Espainia eta Grezia dira eurogunean langabezia handiena duten herriak
Euroguneko langabeziaren datuak egonkor jarraitu du, aurreko hileko datuekin alderatuz gero, eta % 11,5ean kokatu da; orain urtebete baino lau hamarren beherago. Europar Batasunean, aldiz, langabezia hamarren bat jaitsi da, % 10era arte.
Eurostaten arabera, Espainiak du langabeziaren daturik txarrena (% 23,9), Greziaren atzetik.
Hala ere, Espainiako langabeziaren tasak hamarren bat egin du behera 2014ko azaroan (% 24tik % 23,9ra). 2013ko azaroko datuarekin alderatuz, langabeziak % 1,9 egin du behera Espainiako Estatuan, orduan % 25,8ekoa baitzen.
Hortaz, azaroan 5,46 milioi langabe zenbatu dituzte Espainian. Urrian, berriz, 5,49 milioi ziren lanik gabe zeudenak eta 2013ko hilabete berean, berriz, 5,09 milioi.
Europar Batasunean, langabeziak hamarren bat egin du behera aurreko hilabetearekin alderatuta. % 10ean kokatu da.
Europako agentzia horren arabera, Europar Batasunean 24,4 milioi langabe zeuden azaroan; horietatik 18,3 milioi, eurogunean. Hortaz, azken hilabeteetan 34.000 pertsona geratu dira lanik gabe eurogunean.
Bestalde, inflazio-tasak gorriz amaitu du urtea eurogunean. Azaroan % 0,2 jaitsi da eta, hortaz, urte osoko datua ere negatiboa izan da (2009ko urritik ez zen gertatzen). 2013ko abenduan, inflazio-tasa % 0,8koa zen.
Albiste gehiago ekonomia
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.
Villavesetako langileek bertan behera utzi dute greba, eta irailean lanuzteei helduko diete berriro
Iruñerriko autobus zerbitzuko beharginek erabakia batzarrean hartu dute. Ondorioz, asteartetik zerbitzua normaltasunez emango dute, udan zenbait mobilizazio eginez.