Ekipaje zerbitzuko langileen greba 90 minuturainoko atzerapenak eragiten ari da Bilboko aireportuan astelehen honetan
Maletak eramateaz eta aireportuetako beste zerbitzu batzuez arduratzen den Groundfroce enpresako langileek lanuzteak egingo dituzte astelehen, asteazken eta ostiralean, hitzarmen kolektibo berriaren negoziazioaren barruko desadostasunak direla eta.
Bidaiariak, Loiuko aireportuan.
Egun aztoratua izan zen astelehenekoa Loiuko aireportuan, Loiun eta Aenako beste hamaika aireportutan lan egiten duen Globalia handling enpresako 230 beharginek greba abiatu baitute, hitzarmen kolektibo berriaren negoziazioaren barruko desadostasunak direla eta.
CCOO, UGT eta USO sindikatuek deitu dute greba, eta horrek 14 aire konpainiatan du eragina.
Astelehenean hegaldi bakarra gelditu zen bertan behera, helmuga Madril zuenetako bat, baina atzerapen handiak izaten ziren, 90 minuturainokoak, bai joaneko zein itzulerako bidaietan. Gainera, badira maleta barik lurreratu diren hainbat hegazkin.
Esan bezala, goiza gorabeheratsua izan zen astelehenean Loiuko aireportuan, eta orduek aurrera egin ahala okerrera egin du egoerak. Eguerdi aldean, ilara luzeak zeuden fakturazio guneetan.
Dena den, eragina orduaren eta konpainiaren araberakoa izan da.
Lanuzteak
Tarteka ari dira egiten lan etenak. Lehenengoa 05:00etatik 07:00etara izan da, bigarrena 11:00etatik 17:00etara, eta gauean 22:00etatik 00:00etara egingo dute etena.
Esan bezala, guztira 14 konpainiatan izaten ari da eragina, Air France, KLM, Lufthansa eta Turkish Airlinesen, besteak beste.
Aldiz, Vueling, Volotea eta Iberiako hegaldietan ez dago grebarik, nahiz eta beste konpainien atzerapenek eragina izan duten horietan ere.
Aurreikusi dutenez, astelehen, asteazken eta ostiraletan egingo dituzte, eta, oraingoz, lanuzteek ez dute amaiera datarik.
Beste aireportu batzuetako egoera
Bilboko aireportuan ez ezik, Madrilen, Bartzelonan eta Palman ere izango dute lanuzteek eragina. Gainera, UGTk beste aireportu batzuetan lurreko zerbitzuetan diharduen Menzies enpresan ere deituta du greba, apirilaren 2tik aurrera, Ostegun Santuan hasita. Konpainia antolakuntza kudeatzeko "ezgauza" dela salatzeko mobilizatuko dira langileak.
Askori oporraldiarekin batera iritsiko zaizkie lanuzteak, aireportuak jendez beteta daudenean. Loiun, 1.674 operazio aurreikusten dira egun horietarako. Besteak beste, Casablancarekin (Maroko) eta Vienarekin lehendabiziko aldiz lotuko dute Bilbo. Egun jendetsuena Pazko astelehena izango da, 175 hegaldi izango baitira.
Zure interesekoa izan daiteke
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.