Grebak % 65eko jarraipena izan du sindikatuen hitzetan; % 36koa Lanbideren arabera
ELA, UGT, LAB eta CCOO sindikatuek greba deitu dute Lanbiden, kudeaketa eredu berriaren aurka protesta egiteko. Lanuzteak % 36,6ko jarraipena izan duela azaldu du Eusko Jaurlaritzak. Sindikatu deitzaileek, ostera, % 65 jarraipena izan dela adierazi dute.
Kudeaketa eredu berriaren inposaketa gelditzeko eskatu dute sindikatuek, zerbitzuak eta lan baldintzek “funtsean okerrera” egingo dutelako. Negoziazio bat “zerotik” abiatzea eskatu dute deitzaileek. Sistema berriak “kudeaketa optimizatuko” duela uste du Lanbidek.
Eusko Jaurlaritzako Enplegu eta Gizarte Politikarako Sailaren ahotan, Lanbideko bulego gehienek, 43tik 41ek, ateak zabaldu dituzte gaur. Hala ere, “lehen orduetan” Aguraingo (Araba) eta Basauri Uribarriko (Bizkaia) bulegoak itxita egon direla onartu du.
Gainera, Barakaldoko Beurko, Zallako eta Basauriko Urbi bulegoetan Lanbidek ez du zerbitzurik eman, baina bai beste administratibo batzuk.
Sindikatuek, aldiz, grebaren jarraipena % 65ekoa dela esan dute, Juanma Gonzalez UGTko ordezkariak eguerdian jakitera eman duen balantzearen arabera. Ehun bat pertsonak manifestazioa egin dute Gasteizen, eguerdian.
Zentzu horretan, “behargin bakar bat lanpostuan azaltzen denean bulegoa zabaltzen” dela ziurtatu du sindikalistak, horregatik 43 bulegotik 41ek ateak ireki dituztela adierazi du Eusko Jaurlaritzak.
“Lanbide diru-sarrerak bermatzeko errentaren kudeaketarako zerbitzu esklusiboa” izatea nahi du Eusko Jaurlaritzak, Gonzalezek salatu duenez. “Enplegu zerbitzu bati dagozkion” orientabide, bitartekotza eta hezkuntza zereginak “hustu” nahi izatea aurpegiratu dio langileen ordezkariak Sailari.
Gaurko egunean erabiltzaileek izan duten pazientzia eskertu du Lanbidek, eta izan diren arazoengatik barkamena eskatu die.
Zure interesekoa izan daiteke
Aldizkari ofizialak argitaratu ditu jada Espainiako Gobernuaren krisiaren aurkako neurriak, eta bihar jarriko dira indarrean
Elektrizitatearen BEZa % 21etik % 10era jaitsiko da, gasolinaren, gasolioaren eta beste hidrokarburo batzuena bezalaxe.
Tubos Reunidoseko langileek trafiko arazoak eragin dituzte Bilbon, Sabino Arana etorbidea moztuta
Tubos Reunidoseko langileek Sabino Arana etorbidea moztu dute. Argazkia: EITB Media
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.