Euskal ekonomiaren "termometroa" hazkunde apaleko eremura jaitsi da, esportazioengatik
Eusko Jaurlaritzak zabaldutako datuen arabera, EAEko ekonomiaren termometroa 99,7an kokatu zen apirilean (150etik). Datu hori 2025eko urritik izandako txarrena da.
Edukiontziak Bilboko portuan, artxiboko irudi batean. Argazkia: Agentziak
Euskal ekonomiaren termometroak behera egin du apirilean, eta hazkunde apaleko eremuraino jaitsi da, Eusko Jaurlaritzak astelehen honetan zabaldutako datuen arabera. Jaitsiera hori, batez ere, esportazioen joeragatik gertatu da.
Zehazki, ekonomiaren termometroa 99,7an (150etik) kokatu da, eta 2025eko urritik izandako daturik txarrena da.
Gauzak horrela, hazkunde biziaren eremutik (100etik 150era) hazkunde apaleraino (50etik 100era) jaitsi da.
Eusko Jaurlaritzako Ekonomia Sailaren arabera, barne eskariari esker eutsi dio jarduerak, nahiz eta intentsitatea galdu duen. Kontsumoaren hazkundea oraindik sendoa da inflazioaren gorakadaren testuinguruan, eta inbertsioen joerak positiboan jarraitzen du.
Sektorez sektoreko datuei erreparatuta, zerbitzuen hazkundea apaldu egin da eta eraikuntzak aldeko bilakaera izan du.
Industriak hobekuntza txikia izan du, aurreko hilabeteekin alderatuta.
Zure interesekoa izan daiteke
Erregaien prezioa ia bi eurora iritsi da litroko, laguntzak amaitzear diren honetan
Aurtengo uztailean iaz baino % 16 hipoteka gutxiago sinatu dira Euskadin
Pello Guibelalde Adegiren presidente ohia hil da, 82 urterekin
Heko, Oarsoaldean eta Baztanen erabili ahal izango den euskal moneta
Madrilgo Udalak ez du onartu Urbagestionek Maricarmen etxera itzultzeko egindako eskaintza
NBEk CAF seinalatu du bigarrenez Israelen okupazio politikei etekina ateratzen dielakoan
EAE eta Nafarroa, erosketa egiteko erkidego garestienen artean
Audik, Seatek eta Volkswagenek ia hiru milioi ibilgailu ikuskatzeko agindua eman dute mundu osoan, akats tekniko batengatik
Metro Bilbaoko 5. lineako Aperribai eta Bengoetxe geltokietako indusketa-lanak amaitu dituzte
