Eusko Jaurlaritzak lehen etxebizitzen prezioaren % 20 ordaintzeko abalak emango dizkie 40 urtez beherakoei
144 milioi euroko abal lerro bat onartu du, eta helburua 2029ra arte 3.000 etxebizitza mobilizatzea da. Abala jaso ahal izateko etxebizitzaren gehieneko prezioa 340.000 eurokoa izan beharko da.
Eusko Jaurlaritzak 144 milioi euroko abal lerro bat onartu du 18 eta 39 bitartekoei lehen etxebizitza erosten laguntzeko. Zehazki, finantza erakundeek edo bankuek normalean ordaintzen ez duten etxebizitzaren kostuaren % 20 hori finantzatuko du.
Gaur onartutako abal lerro horren helburua da 2029ra arte 3.000 etxebizitza mobilizatzea. Eskaerak udazkenetik aurrera egin ahalko dira, Eusko Jaurlaritza oraindik negoziatzen ari baita abal lerroarekin bat egingo duten finantza erakundeekin.
Baldintzak
Laguntza jaso ahal izateko, eskatzaileek hainbat baldintza bete beharko dituzte. 18 eta 39 urte bitartekoek jaso ahal izango dituzte abalak, baldin eta gutxienez azken bost urteetatik bitan Euskadin bizi izan badira eta, eskatzailea lagun bat bada, ezin dute urtean 50.400 euroko diru-sarrerak gainditu, eta bi lagun izanez gero, 86.400.
Ezin izango dute programarekin bat egin aurretik beste etxebizitza baten jabe direnek, salbuespenak salbuespen. Esaterako, salbuetsita egongo dira herentzia bidez etxebizitza baten zati baten jabe direnak, etxebizitza horretan bizi ezin duten banandu edo dibortziatuak edo sasi-etxebizitza baten jabeak.
Halaber, nahitaezkoa izango da eskatzaileen ohiko etxebizitza izatea, gutxienez abala indarrean dagoen bitartean; edo beste era batera esanda, ezingo da alokatu, eta mailegua ezin izango da lokalak erosteko erabili.
Abalaren estaldura
Abalak tasazioaren eta salerosketaren arteko gutxieneko balioaren % 80tik % 100era arte ordaintzera balioko du. Finantza-erakundeek edo bankuek emandako hipotekek normalean estaltzen ez duten % 20ko zatia, alegia. Euskadin kokatutako etxebizitzak (berriak edo bigarren eskukoak) gehienez 340.000 euroko prezioa izan beharko du, halabeharrez.
Gehieneko prezio hori ezartzeko orduan, Eusko Jaurlaritza Euskadiko Higiezinen Erregistro Estatistikako 2024ko datuak erabili ditu, etxebizitzen kopuruari eta batez besteko prezioari buruzko informazioan oinarrituta.
Nerea Melgosa Ongizate, Gazteria eta Erronka Demografikoko sailburuak azaldu duenez, 39 urtera arteko pertsonak dira lehen etxebizitza erosteko zailtasun handienak dituztenak.
Helburua "abalen horma eraistea da", azpimarratu du. Denis Itxaso Etxebizitza sailburuak abalen linea hori justifikatu du, etxebizitza bat erostea eta alokatzea "konplexua" delako.
Adibidea
Anek (27 urte) eta Mikelek (28 urte) lau urte daramatzate alokairuan, euren diru-sarrerak ez dira (urtean) 86.400 eurotik gorakoak, eta uste dute une egokia dela lehen etxebizitza erosteko (200.000 euro). Bankuak eskaintzen dien hipotekak etxebizitzaren prezioaren % 80raino estaltzen du, baina Aneren eta Mikelen aurrezkiak ez dira gainerako % 20aren ordainketari aurre egiteko beste.
Mikel eta Ane abalen programari atxikitako finantza-erakunde edo banku batera joaten dira, eta haien kasua azaltzen dute. Hipotekaren % 100 behar dute, baina bankuak % 80 baino ez dio ematen. Eusko Jaurlaritzaren abala eskatzeko baldintzak betetzen dituzte, eta bankuari hipotekaren % 100 nahi dutela esaten diote. Gobernuaren % 20ko abala nahi dute etxebizitza erosi ahal izateko, beraz, bankuak eragiketa aztertzen du, eta positiboa bada, hipotekaren % 100 ematen die.
Jaurlaritzaren abalak Ane eta Mikel hipotekaren % 80ko ordainketa egin arte babestuko ditu, hortik aurrera abala desagertu egingo da eta hipotekaren kuotak ordaintzen jarraituko dute hura ordaintzen amaitu arte.
Zure interesekoa izan daiteke
UAGAk Barredo sailburuaren dimisioa eskatu du bazkaren aferaz egindako adierazpenengatik
Nekazarien elkarteak Jaurlaritzaren "immobilismoa" salatu du, eta "sektoretik urrundu izana". Bestalde, ENHE sindikatuak lehorte egoera izendatzea eta "ezohiko laguntzak" eskatu ditu jasandako kaltea konpentsatzeko.
Euriborra % 3tik gora dago 2024ko irailetik lehen aldiz, eta hipotekadunen gaineko presioa handitu du
Adierazleak 2026an izan duen goranzko joera sendotu du, baina adituek gogorarazi dute eguneko datua dela, ez hileko batez bestekoa, hau da, hipoteka gehienak berrikusteko benetan erabiltzen den indizea.
Zubietako erraustegiko langileek salatu dutenez, enpresak "negozioa segurtasunaren aurretik jartzen du"
Abuztuaren 19an sute bat izan zen Ekobalen, eta bederatzi langile intoxikatu ziren beharrezko babes ekipamendurik gabe aritu zirelako sua itzaltzeko lanetan.
Grebarako aukera aztertzen ari dira garraiolariak, gasolioaren prezioaren ondorioz
Hileko gastua 2.000 euro inguru igo zaie otsailetik hona, eta garraiolari batzuek momentuz kamioiak aparkatzea erabaki dute. HIRU sindikatuko kamioilariek, berriz, lanuzteak egiteko aukera eztabaidatuko dute asanbladan, eta erabaki bateratua hartuko dute bertan.
Apartamentu turistikoetako gaualdiak % 23,3 igo dira uztailean EAEn, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete bereko datuekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasieran" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean Barredok esan duenez, Bazka Mahaia oraindik deituta ez badago ere, ez da atzerapenak egongo: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.