1.751 enpresa parte hartzen ari dira Makina-erremintaren azokan, BECen
21 herrialdetako 1.751 enpresa 3.000 produktu eta 1.200 makina inguru erakusten ari dira makina-erremintaren bi urtez behingo azokan (BIEMH). Erakusketak BECen sei pabiloiak hartu ditu.
Iñigo Urkullu lehendakariak inauguratu du aurtengo edizioa 11:00etan, Arantxa Tapia eta Maria Jesus San Jose sailburuek lagunduta. Azoka ostiralera arte zabalik egongo da.
30. edizioa makina-erremintaren sektoreak bizi duen "une positiboaren erakusgarri ona" izango dela uste du Xabier Basañez Bilbao Exhibition Centreko (BEC) zuzendari nagusiak. Era berean, erakustoki teknologikoa izango dela nabarmendu du.
Basañezen hitzetan, "testuinguru egonkor eta inbertsiorako aldeko aurreikuspenekin", atzerriko enpresen parte-hartzeak (% 47) "azken urteetako zenbatekorik onena lortuko du aurten", eta negozio aukera "onak" izango dira.
Portugal, Alemania, Italia eta Frantziak erakusketari kopururik handiena dute, baina Japonia, Austria, Belgika, Bulgaria, Txina, Danimarka, Eslovakia, Ameriketako Estatu Batuak, Herbehereak, Israel, Polonia, Erresuma Batua, Txekiar Errepublika, Suitza, Taiwan eta Turkiako konpainiak ere azokan parte hartzen ari dira.
Enpresek erakustazokako sei pabiloiak hartu dituzte. Osagai eta osagarrien sektoreak (% 26) ordezkaritza zabalena du, ondoren abio-makineriak (% 22), erremintak (% 15), deformazio-makineriak (% 14), robotika eta automatizazioak (% 9), metrologia eta kalitate kontrolak (% 9) eta gainerako makinek (% 5).
Gainera, 4. pabiloia (Bizkaia Arena) '4.0 pabiloia' bihurtu da. 4.0 industriarentzako produktu eta zerbitzuak bertan dira 3D eta Ekoizpen Gehigarriko Azokaren (ADDIT3D) hirugarren edizioan eta 'BeDIGITAL by BIEMH' teknologia digitalen foroko aurreneko edizioan.
Bi urtez behingo azokaren garrantzia azpimarratu du Arantxa Tapia sailburuak, "munduan Euskadi industria marka sendotzeko". Zentzu horretan, azokak EAEko enpresen gaitasun teknologikoa "erakustea" posible egiten duela goraipatu du Tapiak.
Bestalde, IMIC (Industrial Maintenance Innovation) industria mantentze-laneko azoka eta Workinn enplegu industrialeko hirugarren foroa egingo dute. Erakundeek eta enpresek ia 200 lan eskaintza aurkeztuko dituzte, profil profesional ezberdinentzako.
Albiste gehiago ekonomia
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.
Villavesetako langileek bertan behera utzi dute greba, eta irailean lanuzteei helduko diete berriro
Iruñerriko autobus zerbitzuko beharginek erabakia batzarrean hartu dute. Ondorioz, asteartetik zerbitzua normaltasunez emango dute, udan zenbait mobilizazio eginez.
UEFA Europa Ligako finalaren itzulkina inbertsioa halako hamar izango dela uste du Bilboko Udalak
Bilboko Elkarrekinek eta EH Bilduk datu zehatzagoak eskatu dituzte, ingurumen-inpaktuari, benetan sortutako enpleguari eta proiektatzen den hiri-ereduari buruz.