10.000 bat familiak kenkari handiagoak, seme-alaba bakoitzagatik Nafarroan
Lauko Gobernuak negoziatutako lege-proiektua onartu du gaur Nafarroako Exekutiboak, “zuzentasun eta mailakako” zerga sisteman “aurrera egiteko”. Oinordetza zuzenen % 91an eta seme-alaba bakoitzeko kenkarietan hobekuntzak jasotzen ditu erreformak.
Aldaketekin Nafarroako Ogasunak 28 milioi euro bilduko ditu datozen bi urteetan, 9 milioi 2018an eta 19 gehiago 2019an, Mikel Aranburu Ogasun kontseilariak prentsaurrekoan azaldu duenez.
Aldaketak PFEZ, Ondare, Oinordetza eta Dohaintza eta bazkun-zergan izango dira. Era berean, iruzurraren aurkako borrokan zenbait aldaketa egingo dituzte.
PFEZren kasuan, zerga-ordainketak puntu bat gora egingo du tarte guztietan eta hiru urtetik beherako haur bakoitzagatik 100 euroko kenkaria ezarriko diete 30.000 euroak (60.000 aitorpen bateratuan) gainditzen ez dituzten errentei. Neurriak 10.000 familiari mesede egingo diela uste du Aranburuk.
Oinordetza zerga
Aldaketa nagusietako batek oinordetza zergari eragiten diola azpimarratu du Aranburuk. Hildako pertsonaren ondorengo edo arbaso zuzenek ordaindu behar duten % 0,8ko tasa kenduko dute aurreneko 250.000 eurotan. Horrela, % 91k ez dute ordaindu behar izango.
Zerga aldaketak 416.000 euroak gainditzen ez dituzten herentzia guztiei eragingo die, Nafarroako Gobernuaren arabera; izan ere, zenbateko horretatik gora mailakatzea aplikatuko da, % 2tik 250.000 eta 500.000 euroren artean, eta % 16ra arte 3 milioiak gainditzen dituztenei.
Iruzur fiskala
Bestalde, iruzurraren aurkako neurriak goraipatu ditu Mikel Aranburuk. Zigor larriek zenbatekoaren % 75 izatetik 90era pasako dira; 120.000 eurotik gora zor dituztenak zordunen zerrendan agertuko dira (orain arte 250.000 euro zen muga) eta “lehenbailehen ordaintzen” diren zigor larrietan % 20ko murrizketa bat aplikatuko da, eta % 30ekoa sinpleetan.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.