Uztailean baino 15.800 langabe gutxiago daude EAEn eta Nafarroan
Espainiar Estatuko langabezia-tasa txikiena erregistratu dute 2014ko hirugarren hiruhilekoan Euskal Autonomia Erkidegoak (EAE) eta Nafarroak: % 15,14. Horrenbestez, aurreko hiruhilekoan baino 15.800 langabe gutxiago daude bi erkidegoetan, Biztanleria Aktiboaren Inkestan oinarrituta Gaindegiak ateratako datuen arabera. Ipar Euskal Herrian, berriz, 16.300 langabe daude.
Zehatz esanda, EAEn % 8,63 egin du behera langabe kopuruak eta okupatuenak, berriz, % 0,32 gora, betiere 2013ko epe bereko datuekin alderatuta. Hortaz, % 15,21eko langabezia-tasa du EAEk, Estatuko bigarren baxuena.
Espainiako Estatistika Institutuak gaur kaleratu ditu Biztanleria Aktiboaren Inkestako azken datuak. Horien arabera, hirugarren hiruhilekoan 864.300 pertsona lanean zeuden EAEn, eta 155.000, berriz, langabezian.
Hiruhileko datuei erreparatuta, okupazioa aurreko hiruhilekoan baino % 0,74 txikiagoa izan da, eta langabezia % 7,45 jaitsi da.
Nafarroako datuei dagokionez,% 6,61 jaitsi da langabe kopurua eta, horrenbestez, hirugarren hiruhileko horretan 46.100 lagun daude behar barik. 2013ko datuekin alderatuta, berriz, % 18,49 egin du behera langabeziak.
Estatuko datuei dagokionez ere, behera egin du langabeziak, tasa % 23,67an kokatuta. Datu ona dela azpimarratu du Espainiako Estatistika Institutuak, krisia hasi zenetik (2011) udako sasoian ez baita inoiz % 24tik jaitsi.
195.200 pertsonek eskuratu dute lana 2014ko udan eta, horrenbestez, 17.504.000 okupatu daude Estatuan. Dena dela, 5.427.700 lagun daude oraindik enplegu bulegoetan izena emanda.
Albiste gehiago ekonomia
Jaurlaritzak nabarmendu du turismoak % 5eko hazkunde "iraunkorra" izan duela EAEn
Daniel Solana Basquetour-Turismoaren Euskal Agentziako zuzendariak Radio Euskadin egindako elkarrizketan esan duenez, hazkundea "lasaia eta iraunkorra da, Estatuko edo Europako beste herrialde batzuetan duten masifikaziotik kanpo". 200.000 euskal herritarrek baino gehiagok EAEtik atera gabe pasa dituzte oporrak, eta Loiu-New York konexioak turista estatubatuar gehiago etortzea ekarri du.
Puentek ziurtatu du Renfe "negoziatzeko eta hitz egiteko prest" dagoela Talgori irtenbide bat emateko
Espainiako Garraio ministroak EFEri egindako adierazpenetan esan duenez, gaia "oraindik konpontzeko dago", eta "konpainia espainiarra izaten jarraitzea" eta "irtenbide industriala izatea" espero duela erantsi du, "Talgo ez baita edozein enpresa, gure herriarentzat interesgarria da arrazoi askorengatik".
AEBko apelazio auzitegi batek legez kanpokotzat jo ditu Trumpen muga-zergak, baina indarrean jarraitzen dute
Trumpen muga-zergek jaso duten bigarren kolpe judiziala da, eta berretsi egiten du New Yorkeko merkataritza auzitegi batek maiatzean emandako epaia.
Euriborrak urteko lehen igoera izan du, baina hipotekek behera egiten jarraituko dute
Abuztuan izandako igoerak ez du Euriborraren egonkortasunaren joera eten, aldaketa txiki bat baita ohiko joeraren aurrean.
Urte arteko KPIa % 2,7an mantendu da abuztuan, elikagaien, argindarraren eta erregaien prezioen bilakaeragatik
Ekainean eta uztailean gora egin ostean, KPIaren urtebeteko tasa egonkor mantendu da. Aitzitik, azpiko inflazioak gora egin du bigarren hilabetez jarraian. Abuztuan hamarren bat hazi da, % 2,4raino.
Euriborraren jaitsiera dago hipoteken gehikuntzaren atzean, sektore batzuetan
Guztira 1.922 hipoteka sinatu dira EAEn. Batez beste, 163.000 euro ingurukoak dira, % 2,99ko interes-tasarekin, eta 25 urtera. Hain justu, interes-tasen beherakadak animatu du jendea. Hori eta alokairuaren merkatuaren egoera kaskarra. Paradoxikoki, aldi berean, etxebizitzak garestitzen ari dira. Urteko lehenengo hiruhilekoan % 12 egin du gora prezioak.
Ikasle-egoitza edo pisua? Ikasturte hasierako erabaki handietako bat
Duela urte batzuk alde ekonomiko nabarmena zegoen egoitzan bizi eta beste ikasle batzuekin alokairuko etxean egotearen artean. Bigarren aukera askoz merkeagoa zen. Gaur egun, ordea, arrakala hori murriztu egin da, besteak beste, euskal hiriburuetako pisuen prezioen ondorioz. Hala ere, argi dago abuztu amaieran zailena leku bat aurkitzea dela, egoitzan zein etxea partekatuan.
Etxebizitzen gaineko hipoteka-kopurua % 24 hazi da Euskadin ekainean
Nafarroa, aldiz, jaitsiera izan duen bakarra da Estatuan.
Euskadi eta Nafarroa, batez besteko erretiro-pentsio altuena duten erkidegoen artean
Gizarte Segurantzak 13.620,8 milioi euro erabili ditu abuztuan kotizaziopeko pentsioen hileko nomina arrunta ordaintzeko, eta kopuru horren ia hiru laurden, erretiro-pentsioetarako.
Enplegu erregulazioko espedientearen kaleratzeak 22tik 14ra jaitsi ditu Serveok, eta langileek greba abiatu dute
Enpresak banan-banan negoziatuko du kaleratutako langile bakoitzarekin. Sindikatuek salatu dute Bridgestoneko langileak atzeman dituztela Serveoko beharginen lanak egiten, greba hasi eta bi ordura.