Ertzaintzak 250 agenterentzako Lan Eskaintza Publikoa abiatu du
Eusko Jaurlaritzaren Segurtasun Sailak Ertzaintzarako 250 plazako beste deialdi bat argitaratu du -legegintzaldi honetan hirugarrena- gaur Euskal Herriko Agintaritzaren Aldizkarian (EHAA), Ertzaintzaren XXVI. promozioa osatuko duten 250 ertzainak aukeratzeko. Behin EHAAn argitaratuta, bihar zabalduko da izen emateko epea eta maiatzaren 31ra arte irekita egongo da.
Hautapen prozesua oposizio sistemaren bitartez egingo da eta aurreko aldietan bezala, osagarri gisa, prestakuntza-ikastaro bat eta praktikaldi bat egingo dira, Ertzaintzaren oinarrizko eskalako agente-plazak betetzeko, hau da, C taldeko C-2 titulazio-azpitaldeari eta Ertzaintzako 1. hizkuntza-eskakizunari dagozkionak.
Aurreko deialdietan bezala, hauek dira Lan Deialdi Publiko honetan parte hartu nahi dutenek bete beharreko eskakizunak: nazionalitate espainiarra izatea, 18eta 35 urte bitartean izatea, gizonen kasuan 1.65 metro neurtzea gutxienez eta emakumeen kasuan 1.60 metro, eta bigarren hezkuntzako graduatu-titulua edo horren pareko edo maila handiagoko beste bat izatea, besteak beste. Euskara jakitea nahitaezkoa izango da eskainitako plazen erdietan.
Ertzaintzaren arduradunek dei berezia egin diete gipuzkoarrei -bizkaitarrak eta arabarrak baino gutxiago aurkezten direlako- eta emakumeei -% 25a baino ez direlako-.
Interesa dutenek, hautapen-prozedura honetan parte hartzeko betekizunak kontsultatu eta eskabideak eskuratzeko, Polizia eta Larrialdietako Euskal Akademiaren webgunean sartu behar dute. Gainera, 900 840 088 doako telefonoan hautapen prozesuari buruzko informazio guztia eskuratu ahal izango da astelehenetik ostiralera 08:00etatik 15:00etara.
Segurtasun Sailak Ertzaintzan sartzeko 620 plaza eskaini ditu legegintzaldi honetan, hiru promoziotan banatuta: 24. promozioan 120, 25. promozioan 250 eta 26. promozioa izango den honetan 250.
Espainiako Gobernuak Ertzaintzaren 25. promoziaren kontrako helegitea aurkeztu zuen Auzitegi Gorenean, orduan eskainitako plaza kopuruak (250 plaza) enplegu publikoen berritze-tasa ez zuela betetzen argudiatuta. Dena den, deialdiak Segurtasun Batzordeak adostutakoa betetzen duela defendatu du Eusko Jaurlaritzak.
o Jaurlaritzak.Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.