CNA Fagorren Zuzendaritza berria osatzen ari da, irailean hasteko
CNA Fagor Etxetresnak erosi duen enpresa taldea Zuzendaritza berria osatuko duten kideak kontratatzen ari da abuztuan, merkataritza-jarduera irailean hasi eta urrian bi lantegitan ekoizpena hasteko asmoarekin.
Epaileak, 38,5 milioi euroren truke, Fagor Etxetresnak CNA Kataluniako taldeari (Cata enpresa talde horretakoa da) esleitu zion egunean Zuzendaritzako kideek aurkeztu zituzten jarduera ildo nagusiak berretsi ditu gaur, larunbata, taldeak.
Horrela, CNA "lanean ari da, abuztuan, erlojuaren kontra", eta Zuzendaritzako kide berriak kontratatzen hasi da; "ia kide guztiak" Arrasateko enpresako bazkide ohiak eta langile ohiak izango dira.
Gainera, azaldu duenez, "iraganean Fagor lidertzan kokatu zuten lan-taldearen esperientziaren eta baloreen alde egitea" erabaki dute.
Kataluniako taldeak irailean merkataritza jarduera eta administrazio lanak hasteko asmoa du, eta horretarako aktibazio plana eta marketing plana egiten ari da.
Zuzendaritza berria lanean da dagoeneko, 2014/215 denboraldian produktu berriak garatzeko asmoarekin, produktu mota eta sail guztietan: hotza, garbiketa, egosketa, etxeko hornidura eta tamaina txikiko etxetresnak.
CNAk, bestalde, ziurtatu duenez, prest du jada datozen hilabeteetako produkzioa, hori dela eta, Garagartza eta Eskoriatzako lanteagiak urrian ekoizten hasteko beharrezkoa materiala biltzen dihardu.
CNAren arabera, modelo berriak egingo dituzte eta, "betiko produktuei gehituta, jarraitasuna eta berrikuntza eskainiko zaizkie bezeroei estatu mailako merkatuan".
Albiste gehiago ekonomia
BetiOn arreta zerbitzuak langileen aurkako erasoak eta babes falta salatu ditu
Sindikatuek beharginen osasunarekin "ez jolasteko" eskatu diete enpresari eta Eusko Jaurlaritzari, eta protesta elkarretaratzea deitu dute irailaren 9rako.
Bilbo tentsio handiko eremu da jada
Euskal Herriko Agintaritzaren Aldizkariak (EHAA) gaur argitaratu du Bilbo etxebizitza gune tentsionatu izendatzeko agindua; alokairuen prezioa kontrolatzeko aukera emateaz gain, etxebizitza plan berezi bat martxan jartzea ahalbidetuko du izendapenak. Besteak beste, 2028rako 1.090 etxebizitza eraikitzea aurreikusten da.
Nafarroak iruzurraren aurkako plana onartu du, NaTicket ezarrita
Foru Gobernuak NaTicket izeneko programa aplikatuko du hurrengo hiru urteetan, Euskadiko TicketBAI sistemaren antzekoa, fakturazioa unean-unean kontrolatzeko.
Ryanairrek % 2 murriztuko du Forondako hegaldi kopurua neguan, eta ez du jardungo Santiago, Vigo eta Tenerifeko aireportuetan
Alacant, Brusela, Malaga, Milan, Palma eta Sevillarako hegaldiak ditu Ryanairrek Forondako aireportuan. Doitze-neurri horren ondorioz, milioi bat plaza baino gehiago galduko dira, udako denboraldian galdutako 800.000 plazez gain.
Maderas de Llodiok langileen batzordeari adierazi dio kaleratze kolektiboa ezartzekotan daudela
LAB sindikatuak adierazi duenez, datorren asteartean, hilak 9, bilera bat dute enpresaren zuzendaritzarekin, baina batzordeak eskatu du kaleratze kolektiboaren prozedura berehala bertan behera utz dezaten. Momentuz, ez dakite 151 langileetako zenbati eragingo liokeen neurriak.
Arabako Errioxako ardoak, txakolinak eta sagardoak Mexikora bidaiatu dira, Euskadi globalaren enbaxadore gisa
Amaia Barredo sailburua Mexiko Hirian da 23 euskal upeltegiren ordezkaritzarekin batera, euskal gastronomiaren kalitate eta bikaintasun zigiluarekin merkatu berriak irekitzeko asmoarekin.
Eusko Legebiltzarrak ez du izapidetuko gutxieneko pentsioa Lanbidearteko Gutxieneko Soldatarekin berdintzea eskatzen duen herri-ekimena
Eusko Jaurlaritzaren jarreraren arrazoi nagusietako bat da pentsioak jasotzen dituztenentzako babesa dagoeneko integratuta dagoela egungo sisteman. Ekimenak 145.000 sinadura baino gehiagoren babesa du.
Azazetan auto istripuan hildako gidaria etxez etxeko laguntzaile lanetan ari zen
LAB sindikatuak lan-istriputzat jo du ezbeharra, eta etxez etxeko laguntzaren sektoreko baldintza prekarioak salatu ditu.
Abuztuan, langabezia-tasa ia % 4 igo da EAEn, eta % 0,53 jaitsi da Nafarroan
109.169 langabe daude erregistratuta Euskadin, eta, Nafarroan, berriz, 28.390. Espainian, langabezia-tasa % 0,91 igo da, eta langabeen kopurua 2.426.511ra iritsi da, 2007az geroztik abuztuan izandako mailarik txikiena.
LAB sindikatuak soldatak duintzea du urte honetarako lehentasunetako bat
Salatu du ziurgabetasun ekonomikoa aitzakia gisa erabiltzen ari dela lan-baldintzak prekarizatzeko. Horregatik, iragarri du bere helburua izango dela soldatak KPItik gora igotzea negoziatzea eta, batez ere, gutxieneko soldata propioa sortzea.