Brent petrolio-upelak 77 dolarren maila gainditu du eta 2014ko maximoetara heldu da
AEBk Teherango itun nuklearra bertan behera utzi ostean, petrolioaren prezioa 2014an izandako maximoetara heldu zen atzo, batetik, Donald Trumpek Iranen aurkako zigorrak ezarriko dituela iragarri duelako, eta, bestetik, petrolio esportazioek behera egin dutelako.
Hori dela eta, Brent petrolio-upelak 77 dolarren maila gainditu, eta 78 dolarretik hurbil gelditu zen atzo.
Bestalde, AEBk, ustekabean, 2,2 milioi upel gutxiago esportatu zituen atzo, eta horrek ere eragina izan zuen prezioaren garestitzean.
Iran petrolio-ekoizlerik handienetarikoa da
Iranek 2,5 milioi upel inguru esportatzen ditu egunero, mundu mailako eskakizunen % 3, hain zuen. Analisten ustez, Irango petrolioaren salmentei ezarritako beto berri batek eragin handia izango du merkatuaren orekan.
Donal Trump presidenteak asteartean iragarri zuenez, AEBk 2015ean sinatutako akordio nuklearra utziko du. Akordioa hainbat herrialdek sinatu zuten (AEB, Iran, Errusia, Txina, Frantzia, Erresuma Batua eta Alemania), eta, akordio horri esker, Teherani zigorrak kendu zizkioten Iranek programa atomikoa murriztearen truke.
Trumpek 180 eguneko muga ezarri du Irango petrolioa eta produktu petrokimikoak erosteari utzi aurretik.
Neurri horrek, egunero Irango 400.000 upel gutxiago esportatzea ekar dezake, Sam Alderson Energy Aspects enpresako analistaren ustez. Ondorioz, besteak beste, Europako, Hego Koreako, Indiako eta Japoniako findegiek ordezko hornitzaileak bilatu beharko dituzte.
Zigor berriak ezartzearen ondorioz, gainera, Iranen lan egin nahi duten enpresek zailtasun handiagoak izango dituzte finantzazioa lortzeko eta aseguru berriak negoziatzeko, eta, praktikan, zigorrek petrolioaren salerosketan murrizketa osagarriak eragin ditzakete.
Ondorioz, Teheranek petrolioaren produkzioa murriztu lezake, erreserbak gordetzeko instalazioak bete ostean, Andersonen hitzetan.
"Murrizketa edozein dela ere, petrolioaren gaineko zigorrak berrezartzeak eragina izango du datozen hilabeteotan mundu mailan", esan du adituak.
Zure interesekoa izan daiteke
BBVAk 10.511 milioi irabazi ditu 2025ean, % 4,5 gehiago
Aldaketa-tasa egonkorra erabilita, mozkinen hazkundea % 19,2koa izan zen. Erakundeko presidenteak adierazi duenez, errekor berri horrek agerian uzten du "hazkundea eta errentagarritasuna konbinatzeko dugun gaitasuna".
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.
EAEko taxilariek manifestazioa egin dute Bilbon VTC plataformen "gehiegikerien" aurka
Taxien sektorean egiten dituzten azterketa berdinak eskatzen dizkiete erakundeei plataforma hauentzat. Salatu dutenez, Bizkaian ibilgailu hauentzat lizentzia berrien "jarioa etengabea" da, Foru Aldundiak baimenduta. Jakitera eman dutenez, Gipuzkoan egoera desberdina da, ez delako lizentzia berririk ematen. Araban, berriz, "erresistentzia instituzionala handiagoa" dela diote.
Mikel Jauregiren arabera, Tubos Reunidosen irtenbideak "bideragarria" izan behar du, eta berregituraketak, "epe luzekoa"
Eusko Jaurlaritzako Industria, Trantsizio Energetiko eta Jasangarritasun sailburuak eragile guztien artean Tubos Reunidosen benetako bideragarritasuna bilatzearen eta Amurrion eta Trapagaranen industria-jarduerari eutsiko dion "etorkizuneko industria-proiektu bat osatzearen alde" egin du Radio Euskadin. Hala ere, onartu du zorra arazo garrantzitsua dela eta "egoera zaila" dela.
Gipuzkoako Aldundia tasa turistikoa uda honetan indarrean jartzekotan dago
Foru Gobernuaren Kontseiluak aurreikusten du martxoaren 17an onartu dezakeela zerga arautuko duen lege-proiektua. Ondoren, Batzar Nagusietara eramango dute eztabaidatzeko eta, onartzen bada, udalerriak aplikatzen hasi ahal izango dira.