42 zergapekok 122 milioi euro zor dizkiote Arabako Ogasunari
Berankorren kopuruak gora egin du Araban. Iaz 40 ziren eta aurten 42 dira, ia gehienak enpresak. Guztira, 122,6 milioi euro zor dizkiote Arabako Ogasunari, aurreko ekitaldian baino 11,8 milioi gehiago.
Hirugarren urtez jarraian, 2017ko abenduaren 31n milioi bat baino gehiagoko zorra edo zerga-zigorrak zituzten zergapekoen zerrenda argitaratu du gaur Arabako Ogasunak.
Datuak argitaratu ziren aurreneko urtean 26 zergapeko zeuden berankorren zerrendan. 76,3 milioi euroko zorra zuten.
Iaz ekainean argitaratutako azken zerrendarekin alderatuta, hiru zergapeko berri sartu dira sailkapenean, 11,8 milioi euroko zorrarekin, baina aurreko urteko zordun handi bat zerrendatik desagertu da; izan ere, haren zorra ez da milioi batera heltzen orain.
39 pertsona juridikok 114,3 milioi euroko zorra dute, gaur argitaratutako zerrendaren arabera.
Zor handiena pilatu duten konpainiak aurreko urteko ia berdinak dira, besteak beste, Goya sesenta y nueve (16,6 milioi), Ros Casares Centro del Acero (10,2 milioi), Urko-Urbasa aldi baterako enpresa-elkartea (10,7 milioi) eta Eguren Vitoria (9,2 milioi).
Ordaintzeke dauden zigor eta zorren zenbatekoak agertzen dira zerrendan; atzeratu, zatitu edo bertan behera utzi diren beste guztiak, aldiz, ez dira jaso, ezta oraingoz jakinarazi ez direnak ere.
Jose Luis Cimiano Arabako Ogasun diputatuak azaldu duenez, zerrenda “iruzurraren aurkako eta kontzientziazio neurri bat” da. Zordun “gehienak porrot egin edo hartzekodunen konkurtsoan dauden enpresak” direla gogorarazi du arduradunak.
Hori da Arabako berankor handien profila. Hala ere, 15 bat zordun ez daude hartzekodunen konkurtsoan, erantsi duenez.
Datuak Babesteko legea betetzeko, berankorren zerrenda hiru hilabetez egongo da ikusgai, epe hori amaitzean, informazioa ez da eskuragarri izango.
Zure interesekoa izan daiteke
Angularen arrantza kanpainak bertan behera jarraitzea berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziearen egoera kritikoa egiaztatu ondoren.
Diesel litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.