Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Merkantzien trafikoa % 25 handitu, 4,2 milioi tonara arte, eta Pasaiako portua "Ardatz Atlantikoko nodo lehiakor gisa kokatu". Hori da Pasaiako Portu Agintaritzak gaur aurkeztu duen 2025-2030 Plan Estrategikoan jasota dagoen helburu nagusia. Hori lotzeko, 2030era arte urtean 10 milioi euroko inbertsioak egitea aurreikusten dute.
Izaskun Goñi eta David Candelario Pasaiako Portu Agintaritzako presidenteak eta zuzendariak, hurrenez hurren, aurkeztu dituzte planaren nondik norakoak, goizean egindako agerraldian. Esan dutenez, "finkatze eta eraldatze" aro bati "hasiera" eman nahi diote. "Funtsezkoa izango da administrazioen babesa, portuko azpiegituretan, trenbide-konexioan eta lurzoruan inbertitzeko", nabarmendu du Goñik.
Egun, 1.330 lanpostu ditu Pasaiako portuak, eta datozen lau urteotan 1.600 izatera iritsi nahi dute, 270 gehiago. Arduradunen arabera, "azpiegiturak modernizatzea", "tren konexioa hobetzea" eta "lurzorua zabaltzea" dira asmoak. Horretarako, "eragile guztien konpromisoa eta lankidetza" beharko direla esan dute. "Lehiakortasunaren, intermodalitatearen edo Ekonomia Urdinaren aldeko apustua izango dira ziklo berriaren erronkak".
Intermodalitateari dagokionez, bereziki, tren konexioak hobetzean jarri dute azpimarra. Besteak beste, Lezoko plataforma logistikaren aldeko apustua jasotzen du planak.
Eskumenari buruzko polemika
Bestalde, EAJren eta PSE-EEren arteko ika-mika iturri den portuaren eskumenaren transferentziaz galdetuta, Goñik adierazi du hori arlo politikoan argitu behar dela.
Joan den asteartean onartu zuen Pasaiako Portuko Agintaritzako Administrazio Kontseiluak plan estrategikoa, eta Lezoko, Errenteriako eta Pasaiako alkateek aurka bozkatu zuten, eskumenaren transferentziari buruzko aipamenik ez duelako jasotzen.
Alkateen iritzian, eskumena Eusko Jaurlaritzaren esku utzi gabe, ez dira iritsiko beharrezkoak diren inbertsioak.
Zure interesekoa izan daiteke
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.
Tubos Reunidoseko langileak greba mugagabearen etorkizuna erabakitzeko batzarra egiten ari dira
Tentsio handia da Amurrioko lantegian, azken mugimendu sindikalen eta hartzekodunen konkurtsoaren osteko eszenatoki-aldaketaren ondoren.
Ekainaren 1era arte irekiko dute Tubos Reunidoseko konkurtso-administratzaile izateko hautagaitzak aurkezteko epea
Gasteizko epaitegi batek Tubos Reunidos taldeko zazpi sozietate hartzekodunen borondatezko konkurtsoan deklaratu zituen joan den asteartean, eta PKF-Attest Concursal izendatu zuen horien konkurtso-administratzaile.
LAB Tubos Reunidosen greba bertan behera uzteko aukeraren alde agertu da, eta ESK-k luzatzearen alde egin du
Bi sindikatuek, ELArekin batera, batzarra deitu dute ostiralerako, lanuztearekin jarraitu ala ez erabakitzeko.
CAFen Beasaingo eta Irungo lantegietan enpresaren azken eskaintza ontzat eman dute
Hiru urteko iraupena izango du akordioak, eta, besteak beste, soldata igoera eta zenbait kolektibotan lan-orduak murriztea adostu dute. Enpresak konpromisoa hartu du gutxienez 190 langile kontratatzeko Beasainen, eta beste 40, Irunen.
Argiaren eta gasaren BEZaren murrizketa bertan behera geratuko da ekainaren 1ean, eta % 21era itzuliko da, prezioek behera egin baitute
Erregaien (gasolinak, gasolioak eta bioerregaiak, eta profesionalentzako gasolio itzulketa partziala) eta hidrokarburoen gaineko zergaren tasa murriztuak ekainaren 30era arte egongo dira indarrean, apirilean produktu horietarako inflazioa Gobernuak ezarritako % 15eko atalasetik gora baitago.
Urtearteko KPIa % 3,2raino apaldu da EAEn eta % 3raino Nafarroan, apirilean
Espainiako Estatuan, urtebeteko inflazioa bi hamarren murriztu da, % 3,2raino.
Hithiumek bertako langileak, hornitzaileak eta zentro teknologikoak erabiltzeko konpromisoa duela nabarmendu du Irujo kontseilariak
Nafarroan bateria lantegia eraikitzeko negoziazioak aurrera doazela azpimarratu du Mikel Irujo Industria kontseilariak, "poliki baina sendo". Nafarroako Gobernuak bezala, Hithiumek ere enpresa bertako ekosisteman txertatzeko helburua eta konpromisoa dutela azaldu du.
Santurtziko udaltzainek "zorroztasun greba" egingo dute, lan-baldintzak hobetzea eskatzeko
Langileek salatu dute antolakuntzan "ez-betetzeak" izan direla, baita gainerako udal langileekin alderatuta gutxiago irabazten dutela, eta ekitaldi jendetsuetan langileak falta direla. ErNEren arabera, agenteak araudi guztia zorrotz aplikatzen hasi dira, eta errefortzuak eta aparteko orduak egiteari utzi diote.