2.000 iragarkitik gora lehiatuko dira aurtengo El Sol jaialdian
Espainiako Estatuan, Portugalen, Latinoamerikan eta AEBn egindako 2.000 iragarki eta publizitate kanpaina baino gehiago lehiatuko dira El Sol jaialdiaren 32. edizioan.
Espainieraz edo portugesez lan egiten duten 193 agentziak 2016an kaleratutako 2.034 iragarki edo kanpaina izango dira, hain zuzen ere, Bilboko ekitaldian aurkeztuko dituzten lanak.
Gaur prentsaurrekoa eman dute Bizkaiko hiriburuan Xabier Olazabal, Vicente Hernandez, Cristina Barturen eta Javier Suso jaialdiaren zuzendariek, Ainhoa Basurko Bizkaiko Aldundiko eta Nora Sarasola Bilboko Udaleko ordezkariekin batera.
Beste behin ere, Espainiako Estatua izango da iragarki eta publizitate kanpaina gehien aurkeztuko dituena, 1.305ekin, aurreko urtean baino % 6 gehiago, Xabier Olazabalek azaldu duenez.
Bigarren postuan espainieraz lan egiten duten AEBko agentziak daude, Argentinaren gainetik, aurreko urteetan bigarren postua izan duen herrialdearen aurretik, bertan krisi ekonomiko handia bizi baitute.
Bestalde, agentzia portugaldarrek eta latinoamerikarrek 729 pieza aurkeztuko dituzte, eta Kolonbiako eta Ekuadorreko lan kopuruaren gorakada handia azpimarratu dute.
Antolatzaileek jakinarazi dute dagoeneko 1.600 pertsona baino gehiagok eman dutela ekitaldian parte hartzeko izena, baina ziurrenik 1.700-1.800era iritsiko omen dira.
Aurten lehenengoz, lehiaketarekin batera Publizitate Komunikazioaren Kongresua egingo dute, eta marketin alorreko nazioarteko adituek hitzaldiak emango dituzte.
Hala, Arnaldo Muñoz Airbnbren Espainia eta Portugaleko zuzendari nagusia eta Britainia Handiko Alderdi Kontserbadoreko kanpaina arduradunak parte hartuko dute, besteak beste.
Beste berrikuntzetako bat "Eguzkia atera arte" festa izango da, ekainaren 2an Euskalduna Jauregian egingo dute. Bertan izango dira Juan Zelada eta Carlos Jean DJ, eta ezusteko musikal bat egongo da.
bat egongo da.Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.