EAEko ekonomia % 2,7 haziko da 2015ean, Jaurlaritzaren arabera
Espero baino gehiago haziko da Euskal Autonomia Erkidegoko (EAE) ekonomia aurten, zehazki, aurreikusitakoa bi hamarren gehiago, % 2,7ra iritsi arte, Eusko Jaurlaritzak koiuntura ekonomikoari buruz egin duen azken hiruhileko txostenaren arabera.
Jaurlaritza baikorrago agertu da, horrenbestez, "batez ere, Espainiako ekonomiak erakutsitako dinamismoa" kontuan hartuta, eta aurreikuspenak hobetzea erabaki du. Izan ere, aurreko hiruhileko txostenean, EAEko Barne Produktu Gordina % 2,5 haziko zela aurreikusi zuen Jaurlaritzak.
Enpleguari dagokionez, % 1,8 haziko dela uste du Ricardo Gatzagaetxebarriak zuzentzen duen Sailak. Aurreikuspen horren arabera, langabezia tasa % 15,2koa izango da 2015ean; 2016an, % 13,4ra jaitsiko da.
2016ari dagokionez, egindako aurreikuspenei eutsi die Ogasun eta Finantza Sailak, eta hazkundea % 2,5ean kokatu du; erritmoa "zertxobait leunduko da", erantsi du. Apaltzea kontsumo pribatuaren normaltzearen ondorioz etorriko da, Jaurlaritzako Ogasun eta Finantza Sailak argitu denez. Izan ere, txostenean azaldu duenez, "aldagai hori ekonomia osoa baino gehiago hazten ari da, hainbat alderdi iragankorrek bultzatuta, hala nola, petrolioaren merkatzea, inflazio apala eta aurreko urteetan geroratu ziren gastu batzuk orain gauzatu izana".
Barne eskaria izango da euskal ekonomiaren motorra, eta ekonomia osoaren gehikuntza tasari egingo dion ekarpena 2,6 puntukoa izango da 2015ean eta 2,2koa, 2016an.
"Bilakaera dinamikoa"
Euskal familien errenta mailak gora egingo duenez, kontsumo gastua ere igoko da. Hazkunde hori azaltzeko honako arrazoiak azaldu ditu Ogasun eta Finantza Sailak: enplegu garbiaren sorrera garrantzitsua, kontsumoko prezioen jaitsiera, kreditu bat lortzeko erraztasunak, soldaten igoera eta etorkizunari buruzko aurreikuspen baikorragoak.
Enpresen inbertsioek ere "bilakaera dinamikoa" izango dute datozen hilabeteetan. Hiru faktorek eragingo dute hobetze honetan: nazioarteko ekonomia hazi egingo da, barne eskariaren "dinamismoa" eta kreditu bat lortzeko erraztasunak handiagoak direla.
Kanpo eskariari dagokionez, honen ekarpena "neutroagoa" izango da, atzerrian egindako erosketak barne eskariaren bultzadarengatik haziko diren arren.
Eskariari dagokionez, jarduera arlo guztiek goranzko joera izango dutela uste du Jaurlaritzak. Industria sektoreak % 2,5 egingo du gora eta eraikuntzak "hazkunde apala izango du, baina zenbaki positiboekin". Zerbitzu alorrak "dinamismo handia" izango du.
Albiste gehiago ekonomia
Statkraftek aztertuko du Piaspe parke eolikoaren ingurumen baimenari buruzko erabakiari helegitea jarri ala ez
Parke eolikoa Gipuzkoako Azpeitia, Zestoa eta Errezil udalerrietan zegoen planifikatuta eta kontrako ingurumen-ebazpena jaso du. Enpresaren aburuz, parke eolikoa "energiaren sozializazioa bultzatzeko diseinatu zen, enpresen, administrazioen eta tokiko komunitateen inplikazioa bilatuz".
Jaurlaritzak ingurumen baimena ukatu dio Piaspe proiektu eolikoari
Eusko Jaurlaritzako Industria, Transizio Energetiko eta Jasangarritasun sailak atzera bota du Statkraft enpresak Azpeitia, Zestoa eta Errezil artean egitekoa zuen parke eolikoaren proiektua. Mendi inguru horretan eraikitzekoak zituzten errotek eta energia azpiegiturek ingurumenari kalte egingo lioketela ebatzi du txostenak.
BBVAk bere eskaintzari eutsi eta aurrera jarraitzen du Sabadell erosteko ahaleginean
Sabadelleko akziodunek ia aho batez TSB Erresuma Batuko filiala Santander bankuari saltzea onartu eta astebetera hartu du Carlos Torres buru duen konpainiak erosketa eskaintzari eusteko erabakia.
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.