Amancio Ortegak 17.246 milioi handitu du bere ondasuna, 100 egunean
Amancio Ortega Inditex taldeko fundatzaile eta munduko laugarren pertsona aberatsenak 17.246 milioi euro handitu du bere ondasuna urteko lehen 100 egunetan, higiezinen sektorean egindako inbertsioen eta bere konpainiek burtsan duten osasun onaren ondorioz.
Azken hilabeteetan, Ortegak hainbat inbertsio egin ditu higiezinen sektorean, Pontegadea konpainiaren bitartez. Azkena asteburu honetan bertan eman du ezagutzera The Sunday Times egunkari britainiarrak: 20.000 metro karratuko eraikin bat erosi du Londresen, Oxford Street kalean. Horretan, Primark konpainiaren, hots, Zararen lehiakide nagusietako baten, denda bat dago.
Ortegak hainbat eraikin ditu jada Erresuma Batuko hiriburuan. Aurten bertan, Rio Tinto multinazionalaren egoitza erosi du, 366 milioi euroren truke.
Gainera, aurretik ere bazen Primark konpainiaren errentatzailea. Izan ere, duela gutxi Madrilgo Gran Vía kaleko 32. zenbakian dagoen eraikina erosi du, eta aipatutako konpainia horretako denda bat zabalduko dute aurki bertan.
Bestalde, Inditexeko akzioak % 30,27 garestitu dira urtarrilaren 1etik. Horrenbestez taldearen kapitalizazioa 96.242 milioi eurokoa da une honetan.
Ortega Inditexeko akziodun nagusia da, % 59ko parte-hartzea baitu, eta aurten 961 milioi euro jasoko ditu dibidendutan. Iaz, 894,4 milioi izan ziren.
Albiste gehiago ekonomia
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".
Gasteizko lorezainek grebari eutsiko diote, azken bilera akordiorik gabe amaitu baita
ELA, LAB eta ESK sindikatuek "ulertezintzat" jo dute Udalak Enviserren "kontratua ez etetea" eta lan-baldintzen hobekuntzei "mugak jartzea".
Prezioak % 2,7 igo dira uztailean, elektrizitatea eta erregaiak garestitu egin baitira
Espainiako Estatistika Institutuak uztaileko datu aurreratu ditu. Azpiko inflazioa hamarren bat igo da, % 2,3raino.