ADIFeko 14 langile atxilotu dituzte, 83 milioiko gainkostuekin lotuta
Trenbide Azpiegituren Kudeatzaileak (ADIF) Madrilen eta Bartzelonan dituen bulegoak miatzen ari da Guardia Zibila, goizean goizetik.
Epailearen aginduz eta Ustelkeriaren kontrako Fiskaltzak koordinatuta, Bartzelonako Sagrera auzoko geltokiko lanetan ustez izandako diru desbideratzea argitzeko zantzu bila ari dira. Ikerketako iturrien arabera, 80 milioi euro baino gehiago desbideratu dira lan horietan. Abiadura handiko trenak Bartzelonan izango duen bigarren geltoki handiena da Sagreran eraikitzen ari direna.
Oraingoz, 14 pertsona atxilotu ditu Guardia Zibilak, denak ADIFeko langileak, diru publikoa bidegabe erabiltzea egotzita. Madrilgo eta Bartzelonako hamabost etxebizitza ere miatzen ari dira, batzuk partikularrak eta besteak Segrerako lanetan parte hartzen ari diren enpresen bulegoak, Ustelkeriaren kontrako Fiskaltzak agiri baten bidez jakitera eman duenez.
Ikertzaileen ustez, fakturak puzteko sare bat antolatu zuten Sagrerako lanetan parte hartzen ari diren zenbait arduradun eta enpresabururen artean. Trenbide enpresak berak ohartarazi zuen Guardia Zibila, Sagrerako geltokiko lanen kostuek izan zuten garestitzearen aurrean.
Argazkia: EFE
Operazio honetan, 20 atxiloketa baino gehiago egitea aurreikusi dute. Duela bi urte ere, ADIFen kontrako operazioa egin zuten, gainkostuekin lotuta, eta hamar lagun atxilotu zituzten, tartean, zuzendaritzako kideak.
Ikerketa
Bartzelonako epaile baten esku dago Sagrerako lanetan izandako ustezko irregulartasunen inguruko ikerketa, ADIFek Ustelkeriaren kontrako Fiskaltzari igorritako txosten ekonomiko batzuk abiapuntutzat hartuta. Agiri horietan, ADIFek irregulartasun zantzuen berri eman zion fiskalari.
Madrilgo Titan kalean trenbide enpresak duen egoitza eta Batzelonako Sagrera auzokoa ari dira miatzen. Bulego horietan, besteak beste, abiadura handiko trena eraikitzeko lanak kudeatzen dituzte.
ADIFen arduradunek agiriak faltsutzearen truke dirurik jaso zuten ere ari da ikertzen fiskala. Hala, diru publikoa bidegabe erabili zuten argitzeaz gain, eroskeria delitua egon den ere ari dira aztertzen.
Ustezko sarea osatzen zutenen artean, ADIFko arduradun ohi bat dago, 2014ko operazioan ere atxilotutakoa. Izan ere, gaurko operazioa duela bi urtekoaren jarraipena da.
Zure interesekoa izan daiteke
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, Greba Orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.
Donostia Ospitalearen parean manifestazioa egin dute medikuek, estatutu eta gutxieneko soldata propioa eskatzeko
Euskadiko Medikuen Sindikatuak deituta, medikuek bat egin dute M17ko greba orokorreko aldarrikapenekin. Medikuek bigarren greba astea hasi zuten atzo, estatutu propioa eskatzeko.
Eusko Jaurlaritzak istiluak gaitzetsi ditu eta elkarrizketa sozialaren alde egin du gutxieneko soldata propioa lortzeko
Maria Ubarretxena bozeramailea bat etorri da gutxieneko soldata propioa lortzeko aldarrikapenarekin, baina ez konfrontazio bidearekin.
Piketeek kalteak eragin dituzte Bilboko Kale Nagusiko denda batean
Hainbat pertsona pertsiana erdi itxita zegoen denda batera sartu dira, eta desordenak eta kalteak eragin dituzte, irudietan ikusten denez.
Eusko Jaurlaritzak 1.047 milioi euroko industria-ezkutua abiatu du, Ekialde Hurbileko gerraren ondorioei aurre egiteko
Neurri-sortak euskal industrialariaren eskaerei erantzuten die, ziurgabetasun geopolitiko gero eta handiagoko testuinguru batean, eta lau ardatz nagusiren inguruan egituratuko da: enplegua babestea, ETEei finantzaketa-laguntza ematea, ETEak dibertsifikatzea eta autonomia energetikoa.
Martxoaren 17ko greba orokorra, iruditan
Greba orokorra deitu dute gaurko Hegoalden ELA, LAB, Steilas, ESK, Hiru eta Etxalde sindikatuek, LGS propio baten alde, "Gutxieneko soldata hemen erabaki. LGSa 1.500 euro. Soldatak hobetu, aberastasuna banatzeko" lelopean.