Bizkaibusek eskaintza sinatzea aztertuko du, lanuzterik ez bada
Bizkaibusen zerbitzuaren kudeaketaz arduratuko diren enpresa berriek Bizkaiko Aldundiari esan diote sindikatuek eskainitako akordioa sinatzea aztertuko dutela, horrek lanuzteak bertan behera uzten baditu. Era berean, Aldundiak sindikatuei esan die ituna "berme guztiekin" betetzen ari direla eta grebak ez duela "justifikaziorik".
Aldundiak agiri batean azaldu duenez, zerbitzua eskainiko duten enpresek sindikatuek eskainitako testuaren sinadura aztertzeko "konpromisoa" hartu du, lanuzteak bertan behera geratzen badira. 2013ko urriaren 4an Aldundiak eta ELA, UGT, CCOO eta LSB-USO sindikatuek sinatu zuten akordioaren lehenengo puntua da, hain zuzen ere, aztergai izango dutena protestak gelditzen badira.
Enpresekin bildu aurretik, sindikatuekin elkartu da Aldundia, eta Iker Bergaretxe Garraio zuzendariak lanuzte gehiago ez egiteko exijitu die, herritarrei eragiten dien "kalte larria" dela eta. Bergaretxek argi adierazi nahi izan die Aldundia "berme guztiekin" betetzen ari dela 2013ko akordioa, eta, horregatik, greba "edozein ikuspuntutik justifikaezina" dela esan die.
Lizitazio berriak atzera botatzeko eskariaren inguruan, Aldundiak erantzun du "legezko betebeharra" zela lehiaketa publikoa deitzea eta esleipena egitea.
Sindikatuak
Bizkaiko Foru Aldundiko ordezkariak banan-banan bildu dira gaur Bizkaibuseko sindikatuekin eta enpresa kudeatzaileekin, lan-gatazka konpontzen saiatzeko.
Langileek eta Aldundiak duela urtebete lortutako akordioa ez dute begi onez ikusten enpresa kudeatzaileek. Aldundiarekin lortutako akordioa ez dela bete salatu dute behin eta berriz Bizkaibuseko sindikatuek.
Horregatik, langileak 24 orduko hirugarren greba eguna egiten ari dira gaur. Ia linea guztiei eragingo die eta zerbitzu minimoak % 30ekoak izango dira gaurkoan ere. Horrez gain, Termibusetik Aldundiko egoitzara manifestazioa egin dute langileek.
Urrirako bederatzi greba-egun deitu zituzten, eta, hilaren 27rako akordiorik lortu ezean, greba mugagabea hasiko dute.
Zure interesekoa izan daiteke
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".