Kutxaren akzioak erakundeei doan ematea proposatu du Gipuzkoak
Gipuzkoako Aldundiak Kutxak Kutxabanken dituen akzioak doan lurraldeko erakundeei (Aldundia eta udalak) pasatzea proposatu du, bankuaren akziodun bilakatzeko.
Proposamenaren berri arratsaldean eman dute, Martin Garitano Gipuzkoako ahaldun nagusiak eta Helena Franco Ogasun diputatuak.
Ekimen honen bidez, Kutxa banku-fundazio bihurtu beharrean, BBK eta Vital diren moduan, "ohiko fundazio" izatera pasatzea du helburu.
Udalen eta Aldundiaren artean akzioak banatuta, gainera, erakundeak Kutxabanken akziodun bilakatuko lirateke eta Kutxari akzioen etekinak itzuliko lizkiokete, gizarte ekintzan inbertitzeko.
Garitanoren hitzetan, "indarrean dagoen legediaren barruan zilegi da Kutxaren kontrol publikoa mantentzea".
"Berme juridiko eta legal guztiak ditu, eta Araban eta Bizkaian ere aplika daiteke. Baldintza bakarra gauzatzeko nahi politikoa da", nabarmendu du ahaldun nagusiak. Halaber, instituzioei, sindikatuei eta alderdi politikoei proposamena aztertzeko deia egin die.
Kutxa, fundazio bilakatzera behartuta
Aurkezpenean, Xabier Barinagarrementeria abokatuak ere parte hartu du; egindako txostenaren taldeko kide izan da. Aurrezki Kutxen Lege Berriaren ondorioz, Kutxak urtea amaitu baino lehen fundazio bilakatu beharko duela azpimarratu du, baina ez ezinbestez.
Legeak ohiko fundazio bilakatzea onartzen duela azaldu du, Kutxabanken duen akzio-partaidetza "murriztuta". Gaur egun % 32ko partaidetza du.
Kutxa tituluen % 5 baino gehiagoren jabe izango ez balitz fundazio arrunt izaten jarraitu ahal izango lukeela adierazi du, era horretan egungo funtzio publikoa eta soziala mantenduz, gainerako akzioak erakundeen eskuetara pasatuta ere.
Kutxak Kutxabanken dituen 640.000 akzioak banatzeko proposamena zehaztu du Helena Francok: fundazioa % 4,998 izatera pasatuko litzateke, Gipuzkoako Aldundiak eta Donostiako Udalak bezainbeste, erakundeko kide fundatzaile moduan. Gainerako % 17,006 lurraldeko gainerako erakundeen artean banatuko litzateke.
Zure interesekoa izan daiteke
Angularen arrantza kanpainak bertan behera jarraitzea berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziearen egoera kritikoa egiaztatu ondoren.
Diesel litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.