Segurtasun Sailaren eta Ertzaintzako sindikatuen arteko tentsioa ez da baretu
Eusko Jaurlaritzaren Segurtasun Sailak eta Ertzaintzako sindikatuek aldebiko bilerak egin dituzte astearte honetan, baina tentsioa ez da baretu; izan ere, batak Brigada Mugikorrari buruz soilik hitz egin nahi du eta besteek antolakuntza eta polizia-eredua ere negoziatu nahi dituzte. Datorren astelehenean berriro batzartuko dira.
Joan den martxoaren 7an, Ertzaintzaren Kontseiluan, jaso zuten sindikatuek Brigada Mugikorra modernizatzeko Segurtasun Sailak egindako proposamena. Azken egunotan dokumentua zorrotz aztertu ostean, sindikatuek euren ekarpenak eman dizkiote Segurtasun Sailari.
Bilera-sorta amaituta, Segurtasun Sailak ohar bidez azaldu duenez, Brigada Mugikorrean dauden bi sekzioak batzea eta Laguntza eta Zaintza eta Erreskate taldeek duten lanaldia ezartzea proposatu die sindikatuei: zazpi egunez jarraian lan egitea, bederatzi ordu eta erdiko lanaldiekin eta ondoren astebetez atseden hartuta.
Horrenbestez, egun unitate horretan egiten dituzten 24 orduko lanaldiak (16 orduz lanean eta 8 ordu lotan) desagertuko lirateke.
Segurtasun Sailaren iritzian, "eredu horrek familia-kontziliazio hobea ahalbidetzen du, baita programak eta entrenamendu metodoak batzea eta urteko planifikazioak egitea ere".
Brigada Mugikorrean belaunaldien arteko aldaketa bermatzeko proposamenak ere aztertu dituzte, besteak beste, unitate horrek eskatzen dituen baldintza fisikoak betetzen ez dituzten ertzainak bertan egon behar izatea ekiditeko.
Sindikatuak haserrere
Aldebiko bilerak amaituta, Roberto Seijo ErNE sindikatuko idazkari nagusiak esan du batzarra "porrota" izan dela eta Segurtasun Sailak beren proposamenak aztertu ere egin ez dituela salatu du. "Egutegi esklaboak mantendu eta inposatu nahi dizkigute", kritikatu du.
"Ertzaintzan sufritzen dugun antolakuntza kaosari buruz ez dute eztabaidatu nahi, ezta adineko ertzainentzako bigarren jarduera erregulatzeaz ere", erantsi du.
Eneko Urkijo ESAN sindikatu idazkari nagusiaren hitzetan, Segurtasun Sailarekin egin duten bilera "tentsio handikoa eta zorrotza" izan da.
Estefania Beltran de Herediak zuzentzen duen Sailak jarrera irekiagoa izango zuela espero zuten. Batzarretik "zapore gazi-gozoarekin" atera direla esan du, baina, hala ere, negoziatzeko jarraitzeko borondatea agertu du, "elkarrizketa apurtuta lan-baldintzak oraindik okerragoak izango liratekeelako".
Urkijok bere sindikatuaren proposamena helarazi dio Segurtasun Sailari eta bi aldeak martxoaren 19an elkartuko dira berriro.
ELA sindikatua ere ez da gustura atera bileratik. Segurtasun Sailak "Brigada Mugikorrari buruz soilik" hitz egin nahi duela eta Ertzaintzan dituzten "arazo estrukturalak" aztertzeari uko egiten diola salatu du.
Gainera, "Brigada Mugikorrari buruz egin duen proposamena onartezina da", adierazi diote Europa Press agentziari.
Segurtasun Sailak Ertzaintzaren unitate horretan 24 orduko lanaldia kendu nahi ditu, "baina bederatzi ordu eta erdiko lanaldiak ez datoz bat Brigada Mugikorraren eginkizunekin", ohartarazi du ELAk.
Athleticek eta Marseillako Olympiquek ostegun honetan jokatuko duten partidaren harira prestatu duten dispositiboaz galdetuta, Segurtasun Saileko ordezkariek sindikatuei esan diete "ertzain nahikoa" izango dela eta "neurri eraginkorrak" hartuko dituztela.
Segurtasun Saila eta sindikatuak berriro bilduko dira datorren astelehenean.
Albiste gehiago ekonomia
Langile bat hil da Gasteizen teilatu batetik erorita
Istripua asteartean gertatu zen, baina gaur eman da jakitera. Langilea 7 metroko altueratik erori zen.
Bruselak espedientea ireki dio Espainiari, BBVAk Sabadellen akzioak eskuratzeko operazioan erabilitako legeengatik
Europako Batzordearen ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak. Eta 2 hilabeteko epea eman diote Espainiako Gobernuari azalpenak emateko.
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.