Lanbidek 918 egiturazko langile izango ditu, lehen baino 104 gehiago
Eusko Jaurlaritzaren Gobernu Kontseiluak Lanbide-Euskal Enplegu Zerbitzua erakunde autonomoaren lanpostu-zerrenda onartu du eta, ondorioz, egiturazko 814 lanpostu izatetik 918 izatera pasatuko da; hau da, %12,77 gehiago.
Josu Erkoreka Eusko Jaurlaritzako bozeramaileak Gobernu Kontseiluaren osteko prentsaurrekoan azaldu duenez, gaur onartutako Lanbideko lanpostu-zerrendak "berrantolatu egiten du Lanbideren egitura, erakunde autonomoa modernizatzeko, haren jasangarritasuna bermatzeko, eta euskal herritarrek enpleguaren eta prestakuntzaren arloan dauzkaten premiei erantzuteko."
Lanbideko lanpostu-zerrenda berria urriaren 1ean sartuko da indarrean eta, horren arabera, aurrerantzean bost maila profesional izango dira: Erantzukizun-lanpostuak, teknikariak, administrariak, lanpostu laguntzaile orokorrak eta mendeko langileak.
Halaber, langileen soldatak ere igo egingo dira eta euskal administrazio publikoko gainerako langileenarekin parekatuko da. Gainera, atzeraeragin-aldi bat ezarri du Eusko Jaurlaritzak (2011ko urtarrilaren 1era), Lanbideren lanpostu-zerrendaren aldaketaren ondorioz soldata-igoera dutenek atzerapenak eskatu ahal izan ditzaten.
Hala eta guztiz ere, berrantolaketa horren eraginez 200 langile inguruk soldata txikiagoa jasoko dute. Ildo horretan, Eusko Jaurlaritzak dokumentu bat bidali die sindikatuei eta bertan gaur egun Lanbiden ari den pertsona ororen soldata-maila mantendu ahal izateko konpromisoa jasotzen du, horretarako ordainsari osagarri bat ezarriz.
Zirriborro hori izango dute aztergai Lanbideren iraileko Mahai Sektorialean eta, akordio sindikala egonez gero, 215 pertsonengan izango du eragina.
Lanbide Euskal Autonomia Erkidegoko Administrazio Publikoaren egiturara egokituta, Jaurlaritzak amaitutzat ematen du 2010ean enplegu-politika aktiboen arloan hasitako transferentzia-prozesua; hain zuzen ere, orduan jarri zituen Espainiako gobernuak Euskadiren esku material-baliabideak, karrerako funtzionarioak eta ordura arte Estatuko Enplegu Zerbitzu Publikoan lan egiten zuten langile lan-kontratudunak.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.