Toña: 'Duintasunez bizitzea ahalbidetuko duen lana sortzea da erronka'
Angel Toña Enplegu eta Gizarte Politiketako sailburuak esan duenez, lan mundua "asko" ari da aldatzen eta are gehiago aldatuko da datozen urteotan. Hori dela eta, horren inguruko hausnarketa egitea eta etorkizuneko erronken inguruko gogoeta egitea ezinbestekotzat jo du. Toñaren aburuz, azken urteotan izan duen bilakaera ikusita, "ez dakigu nora eramango gaituen lan munduak etorkizunean".
Enpleguaren Euskal Estrategia 2020 planerako ekarpenak jaso ditu gaur Eusko Jaurlaritzak, Bilbon antolatu dituen jardunaldietan. Bertan hitz egin du Toñak, lan munduaren orainaz eta geroaz. Lan munduko eragile publikoak eta pribatuak hartu dute parte jardunaldietan, eta horien guztien ekarpenak jaso ditu Enplegu sailak, prestatzen ari den plangintza osatzeko. Bi hilabete barru, maiatzaren amaierarako, estrategia plana amaituta egotea da Jaurlaritzaren helburua.
Aurrera begira, sailburuaren esanetan, "herritarrei lana eskaintzea da erronka nagusia, baina ez edozein lan, duintasunez bizitzea ahalbidetuko duen enplegu bat". Gogora ekarri duenez, legealdiaren hasieran Eusko Jaurlaritzak enplegu plan bat jarri zuen abian. Krisiak euskal ekonomia gogorren astindu duen urteetan EAEn 100.000 enplegu suntsitu zirela nabarmendu du Toñak. "Horrek milaka herritarrei eragin die. Herritar horiek berreskuratzeko behar morala eta soziala daukagu. Gogoetarako ordua heldu da", gaineratu du.
Garatzen ari diren estrategia planean, besteak beste, lehentasuna izango du langabeak berriro lan munduan txertatzeak eta gizon eta emakumeen arteko lan aukera berdintasuna sustatzeak. Herritarren prestakuntzak ere berebiziko garrantzia izango du Jaurlaritzaren egitasmoan, Toñak aurreratu duenez.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.