Bilboko TMB lantegiko bi beharginek positibo eman dute Q sukarrean
Bilboko zaborren Tratamendu Mekaniko Biologikoen (TMB) lantegiko bi beharginek positibo eman dute Q sukarraren lehen azterketa, Bizkaiko Foru Aldundiak astearte honetan jakinarazi duenez.
Elena Unzueta Bizkaiko Ingurumen diputatuak prentsaurrekoa eskaini du horren inguruko azalpenak emateko. Horren hitzetan, lau kasu posible atzeman zituzten martxo amaieran, eta ordudanik azterketak egiten ibili dira.
Aurretik, 2014an, Q sukarraren epidemia-agerraldia izan zen lantegi horretan. Dozenaka langile kutsatu ziren, eta fabrika hilabete batzuez itxi behar izan zuten.
Coxiella burnetii bakterioak eragiten du Q sukarra, ardi, ahuntz, behi, katu, txori, arratoi eta saguak izan daitezke bakterio patogenoaren eramaileak, eta, horiekin harremanetan jarriz gero, gizakia ere kutsatu daiteke. Gaixotasunak ondorengo sintomak eragiten ditu: eztul lehorra, sukarra, buruko mina eta giharretako mina.
Unzuetak azaldu duenez, lau kasu posible horietatik bik positibo eman dute lehen frogan (bigarrena egingo diete aurki), eta hirugarren batek, negatibo. Laugarrenari lehen azterketa egin berri diote, eta emaitzen zain daude.
Ingurumen diputatuak argitu du TMB lantegia kudeatzen duen enpresak martxoaren 28an eman ziela kasu posibleen berri, eta apirilaren 3an Garbikerrek (Bizkaian hondakinen tratamendua kudeatzen duen sozietate publikoa) argibide gehiago eskatu zizkiola. Osalanek hartu du bere gain ikerketa.
"Oraingo honetan ez dago epidemia-agerraldirik"
Unzuetak azpimarratu duenez, "gaur gaurkoz" ez dago baieztatutako kasurik —bigarren azterketaren emaitzak ezagutzean jakingo dute—, eta beraz, "ezin esan 2014ko epidemia-agerraldia dagoenik; orduko hartan, dozenaka langile kutsatu ziren eta.
Unzuetaren hitzetan, Q sukarraren agerraldiaren ostean Europako segurtasun protokolorik "zorrotzenak eta sakonenak” ezarri zituzten TMBn. Hori horrela, segurtasun neurri horiek bete direla jakiteko txosten "xehatua" eskatu diote enpresari.
Foru aldundiak auziari "arretaz, kezkaz eta lasaitasun osoz" aurre egiten diola esan du Unzuetak; izan ere, Bizkaian nekazal guneetako animalien hondakinak biltzen dituen lantegi bakarra dela azaldu du.
"Kutsatzeko arriskurik ez egoteko lantegiak zorroztasunez jarraitu beharreko protokoloak ditu, eta Europako edozein lantegitan harritu egiten dira gure zorroztasun protokoloak direla eta", esan du.
Albiste gehiago ekonomia
Langile bat hil da Gasteizen teilatu batetik erorita
Istripua asteartean gertatu zen, baina gaur eman da jakitera. Langilea 7 metroko altueratik erori zen.
Bruselak espedientea ireki dio Espainiari, BBVAk Sabadellen akzioak eskuratzeko operazioan erabilitako legeengatik
Europako Batzordearen ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak. Eta 2 hilabeteko epea eman diote Espainiako Gobernuari azalpenak emateko.
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.