Otxarkoagako hilketarekin lotutako azken atxilotua Zumarragako zentrora eraman dute
Bilboko Otxarkoaga auzoan izandako hilketarekin lotuta atxilotu zuten 16 urteko hirugarren adingabea Zumarragako zentrora bidali dute gaur, ETBk jakin ahal izan duenez.
Hiru atxilotuetako bi adin txikikoentzako Zumarragako zentroan zeuden jadanik, eta hirugarrenak Deustuko ertzain-etxean igaro du gaua, Fiskaltzak atzo haren atxiloaldia luzatu ostean.
Hirugarren atxilotuak bere burua entregatu zuen Zabalburuko polizia-etxean. Antza denez, atxilotua biktimen etxebizitzatik gertu bizi zen eta ez du aurrekaririk.
Bigarren deklarazioa
Bizkaiko Adingabeen Fiskaltzak deklarazioa hartu die berriro Otxarkoagako (Bilbo) adineko senar-emazte batzuen krimenaren harira atxilotutako hiru adin txikikoetako biri, ikerketaren iturriek jakinarazi dutenez.
Lehena Ministerio Publikoaren esku jarri dute gaur goizean, Zumarragatik Bilbora eraman ondoren.
Hirugarren atxilotua, ostera, 11:20 aldera eraman dute Deustuko ertzain-etxetik Fiskaltzaren aurrera deklaratzen jarraitzeko. Ikerketa horren iturrien esanetan, hirugarren atxilotu horrek ez zuen zuzenean parte hartu hilketan, eta ez zen senar-emazteen etxebizitzan sartu, baina, ustez, egileen kolaboratzailea izan zen.
Igandean atxilotu zituzten 14 urteko mutilak Zumarragako (Gipuzkoa) zentrora eraman zituzten astelehenean, Adingabeen Fiskaltzaren aurrean deklaratu ostean. Gaur bi mutiko horietako batek Fiskaltzaren aurrean deklaratu du berriro.
Zizeruena kaleko krimena
Ostegunean topatu zituzten 87 urteko senar-emazteen hilotzak, 15:00ak aldera, Otxarkoagako euren etxean, Zizeruena kalean. Buruan eta aurpegian hainbat kolpe zituzten.
Etxea nahasita omen zegoen. Hori dela eta, hipotesi nagusia da indarkeriaz egindako lapurreta batean hil zituztela biak.
Ertzaintzak bere gain hartu zuen gertatutakoa argitzeko ardura, eta, ikerketa horren ondorioz, hiru adin txikiko atxilotu dituzte.
Zure interesekoa izan daiteke
Martxoaren 3ko biktimak gogoan, zapi beltzak jantzi dituzte blusek eta neskek
Jaiak eta memoria ekimenaren barruan, Martxoaren 3ko sarraskian hildako bost langileak eta ehunka zaurituak gogoratu dituzte gaur Gasteizko Andre Maria Zuriaren festetan. Jendetza batu da Katedral Berriaren atarian egin duten oroimen ekitaldian. Imanol Pradales lehendakaria ere bertan egon da.
Abuztuaren 12an eguzki eklipseaz segurtasunez gozatzeko aholkuak
Ahal den guztietan bidaia luzeak saihestea da gomendio nagusia. Eklipsea bizilekutik edo ikuspen-baldintza onak dituen gertuko udalerri batetik ikus badaiteke, hobe da horren alde egitea, gehiegizko joan-etorriak murrizteko.
Itsuek eklipsea "entzun" ahal izango dute, ONCEk jarriko dituen gailue batzuei esker
LightSound dispositiboa soinu bihurtzen du argiaren intentsitatea, eta abuztuaren 12ko fenomeno astronomikoa behatzeko gune batzuetan egongo da eskuragarri.
Gizon batek bikotekide ohia, 44 urteko emakume bat, hil du Murtziako merkataritza-gune batean
Halaber, 45 urteko emakume bat hiltzeagatik Benahavisen (Malaga) atxilotutako gizonak aitortu du hiltzailea dela, ihesaldian idatzi eta lagun baten etxeko atarian utzi zuen ohar batean. Horrek idatzia aurkitu eta Guardia Zibilari eman dio.
Gaztelugatxerako sarbideak itxita egongo dira eklipsearen egunean, arratsaldetik aurrera
Natur gunearen inguruan jendetza biltzea espero da, fenomeno astronomikoa ikusteko. Hori dela eta, segurtasun operatibo berezia aktibatuko dute Bizkaiko Aldundiak eta Bakioko eta Bermeoko udalek.
Onintza Enbeita eta Ainhoa Urrejola, Aste Nagusiari hasiera emateko prest
Enbeitak pregoia idatzita dauka. Bertsoak egongo direla aurreratu du, baina dena ez dela bertsotan izango. Pregoilariak errespetuan eta bizikidetzan oinarritutako jaien alde egin du, albiste txarrik gabe.
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.
Perez-Iglesias: "Eklipsea ikusiko den lekuetan milioi bat bisitari izango dira"
Eklipsea etxetik gertu eta urrun joan gabe ikusteko gomendioa egin du sailburuak. Milaka betaurreko banatu dituzte iada mugarritzat jo duen fenomenoa ikusteko. Pozik agertu da eklipseak zientzia plazara eramateko balio izan duelako.