Abian da 2008tik izango den Makina Erremintaren Biurteko Azoka 'onena'
Makina Erremintaren Biurteko Azokaren (BIEMH) 29. edizioak 27 herrialdetako 1.533 enpresa hartuko ditu gaurtik ekainaren 4ra, Barakaldoko BEC! erakustazokan.
Gaur egin dute irekiera-ekitaldia, Iñigo Urkullu lehendakaria bertan zela. Aurreikuspenen arabera, 36 milioi euroko eragina izango du azokak, eta 1.000 enplegu sortuko ditu.
Aurten, guztira, 2.605 produktu erakutsiko dituzte, eta tamaina handiko 1.163 makina egongo dira ikusgai, martxan.
Biurtekoarekin batera, ADDIT3 fabrikazio adimentsuaren lehen azoka eta WORKinn foroa ere egingo dira erakustazokan bertan. Azken horrek gazteei zuzendutako lana eta formazioa uztartu, eta 100 enplegu baino gehiago eskainiko ditu.
BIEMH azoka Bilbao Exhibition Centrek eta Makina-Erreminten, Osagarrien, Osagaien eta Erreminten Fabrikatzaileen Espainiako Elkarteak (AFM) antolatzen dute, Makina-Erreminta Inportatzaileen Elkartearekin eta Eusko Jaurlaritzarekin elkarlanean.
Erakusketako eremu nagusiak hauek izango dira: makina-erreminta, bestelako makinak, erremintak, piezak, osagaiak eta osagarriak, ekoizpen-sistemen automatizazioa, fabrikaziorako softwarea, metrologia eta kalitate-kontrola, zerbitzuak eta faktoria digitala.
Alemania, Italia, AEB, Suitza, Taiwan, Japonia, Frantzia, Erresuma Batua, Portugal, Austria, Suedia eta Herbehereetako enpresa erakusketariek Biurtekoa bertatik bertara ezagutzeko aukera izango dute.
Besteak beste, Amob, Adige, BLM, Carl Zeiss, Cytec, Flow Europe, Haas, Haimer, Hoffmann, Mmc Hitachi, Nukon Laser Makina, Salvagnini, Siemens, Tornos, Trumpf, VRC eta ZCC Cutting Tools Europe enpresak izango dira erakusketa honetan ordezkatuta. Antolatzaileen arabera, Iranek, Estatu Batuek, Alemaniak eta Indiak interes berezia agertu dute BIEMHen parte hartzeko.
Enpresen % 36k automobilgintzako konponbideak eskainiko dituzte, % 24k aeronautikakoak, % 20k harroketa-lanen azpikontrataziokoak, % 18k txapa-lanen azpikontrataziokoak, eta % 16k makineriaren fabrikaziokoak. Burdingintza, energia, ekipo-ondasunak, trenbideak, elektrizitatea-elektronika eta etxetresna elektrikoak sektoreek ere euren fabrikazio-prozesuetarako balio erantsi handiko produktu eta zerbitzu espezializatuak aurkituko dituzte erakusketan.
BIEMH 2016 azokan, Fabrikazio Aurreratuko Teknologietan Berrikuntzaren 12. Sari Nazionala banatuko da, makina-erremintetako, osagaietako, osagarrietako eta erremintetako berrikuntzak aitortzeko, baita fabrikazio gehigarriarekin eta 4.0 kontzeptuak txertatzearekin loturikoak ere.
BIEMH eta ADDIT3D azokekin batera, ekimen berri baten lehen edizioa egingo da: WORKinn, industriaren sektoreko lan-arloa ezagutzeko foroa. WORKinn foroaren helburuak lan bila dabiltzan profesionalen eta enpresen arteko topagunea izatea, lanean hastea sustatzea, talentuaz jabetzea, enpresei beren beharrei egokitutako profilak hurbiltzea eta enplegagarritasuna handitzea dira, lan-aholkularitzaren eta ikasleei eta profesionalei begirako prestakuntza-eskaintza zabalaren bitartez.
Tapia
Arantxa Tapia Ekonomiaren Garapenerako eta Lehiakortasunerako sailburuak esan du Biurteko azoka "azken urteotako onena" dela eta "ia krisiaren aurrekoen parekoa" dela.
Sailburuak esan du ikusten zela joera "oso positiboa" izango zela, beraz, ez duela harritu. Era berean, Tapiak uste du Biurtekoak agerian uzten duela euskal industria "prest" dagoela etorkizunerako.
Tapiak azpimarratu du aurtengo edizioa "ikusgarria" dela, eta "erakusleiho bikaina" dela.
Azaldu duenez, azokan "munduan datorkigun guztia" ikusi ahal izango da, 4.0 industriari erreferentzia eginez, eta "ikusi eta ukitu" ahalko da.
Arcelorreko langileen protesta
Iñigo Urkullu lehendakaria, BECen bertaratu denean, Sestaoko eta Zumarragako langileak elkarretaratzea egiten ari ziren, eta lantegi horien irtenbidea "agian beste inbertitzaile batzuk" izan dezaketela helarazi die.
Bestalde, bi lantegietako batzordeek gutuna eman diote lehendakariari inplikazio handiagoa eskatzeko. Gutunean, Bizkaiko langileen ordezkariek Desjabetze Legea erabiltzeko eskatu diote Jaurlaritzari.
