ingurumen baimena ukatu dio Piaspe proiektu eolikoari
Eusko Jaurlaritzako Industria, Transizio Energetiko eta Jasangarritasun sailak atzera bota du Statkraft enpresak Azpeitia, Zestoa eta Errezil artean egitekoa zuen parke eolikoaren proiektua. Mendi inguru horretan eraikitzekoak zituzten errotek eta energia azpiegiturek ingurumenari kalte egingo lioketela ebatzi du txostenak.
BBVAk bere eskaintzari eutsi eta aurrera jarraitzen du Sabadell erosteko ahaleginean
Sabadelleko akziodunek ia aho batez TSB Erresuma Batuko filiala Santander bankuari saltzea onartu eta astebetera hartu du Carlos Torres buru duen konpainiak erosketa eskaintzari eusteko erabakia.
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.