Arcelorreko batzordearen eta zuzendaritzaren bilera, bertan behera
Laneko Gatazkak Ebazteko Donostiako egoitzara ez dela joango iragarri du Arcelor Mittal Zumarragako (Gipuzkoa) enpresa-batzordeak eta Zuzendaritzarekin egitekoa zuen bilera bertan behera geratu da. Zuzendaritzak bilera deitua zuen bertan, baina langileen ordezkariek Zumarragako lantegian egitea nahi zuten.
Negoziazio mahaia biltzekoa zen gaur, baina aldeek aurreneko desadostasuna bilera hasi baino lehen izan dute. Batzarra egiteko tokia adosteko arazoak izan dituzte, eta horrek eragin du bilera bertan behera geratzea.
Bilera gaur 11:00etan egiteko proposamena luzatu zien enpresak langileen ordezkariei.
Zuzendaritzak bilera Donostian egin nahi duela azaldu dute sindikatuetako ordezkariek; baina horiek batzarra Zumarragako lantegian egin nahi zuten, bi aldeen arteko bilerak bertan egin "ohi" izan dituztelako.
Beste bilera bat
Gaurkoak porrot egin ostean, asteazkenean beste bilera bat deitu du Arcelorren zuzendaritzak. Berriro ere Donostian, Lan Gatazkak Ebazteko egoitzan. Langileen ordezkariek dagoeneko iragarri dute ez direla bertaratuko, negoziazioa Zumarragako fabrikan egin beharko litzatekeela ulertuta.
Enpresa-batzordeak berretsi egin du negoziazioa fabrikan egitearen aldekoa dla eta hala adierazi dio zuzendaritzari. Alabaina, ostiralean Lan Gatazkak Ebazteko bulegoan biltzeko aukera ere ireki dute.
“Konbentzituta gaude bilerak kaltetutako lantegian egin behar direla” eta, beraz, “zuzendaritzari eskatzen diogu langileen ordezkariekin Zumarragako plantan biltzeko”, dio enpresa-batzordeak ohar batean.
Hala ere, “gure proposamena errefusatuz gero, Lan Gatazkak Ebazteko egoitzan biltzeko deia luzatzen dizuegu, datorren ostiralean, apirilaren 1ean, 12:30ean”, erantsi dute.
Mobilizazioak
Eguerdian, elkarretaratzea egin dute lantegiaren aurrealdean, ‘Arcelor ez itxi’ lelopean. Beharginekin batera haien senideak eta Zumarragako eta Urretxuko bizilagunak izan dira. Lantegi horren itxierak “eskualde guztian” izango lukeela eragina ohartarazi dute berriz.
Astearteetako elkarretaratzeaz gain, ostiral honetarako 24 orduko lanuztea deitu dute eta Gipuzkoako Foru Aldundiaren aurrean bilkura egingo dute.
Goizean asanblada egingo dute, mobilizazio berriak erabakitzeko.
325 beharginei beste lanpostu bat ematea
Bileran, itxiera eta lantegiko 325 beharginei beste lanpostu bat emateko proposamena luzatuko omen zieten konpainiako zuzendariek enpresa-batzordeari.
ArcelorMittalek “itxiera partzialaren” xehetasunak ez ditu orain arte zehaztu. Zentzu horretan, langileekin negoziazio prozesua bukatu bitartean, itxiera nola gauzatuko den zehazterik ez dagoela argudiatu du zuzendaritzak.
Bestalde, duela bi aste iragarritako neurria atzera botatzeko eskatu dio enpresa-batzordeak zuzendaritzari, hau da, itxiera partziala bertan behera uztea, zuzendarien jarrera negoziatzailea “fede onekoa” dela azaltzeko.
Albiste gehiago ekonomia
BetiOn arreta zerbitzuak langileen aurkako erasoak eta babes falta salatu ditu
Sindikatuek beharginen osasunarekin "ez jolasteko" eskatu diete enpresari eta Eusko Jaurlaritzari, eta protesta elkarretaratzea deitu dute irailaren 9rako.
Bilbo tentsio handiko eremu da jada
Euskal Herriko Agintaritzaren Aldizkariak (EHAA) gaur argitaratu du Bilbo etxebizitza gune tentsionatu izendatzeko agindua; alokairuen prezioa kontrolatzeko aukera emateaz gain, etxebizitza plan berezi bat martxan jartzea ahalbidetuko du izendapenak. Besteak beste, 2028rako 1.090 etxebizitza eraikitzea aurreikusten da.
Nafarroak iruzurraren aurkako plana onartu du, NaTicket ezarrita
Foru Gobernuak NaTicket izeneko programa aplikatuko du hurrengo hiru urteetan, Euskadiko TicketBAI sistemaren antzekoa, fakturazioa unean-unean kontrolatzeko.
Ryanairrek % 2 murriztuko du Forondako hegaldi kopurua neguan, eta ez du jardungo Santiago, Vigo eta Tenerifeko aireportuetan
Alacant, Brusela, Malaga, Milan, Palma eta Sevillarako hegaldiak ditu Ryanairrek Forondako aireportuan. Doitze-neurri horren ondorioz, milioi bat plaza baino gehiago galduko dira, udako denboraldian galdutako 800.000 plazez gain.
Maderas de Llodiok langileen batzordeari adierazi dio kaleratze kolektiboa ezartzekotan daudela
LAB sindikatuak adierazi duenez, datorren asteartean, hilak 9, bilera bat dute enpresaren zuzendaritzarekin, baina batzordeak eskatu du kaleratze kolektiboaren prozedura berehala bertan behera utz dezaten. Momentuz, ez dakite 151 langileetako zenbati eragingo liokeen neurriak.
Arabako Errioxako ardoak, txakolinak eta sagardoak Mexikora bidaiatu dira, Euskadi globalaren enbaxadore gisa
Amaia Barredo sailburua Mexiko Hirian da 23 euskal upeltegiren ordezkaritzarekin batera, euskal gastronomiaren kalitate eta bikaintasun zigiluarekin merkatu berriak irekitzeko asmoarekin.
Eusko Legebiltzarrak ez du izapidetuko gutxieneko pentsioa Lanbidearteko Gutxieneko Soldatarekin berdintzea eskatzen duen herri-ekimena
Eusko Jaurlaritzaren jarreraren arrazoi nagusietako bat da pentsioak jasotzen dituztenentzako babesa dagoeneko integratuta dagoela egungo sisteman. Ekimenak 145.000 sinadura baino gehiagoren babesa du.
Azazetan auto istripuan hildako gidaria etxez etxeko laguntzaile lanetan ari zen
LAB sindikatuak lan-istriputzat jo du ezbeharra, eta etxez etxeko laguntzaren sektoreko baldintza prekarioak salatu ditu.
Abuztuan, langabezia-tasa ia % 4 igo da EAEn, eta % 0,53 jaitsi da Nafarroan
109.169 langabe daude erregistratuta Euskadin, eta, Nafarroan, berriz, 28.390. Espainian, langabezia-tasa % 0,91 igo da, eta langabeen kopurua 2.426.511ra iritsi da, 2007az geroztik abuztuan izandako mailarik txikiena.
LAB sindikatuak soldatak duintzea du urte honetarako lehentasunetako bat
Salatu du ziurgabetasun ekonomikoa aitzakia gisa erabiltzen ari dela lan-baldintzak prekarizatzeko. Horregatik, iragarri du bere helburua izango dela soldatak KPItik gora igotzea negoziatzea eta, batez ere, gutxieneko soldata propioa sortzea.