Lanbideko lanpostu zerrenda erretiratzeko eskatu dute sindikatuek
Lanbide Euskal Enplegu Zerbitzuan greba eguna dute gaur, lanpostuen zerrenda bertan behera uztea eskatzeko. Lanuztea deitu duten sindikatuek (LAB, ELA, CCOO eta UGT) salatu dutenez, "Eusko Jaurlaritzak lanpostuen zerrendaren dekretua erretiratzen ez badu, tentsioa areagotu egingo da Lanbiden". Jaurlaritzaren proposamenak lanpostuak suntsituko dituela nabarmendu dute.
Lanuztearen jarraipena % 70ekoa izan dela jakinarazi dute sindikatuek, eta EAEko dozena bat bulego itxita egon direla azpimarratu dute sindikatuek. Eusko Jaurlaritzako Enplegu eta Gizarte Politiketako Sailaren esanetan, berriz, langileen % 45,55ek egin dute bat grebarekin, eta hamar bulegotik bi egon dira itxita.
Gasteizen manifestazioa egin dute Lanbideko langileek, Eusko Legebiltzarraren ataritik Eusko Jaurlaritzaren egoitzaraino, "Lanbideren defentsan. Lanpostu zerrenda hau ez" goiburupean.
Jaurlaritzak Lanbiderako iazko abenduan onartutako lanpostuen zerrenda erretiratzea eskatu dute sindikatuek. Dekretu horren arabera, euskal administrazioko funtzionarioen leku-aldaketa lehiaketen bidez bete nahi dira Lanbideko 180 postu.
Goizeko protestan sindikatu guztiek Angel Toña Enplegu sailburu berriak, "bere aurrekoak ez bezala, langileak bilera batera deitu izana" ontzat jo dute. Langileen eskubideak aintzat har ditzala eskatu diote sailburuari, gizarteari behar bezalako zerbitzua eskaintzeko. Lanpostu zerrenda atzera botatzeko eskatu diote, "enplegua suntsituko duelako Lanbiden".
Ramon Uriarte ELAko ordezkariak esan duenez, Lanbideko gatazkak ez du etenik izango, baldin eta Jaurlaritzak ez badu lanpostuen zerrenda erretiratzen. "Prozesua gelditzeko inteligentzia-politikorik ez badute, arazoa non amaituko den ere ez dakigu", gaineratu du.
CCOOko Lorenzo Sebastianek ere bide beretik hitz egin du. Toñari esan dio "gatazkari konponbidea emateko aukera bat duela parez pare".
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.