Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Xabier Ortueta eta Jose Perez Berdud, gaur, Donostian. Argazkia: EFE
Urte zaila eta ezegonkorra izan zen 2025a makina erremintaren sektorerako, eta aurtengoa ere bide beretik doa. 2.247 milioi euroko fakturazioarekin itxi zuten iazko lan urtea, aurreko ekitaldian baino % 3,27 gutxiago irabazita, baina inoizko emaitzarik onenak izan zituzten esportazioei dagokienez.
Agertoki hori marraztu dute Jose Perez Berdud eta Xabier Ortueta AFM Klusterraren presidenteak eta zuzendari nagusiak, hurrenez hurren, goizean Donostian egin duten prentsaurrekoan. Emaitzak jakinarazteaz gain, datozen hilabeteotarako aurreikuspenen berri ere eman dute.
Perez Berduden hitzetan, makina erremintaren sektoreak ondo eutsi dio "testuinguru geopolitiko konplexuari". Halere, Irango gerra luzatzen bada, "albo-kalteak nabarituko" dituztela erantsi du, energia krisia "nabarmen areagotuko" baita, eta horrek "negozio unitate guztiei" egingo die kalte.
Klusterraren arabera, gaur egun, "Txinaren etengabeko hazkundeari" eta "prezio ezin lehiakorragoei" aurre egitea da etorkizuneko "erronka handia". Hori dela eta, dumpinga galarazteko neurriak eskatu dizkiete Europako agintariei.
Horrek guztiak fakturazioak behera egitea ekarri du, besteak beste. Iazko ekitaldia 2.274 milioi euroko fakturazioarekin itxi zuten, 2024an baino hiru puntu gutxiago. Nolanahi ere, aitortu dute azpi-sektoreetan egoera "oso ezberdina" izan zela. Hala, inoiz baino hazkunde handiagoa izan zuten tren, aeronautika, defentsa eta energia alorretan jardun zuten ekoizleek, baina hilabete zailak ari dira izaten autogintzarekin lotutako enpresentzat, "Txinaren mehatxua" dela eta.
Esportazioek, aldiz, % 0,82 gora egin zuten: 1.760 milioi euroko salmentak izan ziren atzerrian, Donald Trump AEBko presidentearen muga-zergen eraginik atzeman gabe. Estatu batuek jarraitzen dute kanpoko merkatu nagusia izaten; esportazioen % 13,66 bideratzen dira bertara. Ondoren daude Alemania (% 12,67), Mexiko (% 9,01), Italia (% 8,48), Txina (% 5,53), Frantzia (% 5,49), Portugal (% 3,92) eta Kanada (% 3,86).
Zure interesekoa izan daiteke
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.