Apartamentu turistikoen ordenantza berria abuztuaren 29rako egongo da prest
Donostian "orain gertatzen diren gaitz guztiak turismoari" leporatzen zaizkiola kritikatu du ostiral honetan Eneko Goia Donostiako alkateak, eta azken egunotan indarra hartzen ari diren turismo ereduari buruzko eztabaidetan "zorroztasuna" eskatu du, bere aburuz, "ideologia kutsu handiaz" eginak baitaude. Ildo horretatik, turismoak Gipuzkoako hiriburuan duen "arrakasta" nabarmendu du Goiak.
Bestalde, Ernai ezker abertzaleko gazte erakundeak beste turismo eredu baten alde abuztuaren 17rako deitutako manifestazioaren inguruan, zabaldu nahi duten "mezuarekin" ez datorrela bat esan du Donostiako alkateak. Dena dela, manifestazioa "errespetuz" egiten bada, "herritarrek protesta egiteko duten eskubidea errespetatu" beharra dagoela esan du Goiak. Zehazki, apartamentu turistikoak mugatzea eskatzen du Ernaik, gaur egungo ereduak "prekarietatea" handitzen baitu gazteen artean.
Alabaina, protesta hori "testuingurutik kanpo" atera dela kritikatu du Donostiako alkateak, zenbaitek beste ekintza batzuekin "lotu" dutelako (Katalunian eta Balearretan jazotako gertaeren berri emateko orduan erabilitako ikuspuntuari aipamen eginez).
Goiaren iritziz, Ernaik luzatutako deialdiak "indar gehiago hartu du" azken astean, baina manifestazioa ekainaren 22an deitu zutela gogorarazi du, Donostiako Boleuvardeko turismo informazio bulegoaren aurrean egindako ekitaldi batean.
Beste alde batetik, Donostiako kaleetan gaur egungo turismo ereduaren kontra agertutako pintaketa eta kartelen inguruan ziurtatu du udal langileek "primeran" egiten dutela haien lana, eta uda osoan zehar "gisa horretako mezuak" ezabatu dituztela azaldu du. Ildo horretatik, joan den astean Parte Zaharrean agertutako pintaketa bati aipamen egin dio. Bertan, "Tourist go home" (Turistak, joan etxera) irakur zitekeen, eta udal zerbitzuko langileek abisua jaso zutenean "berehala ezabatu" zutela esan du.
Etxebizitza turistikoen kontrako kartela, Donostian. Argazkia: EFE
Turismora bideratutako etxeei dagokienez, Odon Elorzak Udal Gobernuaren "moteltasuna" salatu zuen atzo, baina Udala "urtebete inguru lanean daramala" nabarmendu du Goiak.
Ildo horretatik, turismoaren inguruan egindako txosten bat aipatu du. Donostiako alkatearen arabera, auzotarrek etxeak alokatzeko orduan apartamentu turistikoek nolako eragina duten aztertzen da "talde politiko guztiek" duten txosten horretan. Gauzak horrela, apartamentu turistikoak mugatzeko plana abuztuaren azken astean aurkeztuko duela jakinarazi du Goiak. Ordenantza berri horren bidez, turismora bideratutako etxeak "erregulatzen, orekatzen eta arautzen" ahaleginduko direla esan du.
Donostiako alkateak azaldu duenez, etxebizitza turistikoak erregulatzeko ordenantza hori "ia amaituta dago" jada, eta Donostiako Udalbatzak abuztuaren 29an onartuko du. Hala, ekainean aurkeztutako ‘turismoa zuzentzeko planari’ aipamen egin dio, bertan helburu nagusiak jaso zituztela esanez.
Ernesto Gasco Donostiako Turismo zinegotziak joan den ekainaren 12an iragarri zuen Udalak gaur egun indarrean dagoen ordenantza aldatuko zuela. Abuztuaren 29an onartuko duten arren, bederatzi hilabete gehiago beharko dituzte tramitatzeko, eta, ondorioz, 2018ko udan sartuko da indarrean. Hala, etxebizitza atari bakoitzean apartamentu bat edo bi baimenduko dira bakarrik.
Donostiako alkateak ostiral honetan berretsi duenez, etxebizitza turistikoen hazkundea "oreka erabiliz" arautuko du. Horretarako, hiria hiru gunetan bereziko du, eta bakoitzean neurri ezberdinak ezarriko ditu: Parte Zaharrari dagokionez, "saturatuta dagoen gunea" izango da, eta beste bi gunetan (Donostia erdigunean, Gros auzoan eta Frantzia pasealekuan batetik, eta gainontzekoetan bestetik), berriz, "neurri murriztaileak" hartuko dituzte.
uko dituzte.Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.