Nafarroak 3.883 milioi euroko aurrekontu aurreproiektua onartu du 2018rako
Nafarroako Gobernuak 3.883 milioi euroko aurrekontu aurreproiektua onartu du 2018rako, iazkoa baino % 4 handiagoa da (152 milioi euro gehiago) eta erdia baino gehiago gizarte politikara bideratuta egongo da.
Mikel Aranburu Ogasun kontseilariak prentsaurrekoan adierazi duenez, Foru Gobernuak urtea amaitu aurretik Aurrekontuak onartzea aurreikusten du, nahiz eta atzerapen pixka batekin joan.
Aurrekontuak Foru Gobernua sostengatze duten lau alderdien artean negoziatu badituzte ere, Ogasun kontseilariak ez du baztertzen Nafarroako Parlamentuan egingo den tramitazioan lau alderdi horietakoren batek zuzenketak aurkeztea.
Kontseilariaren esanetan, aurrekontu hauek "aurreko urtean izandako aurrekontuaren igoera handiaren finkatzea ekartzen dute, eta pisu nabaria ekartzen dute gizarte-arloetan nahiz ekonomiaren sustapenean".
Horrela, 3.883 milioi euroko gastu ez-finantzarioa aurreikusten du Foru Gobernuak, 2017an baino 152 milioi euro gehiago. Gizarte-arloak dira aurrekontuan pisurik handiena dutenak, eta gastu ez-finantzario osoaren % 55,4 hartzen dute.
Argazkia: Nafarroako Gobernua.
Sailez sail, Garapen Ekonomikoko aurrekontua % 9,5 handitu da aurreko urteko aurrekontuaren aldean, eta bere gastu-muga 243 milioira igo da. Halaber, Abiadura Handiko Trenara "diru-partida tekniko bat" bideratu du Foru Gobernuak, "esku hartzearen eskakizunengatik".
Eskubide Sozialen aurrekontuak gora egin du, % 4,89, 2017. urtearen aldean (% 19 2016. urtearen aldean). Horri esker, gizarte-eragile berriekin akordio berria abian jarriko da, enpleguko politika aktiboen arloan, etorkizuneko Enplegu Planaren barruan, 188 milioiko inbertsioarekin hurrengo urteetan (46,5 milioi 2018rako), langileen prestakuntzari laguntzeko, enpresa eta autonomiei laguntzeko eta zailtasunak dituzten taldeak laneratzeko, hala nola iraupen luzeko langabeak, desgaitasuna duten pertsonak, emakumeak eta gazteak.
Aurrekontu proiektuaren zatirik handiena Osasunak hartzen du, 1.059 milioi euro (% 4,6 gehiago). Diru horretatik 154 milioi Lehen mailako arretaren zerbitzua hobetzeko eta estrategia berri bat ezartzeko erabiliko dira. Halaber, itxaron zerrendak murrizteko 1,5 milioiko aurrekontua egingo du langileen arloan. Horrez gain, 2 milioi euro erabiliko dira kopagorako.
Hezkuntzaren aurrekontua % 1,29 handitu da, 651 milioi eurora heldu arte. Honek % 8,41eko igoera ekarri du 2016ko aurrekontuen aldean.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.