Urkulluk bi lantegietako ordezkariekin hitz egin du, eta langileen ordezkariek bizi duten egoeraz ohartarazi eta babes handiagoa eskatu diote.
Horren aurrean, lehendakariak erantzun die Arcelorri ekimenak proposatu dizkiotela, eta ez dutela irtenbidea bilatzeko lanean etsiko. Era berean, lantegi horien irtenbidea "agian beste inbertitzaile batzuk" izan dezaketela helarazi die.
Gainera, Jaurlaritzaren babesa ez dela soilik "sinbolikoa" azaldu die, proposamenak egin dizkiotela Arcelorri, tartean "beste jabe edo inbertitzaile batzuei" begira.
Langileek adierazi diote denborak aurrera egiten jarraitzen duela eta "ongi" dagoela erakundeen babesa, baina "harago" joan behar dutela.
Zure interesekoa izan daiteke
Mugikortasun Sailak 581,7 milioi izango ditu "trenbidea garraiobide gisa bultzatzeko"
Trenbide-azpiegiturak eraiki eta hobetzeko erabiliko da inbertsioaren zati handi bat. Era berean, Bat, Barik eta Mugi txartelen interoperabilitatea burutu nahi da, eta 12 urtera arteko garraioaren doakotasuna egiturazkotzat ezarri.
Juan Ignacio Perez Iglesias: "Kezkatuta eta triste nago"
Eusko Jaurlaritzako Zientzia, Unibertsitate eta Berrikuntza sailburu Juan Ignacio Perez Iglesiasek adierazi duenez, "behar beste" hitz egiteko prest dago, baina EHUn gauza handiak egiteko aukera paregabea galtzen ari dela uste du.
Euskal kofradiek Kofradia Basque Seafood sortu dute, baxurako arrantza modernizatzeko
Bizkaiko eta Gipuzkoako federazioek, Hazilur sozietate publikoarekin batera, Kofradia Basque Seafood enpresa eratu dute, Ondarroan. Nobedade nagusien artean, laugarren eta bosgarren gamako produktuen lerro bat garatuko du konpainiak, arraina xerratu, ontziratu eta kozinatzeko moduan elaboratzeko.
Eusko Jaurlaritzak inoizko partidarik handiena bideratuko du 2026an etxebizitza sustatzeko: 596 milioiko inbertsioa, 3.669 etxebizitza egiteko
Etxebizitza eta Hiri Agenda Sailak 2026rako kontuak aurkeztu ditu, aurreko urtean baino % 14 altuagoak. Denis Itxaso sailburuak iragarri du 1.700 etxebizitza babestu baino gehiago eraikiko direla, eta Visesa baliabide propio gisa onartuko dutela.
3.346 milioiko aurrekontua aurkeztu du Hezkuntza Sailak, langileen arlora eta inklusio-programetara bideratutakoa nabarmenduz
Begoña Pedrosak "funtsezko zerbitzu publikoak indartzea" bilatzen duten kontuak aurkeztu ditu Eusko Legebiltzarrean, "herritarren benetako arazoetan arreta jarriz".
Imanol Pradales: "EHUk ez du inoiz hainbeste baliabide izan"
Lehendakariak adierazi du EHUren aurrekontua % 6,9 handituko dela 2026an. Horrez gainera, 2025ean % 5,2ko igoera izan duela esan du eta, beraz, bi urteren buruan ohiko aurrekontua % 12 handitu dela azpimarratu du.
Bengoetxeak instituzioek EHU errespeta dezaten eskatu du, eta premiazko bilera galdegin dio lehendakariari
Horrela erantzun dio Euskal Herriko Unibertsitateko errektoreak Perez Iglesias sailburuari, Eusko Legebiltzarreko agerraldian ukatu egin baitu unibertsitate publikoak behar baino diru gutxiago jasotzen duenik. Iglesiasen hitzetan, 2026rako esleitutako aurrekontua "zifra errekorra" da.
Horrelakoa izango da Bekadunen Estatutu berria: gastuak konpentsatzea, praktikaldiak mugatzea eta enpresei kontrol gehiago egitea
Espainiako Gobernuak Bekadunen Estatutuaren aurreproiektua onartu du, prestakuntza praktikoan daudenen eskubideak bermatzeko.
Petronorreko langileek greban jarraitzen dute eta aldagelen kontua ukatu dute
Hori jakinarazi dute batzordearen ordezkariek Kutxabankek Bilbon dituen bulego orokorren aurrean deitutako langileen kontzentrazioan. Beharginek akordioa atzera bota dute eta auzitegietan argituko da afera.
Eusko Jaurlaritzak EHUrekin duen "konpromiso irmoa" azpimarratu du Perez Iglesiasek
Zientzia, Unibertsitate eta Berrikuntza sailburuak nabarmendu duenez, Eusko Jaurlaritzak EHUri 2026an egingo dion ekarpen arrunta 339 milioi eurokoa da, aurtengo urtean baino % 6,9 gehiago bideratuta. Eta azaldu du unibertsitate publikoari esleitutako diru kantitatea inoizko handiena dela.