Zumarragako adin txikikoen zentroko zaindariek lan baldintza hobeak eskatu dituzte
Zumarragako Ibaiondo adin txikikoen zentroko zaindariek Eusko Jaurlaritzako Justizia Saila egin dute egunero jasaten duten "gehiegizko lan karga arriskutsuaren" ondorioz pairatzen duten prekarietatearen erantzule. Kolektiboak oharra kaleratu du, eta lan baldintzak "berehala" hobetzea eskatu die Eusko Jaurlaritzari nahiz Delta segurtasun enpresari. Aipaturiko zaindariak Delta enpresako langileak dira.
Horien esanetan, beraiei ez dagozkien "hainbat lan" egiten dituzte, esleipena arautzen duen legetik kanpo. Gaineratu dutenez, 2017ko abenduaren 1ean zerbitzuaren kargu egin zen konpainiak hainbat soldata zor dizkie eta beste hainbat arau-urratze ere egin ei ditu.
Ildo horretan, Eusko Jaurlaritzako Justizia Sailari eta Delta enpresari eskatuko diote soldata diferentzia hori ordaintzea: Jaurlaritzari, erantzule zibil subsidiario gisa eta Delta enpresari, ostera, esleipenaren plikan izandako irregulartasunengatik. Langileen esanetan, enpresak ez zituen soldaten, seguruen eta zergen ordainketa bermatzeko baldintzak bete.
Halaber, Ibaiondoko hezkuntza arduradunaren jarrera kritikatu dute adin txikikoen zentroan egiten diren "irregulartasunengatik". Ez hori bakarrik, egungo araudia "sistematikoki" urratzen dela salatu dute, "segurtasun eza eta lesioak jasateko arriskua areagotuz".
Bestalde, beraien lan egoera "eutsiezinari" irtenbidea aurkitzeko neurriak eskatu dituzte, hala nola, beraien ez dagozkien eginbeharrak kentzea, arrisku plusa aitortzea, formazio gehiago izatea, kontrol postuan hobekuntza teknikoak egitea eta justiziako araudia zein Ibaiondoko segurtasun protokoloa betetzea.
Albiste gehiago ekonomia
Akordiorik gabe amaitu da sindikatuen eta Mercedes Vitoriaren arteko kontziliazioa, lanaldiko bederatzigarren orduagatik
UGT sindikatuak aurrera jarraituko du prozesu judizialarekin, eta langileei lan egindako aparteko orduak berreskuratzeko eskubidea aitortzeko eskatu du.
Alokairuen prezioak mugatzeko Gipuzkoako erreferentzia indizea jaso du Etxebizitza Ministerioak
Gipuzkoan, Errenteria, Lasarte-Oria, Zumaia eta Irun daude tentsionatutako eremu gisa aitortuta daude dagoeneko, eta Donostia uztailean gehituko zaio zerrenda horri.
Sindikatuek elkarretaratzea egin dute Eskoriatzan azken lan-istripu hilgarriak salatzeko
LAB, ESK, Steilas, EHNE-Etxalde eta HIRU sindikatuek ahotsa altxatu dute ostiral honetan Eskoriatzan, basogintza sektoreko lan prekaritatearen aurka.
LEAk udazkenean ekingo dio berriro produkzioari Gamarran, aldi baterako poligono batean
Ekoizpena udazkenean hasteak "ondorio positibo argia izango du plantillarentzat", LEAk jakinarazi duenez. Aste honetan, enpresak batzordeari jakinarazi dio aldi baterako lan-erregulazioko espediente bat planteatzeko asmoa duela "ezinbesteko arrazoiengatik". Gaur egun plantilla osatzen duten 120 langileetatik 100 ingururi eragingo lieke.
Irteera-operazioa abian da, 2024an baino erregai-prezio baxuagoekin
95 oktanoko gasolina litroa 1,55 euro inguruan dago, eta diesel litroa, berriz, 1,45 euro inguruan.
Albiste izango da: Osasun Itunaren bilera, Mutrikuko istripua eta irteera operazioa
Gaurkoan albiste izango direnen laburpena, bi hitzetan.
664 pertsona edo enpresak 322,4 milioi euroko zorra dute Nafarroako Ogasunarekin
Zerrendan aurreko urtean baino 11 zordun gehiago agertzen dira. Zor den kantitatea ere hazi egin da eta 2,8 milioi euro gehiagokoa da. Zordun gehienak pertsona juridikoak dira eta ia denek Nafarroan dute egoitza.
LABek ez du osasun ituna babestuko, osasungintza pribatuko kontratuei eutsiko zaielako
LAB sindikatuak iragarri du ez duela osasun ituna babestuko, ezta biharko bilerara joango ere, "sektore pribatuarekiko menpekotasunak" bere horretan jarraituko baitu .
Zaborren tasa berria onartuta eta gainerako zergak izoztuta, Bilbon
Udalak ordenantza berria onartu du oposizioaren ezezkoarekin, neurriak herritarren poltsikoetan izango duen eragina kritikatzen baitute. Tasak gaur egungo zaborren tasa ordezkatuko du eta zerbitzuaren benetako kostuaren araberakoa izango da.
Gatikako azpiestazio elektrikoa 2028an egongo da martxan, eta Europarekin konexio energetikoa indartuko du
Gatikatik abiatu eta lurpeko eta itsaspeko trazadura bidez egingo da. Elektrizitatea trukatzeko ahalmena 5.000 megawattekoa izatea ahalbidetuko du; gaur egungoa bikoiztuko du, alegia. 2.850 milioi inbertitu dira proiektuan, eta Europar Batasunak Interes Komuneko Proiektu izendatu du, Europarekin dagoen lotura "ahula" indartzea baitu helburu.