Diru-sarrerak Bermatzeko Errenta % 8 igotzeko eskatu dute
Diru-sarrerak Bermatzeko Errenta jasotzen duten ehunka lagunek laguntza hori % 8 igotzeko eskatu dute Eusko Jaurlaritzaren atarian. Hainbat gizarte talderen ordezkarien arabera, igoera hori lanbide arteko gutxieneko soldataren igoeraren parekoa izan behar da.
Ildo horretatik, “Gizarteratzeko eta Diru-sarrerak Bermatzeko Legeak” igoera hori aurreikusten duela azaldu dute gizarte taldeen ordezkariek. Hori dela eta, soldata minimoa handitzekotan Diru-sarrerak Bermatzeko Errenta horren parean igo behar dela esan diote Lanbideri.
Halaber, pertsona askori oraindik ez dietela soldata igo jakinarazi du asteazken honetan Iñaki Carro Argilan-ESK elkarteko abokatuak. Gainera, Bizkaiko SOS Arrazakeriak eta Hipotekak Kaltetutako Plataformak bat egin dute laguntza hori % 8 igotzeko eskatu duten pertsonekin.
Euskal Enplegu Zerbitzuak eskaera horri erantzunik emango ez balio, edo igoera ukatzea erabakiko balu, epaitegietan auzibidea abiatuko dutela jakinarazi du Carrok. Izan ere, guztiz konbentzituta daude epaileek arrazoia emango dietela. Hartara, legearen 20. artikuluari (errentaren zenbatekoari buruzkoa) egin dio erreferentzia.
Horren esanetan, Diru-sarrerak Bermatzeko Errenta finkatzeko ardura Eusko Legebiltzarrak du, ez Eusko Jaurlaritzak edo Espainiako Gobernuak, askok pentsatzen dutenez.
Albiste gehiago ekonomia
CCOOk Unai Sordo berrautatu du idazkari nagusi, botoen % 96,1ekin, bere azken agintaldia izango denerako
Comisiones Obrerasek Unai Sordo aukeratu du berriro datozen lau urteetan sindikatuko buru izateko. Hautaketaren osteko lehen hitzaldian, ustelkeriaren aurka borrokatzeko eskatu du, eta lanaldi-murrizketaren aldeko mobilizazioak iragarri ditu.
Greba mugagabea iragarri dute Iruñeko villavesa autobusetan uztailaren 1etik aurrera
Langileek hilabeteak daramatzate lanuzteak eta protestak egiten, hitzarmena eguneratzea aldarrikatzeko.
Lan mahai bat osatu da Barrualde-Galdakao ESIko larrialdi zerbitzuaren egoera bideratzeko
Inplikatutako alderdi guztiek hartuko dute parte, “diskrezioz” lan eginda. Egoerak eztanda egin du, larrialdi zerbitzuetako langileen zati handi bat bajan dagoen garaian, zuzendari medikoak dimisioa eman duenean.
Eusko Jaurlaritzak hamarren bat apaldu du 2026rako hazkunde aurreikuspena eta % 1,7an kokatu du
Industria izango da ziurgabetasunak eta nazioarteko merkataritzaren moteltzeak gehien eragingo duen sektorea, kanpoko lehiak daukan eraginagatik.
Sindikatuek salatu dute Galdakaoko Ospitaleko zuzendaritza duela bi urtetik zela arazoaren jakitun
Galdakaoko larrialdi-zerbitzuetako langileek duela bi urte salatu zuten lan-karga handiegia zutela, LAB sindikatuko Jessica Gondraren hitzetan. Horren esanetan, zuzendaritzak urte biko epean ez du ezer egin. Sindikatuen ustez, zuzendaritzak egoera baliatu nahi du langileen irudia zikintzeko, Gernika-Lumoko larrialdi-zerbitzua gauez itxita.
Barrualde-Galdakao ESIaren zuzendari medikoak dimititu egin du, larrialdi-zerbitzuko langileen bajak direla eta sortutako krisi betean
Langileen batzordea eta zuzendaritza 13:00etan bilduko dira, Galdakao-Usansolo Ospitaleko Larrialdi Zerbitzuko egoera bideratzeko. Bertan, azken asteetan hainbat baja-mediko eta barne mugimenduak pilatu dira.
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.
ELAk helegitea jarriko die Gasteizko lorezainei ezarritako gutxieneko zerbitzuei
Sindikatu abertzalearen ustez, "justifikaziorik gabekoak" dira eta "grebarako eskubidea urratzen dute". ELAk salatu duenez, "orain funtsezkotzat jotzen da baldintza prekarioak dituen lan bat".