Astigarraga eta Irun arteko erraila 2019ko udan amaituta egon daiteke
Iñigo De la Serna Espainiako Sustapen ministroak Euskal Y Hendaiaraino iristea ahalbidetuko dituen lanak iragarri ditu, Astigarraga eta Irun (Gipuzkoa) arteko errailaren eraikuntzarekin. Hala, Madril-Hendaia linea osatuko duen tramoa 2019ko udan amaituta egon daitekeela azaldu du. Espainiako Exekutiboak 165 milioi euro erabiliko ditu proiektu honetan.
De la Serna Donostian izan da larunbat honetan Abiadura Handiko Trena Gipuzkoako hiriburura iristeko hirugarren erraila eraikitzeko lanak aztertzeko. Astigarraga eta Irun artean egingo dute tartea. Hala, abiadura handiko trena Parisera iristea ahalbidetuko dute.
Ministroaren aurka oihu eta txistu egin dute dozenaka zamaketarik. Hainbat agintarik hartu dute parte ekitaldian: Arantxa Tapia Eusko Jaurlaritzako Ekonomiaren eta Garapenerako eta Azpiegituretarako sailburua, Eneko Goia Donostiako alkatea, Jose Antonio Santano Irungo alkatea, Zorione Etxezarraga Astigarragako alkatea, Javier de Andres Espainiako Gobernuak Euskadin duen ordezkaria, Jose Luis Herrador Gipuzkoako ordezkariordea eta Borja Semper PPko legebiltzarkidea, besteak beste.
Arantxa Tapia: "Gaur Europara begira jarri gara"
Arantxa Tapia pozik agertu da gaur goizeko agerraldian: "Norbaitek Europara begira ez genuela egon behar erabaki zuelako hainbeste urte isolatuta egon ostean, azkenean bat egingo dugu Europarekin, abiadura handiko trenbideari esker". Zentzu horretan, azpiegitura hau Atlantikoko ardatzean merkantziak salerosteko "bereziki interesgarria" dela nabarmendu du. Izan ere, "lehiakortasuna hobetzeak ingurugiroan ere onurak ekarriko ditu".
Aldi berean, Eusko Jaurlaritza Bergarako korapiloaren eta Euskal Yk hiriburuetan izango dituen sarbideen arazoak konpontzeko irtenbide tekniko baten bila lanean ari dela azaldu du Tapiak.
AHTaren lanak "abiadura azkarrean joatea" espero du sailburuak, "azpiegitura hori ahalik eta azkarren errealitate izan dadin".
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.