Aurrekontuen 'erabateko aldaketa ezinbestekoa' dela uste du ELAk
2015eko Aurrekontuen proiektuan “erabateko aldaketa politiko eta fiskala ezinbestekoa” dela adierazi du ELA sindikatuak txosten batean. Gastu sozial handiagoa beharrezkoa dela erantsi du sindikatu abertzaleak.
“Gaurko testuinguru ekonomikoan, presio fiskala eta gastu soziala areagotzea sekula baino beharrezkoagoa da”, azaldu dute Mikel Noval arlo sozialeko arduradunak eta Julene Gabiola Azterketa Kabineteko kideak prentsaurrekoan.
Eusko Jaurlaritzaren proiektuak 10.288,4 milioiko gastu publikoa aurreikusten duela azaldu du ELAk. Sindikatuaren ahotan, Exekutiboak 327,8 milioi gutxiago xahutuko ditu gastu sozialean, 2009 ekitaldiarekin alderatuta.
Murrizketak osasunean eta hezkuntzan
Era berean, “Osasun Sailean gastuak berriro behera” egin duela salatu du sindikatuak; izan ere, Eusko Jaurlaritzak 3.390,5 milioi euro bideratuko ditu 2015ean, BPGren % 4,9. 2009an BPGren % 5,3 Osasun Sailean erabili zutela gogorarazi du ELAk. Bestalde, Hezkuntzan egin beharreko gastua murriztuko dutela kritikatu du sindikatu abertzaleak.
AHT eta zorraren ordainketa “murrizketen salbuespenak” direla azpimarratu du ELAk. Zentzu horretan, 2009tik 2015era bitartean, Eusko Jaularitzak zor publikoan egindako gastuak 900 milioi eurotan gora egin duela goraipatu du sindikatuak. Epe berean osasunean, hezkuntzan eta etxebizitzan egindako murrizketak 490 milioi eurokoak izan dira.
Adolfo Muñoz ELAko idazkari nagusiaren hitzetan, “propagandaz haratago, murrizketek jarraitzen dute” eta “Rajoyk Espainian edo Barcinak Nafarroan aplikatutako berberak dira Urkulluren Gobernuarenak” EAEn.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.